Published:Updated:

“கேமராவும் இல்லை... போலீஸும் இல்லை!” - ரயில் நிலையங்கள் பற்றி குமுறும் பெண்கள்

ஒட்டுமொத்த விகடனுக்கும் ஒரே ஷார்ட்கட்

Use App
“கேமராவும் இல்லை... போலீஸும் இல்லை!” - ரயில் நிலையங்கள் பற்றி  குமுறும் பெண்கள்
“கேமராவும் இல்லை... போலீஸும் இல்லை!” - ரயில் நிலையங்கள் பற்றி குமுறும் பெண்கள்

“கேமராவும் இல்லை... போலீஸும் இல்லை!” - ரயில் நிலையங்கள் பற்றி குமுறும் பெண்கள்

பிரீமியம் ஸ்டோரி

.டி பொறியாளர் சுவாதி படுகொலை செய்யப்பட்ட அந்தக்கணத்தில் எல்லோர் மனத்திலும் எழுந்த முதல் கேள்வி, ‘ரயில் நிலையங்கள் பெண்களுக்குப் பாதுகாப்பான இடங்களா?’ என்பதுதான். சம்பவம் நடந்த சென்னை நுங்கம்பாக்கம் ரயில் நிலையத்தில் சி.சி.டி.வி கேமரா இல்லாததால், குற்றவாளியைக் கண்டுபிடிக்க முடியாமல் போலீஸார் திணறினர்.

“கேமராவும் இல்லை... போலீஸும் இல்லை!” - ரயில் நிலையங்கள் பற்றி  குமுறும் பெண்கள்

தினமும் பல்லாயிரக்கணக்கான மக்கள் வந்துசெல்லும் ரயில் நிலையத்தில் சி.சி.டி.வி கேமராக்கள் இல்லாதது பெரும் சர்ச்சையை உண்டாக்கியது. அடுத்த சில நாள்களில் இந்த விவகாரம் தொடர்பாக, சென்னை உயர் நீதிமன்றத்தில் வந்த வழக்கு ஒன்றில், ‘உடனடியாக அனைத்து ரயில் நிலையங்களிலும் சி.சி.டி.வி கேமராக்கள் பொருத்த வேண்டும்’ என நீதிபதிகள் உத்தரவிட்டனர். அதுமட்டுமில்லை, ‘ஒவ்வொரு ரயில் நிலையத்திலும் கூடுதல் போலீஸ் பாதுகாப்பு, ரயில் பெட்டிகளில் காவலர்களுக்குப் பணி, 24 மணி நேர ஹெல்ப் லைன்’ என பல விஷயங்களைச் செய்வதாக ரயில்வே நிர்வாகம் அறிவித்தது. ஓராண்டு முடிந்து இன்றுவரை சென்னையின் பல மின்சார ரயில் மற்றும் பறக்கும் ரயில் நிலையங்களில் ஒரு கண்காணிப்பு கேமராகூட இல்லை.

இரண்டு மாதங்களுக்கு முன்பாக, ‘விரைவில் தமிழகத்தில் 82 ரயில் நிலையங்களில் சுமார் 1000-க்கும் மேற்பட்ட கண்காணிப்பு கேமராக்கள் பொருத்தப்படும்’ என்று தென்னக ரயில்வே அறிவித்தது. இன்றுவரை அது வெறும் அறிவிப்பாகவே உள்ளது. ரயில் நிலையங்கள் எந்த அளவுக்குப் பாதுகாப்பாக உள்ளன? ரயிலில் பயணிக்கும் சிலரிடம் பேசினோம்...

சுஜி (கல்லூரி மாணவி):

தினமும் செங்கல்பட்டிலிருந்து சென்னைக்கு வந்துசெல்கிறேன். ரயில் நிலையங்களில் எந்தப் பாதுகாப்பும் இல்லை. ஈவ் டீசிங் உள்பட நிறைய டார்ச்சர் நடக்குது. போலீஸ்காரர்கள் இருந்தால், அவர்களிடம் போய் உதவி கேட்கலாம். இப்போது யாரிடம் உதவி  கேட்பதென்றே தெரியவில்லை.

“கேமராவும் இல்லை... போலீஸும் இல்லை!” - ரயில் நிலையங்கள் பற்றி  குமுறும் பெண்கள்

கணேஷ் (குடும்பத் தலைவர்):

சுவாதி கொலை போல ஒரு கொடுமை இனி நடந்துவிடக் கூடாது என்பதற்கு அரசாங்கம் என்ன நடவடிக்கை எடுத்தது? என் பொண்ணு காலேஜ் படிக்கிறாள். தினமும் ரயிலில்தான் போய்வருகிறாள். காலேஜ் போய்விட்டு வீடுவந்து சேரும்வரை வயிற்றில் நெருப்பைக் கட்டிக்கொண்டுதான் இருக்கிறோம். பெற்றோர்களின் வலி அரசாங்கத்துக்கு ஏன் தெரியவில்லை?

வைஷாலி (கல்லூரி மாணவி):

ஒரு ஸ்டேஷனிலாவது கேமரா பொருத்தினார்களா? பீச் ஸ்டேஷனில் இருந்து வேளச்சேரி வரைக்கும் பறக்கும் ரயிலில் போவதற்கே பயமாக இருக்கிறது.

கமலேஸ்வரி (கல்லூரி மாணவி):

சேப்பாக்கம் ரயில் நிலையத்தில் ரயில் பிடித்து தினமும் கல்லூரிக்குப் போகிறோம். இந்தக் கட்டடம், ஏதோ பேய் படங்களில் வருகிற குகை மாதிரி மிரட்சியூட்டுவதாக இருக்கிறது. இந்த இடத்தில் ஒரு போலீஸ்காரரைக்கூட பார்க்க முடியாது. 

மேரி (கல்லூரி மாணவி):

ரயில் நிலையத்துக்கு நான் தனியாகவே வருவது கிடையாது. ஃப்ரெண்ட்ஸ் எல்லாம் சேர்ந்துதான் வருவோம். 

“கேமராவும் இல்லை... போலீஸும் இல்லை!” - ரயில் நிலையங்கள் பற்றி  குமுறும் பெண்கள்

ந்த விவகாரம் தொடர்பாக, தெற்கு ரயில்வே துணைப் பொது மேலாளர் செந்தில்குமார் மற்றும் கூடுதல் கோட்ட ரயில்வே மேலாளர் கிஷோர்பாபு ஆகியோரைச் சந்தித்து கேட்டோம். ‘‘ரயில் நிலையங்களில் கண்காணிப்பு கேமராக்கள் பொருத்தும் பணியை முதலில் எடுத்த நிறுவனத்துடனான ஒப்பந்தத்தில் பிரச்னை வந்ததால், தற்போது ‘ரயில்டெல்’ நிறுவனம் இந்தப் பணிக்கான ஒப்பந்தத்தை எடுத்துள்ளது. இப்போது சென்னை உட்பட தமிழகத்தின் பல பகுதிகளில் உள்ள ரயில் நிலையங்களில் பணி ஆரம்பிக்கப்பட்டுள்ளது. கூடியவிரைவில் சென்னையின் அனைத்து ரயில் நிலையங்களிலும் கண்காணிப்பு கேமராக்கள் பொருத்தப்பட்டுவிடும்” என்றார்கள்.

பல ரயில் நிலையங்களில் ரயில்வே போலீஸார் ஒருவர் கூட பாதுகாப்புக்கு இல்லை என்பதை பயணிகள் நம்மிடம் தெரிவித்தனர். நாமும் அதை நேரில் கண்டோம். ஆனால், இதுதொடர்பாக ரயில்வே போலீஸின் தலைமை அலுவலகத்தில் இருந்த அதிகாரிகளிடம் நாம் கேட்டதற்கு, “அனைத்து ரயில் நிலையங்களிலும் ரயில்வே போலீஸார் இருக்கிறார்கள்” என்றனர். ஒருவேளை ஏதாவது மாறு வேடத்தில் பணியில் இருப்பார்களோ?!

- ஜெ.அன்பரசன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு