Published:Updated:

கடனில் முளைத்த பூ - கவிதை

கடனில் முளைத்த பூ - கவிதை
பிரீமியம் ஸ்டோரி
கடனில் முளைத்த பூ - கவிதை

கவிதை: நிலாகண்ணன், படம்: அருண் டைட்டன்

கடனில் முளைத்த பூ - கவிதை

கவிதை: நிலாகண்ணன், படம்: அருண் டைட்டன்

Published:Updated:
கடனில் முளைத்த பூ - கவிதை
பிரீமியம் ஸ்டோரி
கடனில் முளைத்த பூ - கவிதை

சில்லறை மீன் வியாபாரி
விபத்துக்குள்ளாகிக் கிடக்கின்றான்
கூடையிலிருந்து சிதறிய மீன்கள்
அவன் குருதியில் நீந்திக்களிக்கின்றது.
பாவம் வியாபாரிதான்
காற்று குடித்து மூர்ச்சையானான்...
தவிர
வண்ணமீன்கள் சுற்றும் தட்டைப்பேழைக்குள்
நான் என் சைக்கிள் பெல்லை அடித்தபடி
கவனமாய் நீந்திவந்தேன் என் வீட்டிற்கு.

***

தையல் எந்திரத்திற்காக
வாங்கிய கடனால்
உறவில் ஒரு கிழிசல் நேர்ந்துவிடுகிறது.
நல்லவேளை துணைவி கத்தரி நிறத்தில்
அதன்மேல் ஒரு பூ வரைந்துவிடுகிறாள்.

கடனில் முளைத்த பூ - கவிதை

ஒரு தாவரத்தைப்போல் படருகின்ற கடனால்
மறைந்துகொள்ள ஒரு காடும் கிடைத்துவிடுகிறது.

என்னைத்தேடி வனம்புகும்
நண்பனின் பஞ்சரான சைக்கிளே...
தயவுசெய்து உன் முதலாளியிடம் சொல்
நான் சாகவுமில்லை
என் பெயர் ராமசாமியுமில்லை.