Published:Updated:

பறவைகள் குறித்த கவிதை உவமையை யாரும் புரிந்து கொள்ளவில்லை தச்சனே! - கவிதை

பறவைகள் குறித்த கவிதை உவமையை யாரும் புரிந்து கொள்ளவில்லை தச்சனே! - கவிதை
பிரீமியம் ஸ்டோரி
பறவைகள் குறித்த கவிதை உவமையை யாரும் புரிந்து கொள்ளவில்லை தச்சனே! - கவிதை

கவிதை: வெய்யில், ஓவியம்: ரமணன்

பறவைகள் குறித்த கவிதை உவமையை யாரும் புரிந்து கொள்ளவில்லை தச்சனே! - கவிதை

கவிதை: வெய்யில், ஓவியம்: ரமணன்

Published:Updated:
பறவைகள் குறித்த கவிதை உவமையை யாரும் புரிந்து கொள்ளவில்லை தச்சனே! - கவிதை
பிரீமியம் ஸ்டோரி
பறவைகள் குறித்த கவிதை உவமையை யாரும் புரிந்து கொள்ளவில்லை தச்சனே! - கவிதை
பறவைகள் குறித்த கவிதை உவமையை யாரும் புரிந்து கொள்ளவில்லை தச்சனே! - கவிதை

“உழைப்பாளர்கள் சிலையிலிருப்பவர்கள்
உழைப்பாளர்களே அல்ல
ஒரு சிற்பியின் விருப்பத்திற்காக
வெறுமனே அவர்கள் பாறையைப் புரட்டுகிறார்கள்”
-கலைவிமர்சகருக்கு வணக்கம் சொல்லிவிட்டு நகர்ந்தேன்.
“பொன்னுலகுக்குச் செல்லும் வாயிலின் அடைப்பைத் திறக்கிறார்கள்
வெகுகாலமாய்”
-சரிதான். அவருக்கும் வணக்கம் தெரிவித்தேன்.
“புரட்சி என்பது காலாவதியாகிப்போன இருமல் மருந்து”
-ஓ...உங்களுக்கும் நன்றி.
கீழே இறங்குங்கள்
இதற்காகவா நண்பர்களே நாம் மெரினாவுக்கு வந்தோம்
போதும்
அந்த நீள மரத்துண்டங்களைக் கைவிடுங்கள்
உங்கள் தசை முறுக்குகள்...அய்யோ பரிதாபம்!
கலைந்து போய் காற்றில் உலாவுங்கள்
மகிழ்ச்சியாக சோம்பல் முறித்து தேறல் விற்பவர்களைத் தேடுவோம்
எலும்புகள் சிலிர்த்துக்கொண்டு எவ்வளவு காலமாகியிருக்கும்
இரவில் புதிய புதிய காதல்களைக் கண்டெடுப்போம்
மாலை கரைமணலில் கூட்டாகக் கபடி ஆடலாம்
இடையிடையே ரெட்டை அர்த்த வசவுகளைக் கூவி மகிழலாம்
‘அல்லி மலர்கள் உழைப்பதில்லை’ என்ற இயேசு,
உடனே திராட்சை ரசத்தில் நாவை நனைத்துக்கொண்டார் - மூளை நன்றி சொன்னது.
வேலை, உழைப்பு, வியர்வை, கூலி போன்ற சொற்கள் குமட்டுகின்றன
பாறைகள் சுரங்கங்கள் குறித்த கவலைகளைத் தள்ளுங்கள்
முதலாளிகளிடம் வெடிமருந்துகள் நிறைய உண்டு
எளிதாக அவர்கள் எதையும் வெடித்துத் தகர்ப்பார்கள்
மகிழ்ச்சியற்ற பலசாலிகளே
சில்லென்று மழைக்காலம் தொடங்குகிறது
நம் திணைக்குறி மலர்கள் நீலம்பொங்கப் பூக்கின்றன
வரலாற்றில் நம் கட்டைவிரல்கள்
தன் சுதந்திரத்துக்காக எத்தனை நூற்றாண்டுகள் உழைத்தன?
மெரினாவின் நெய்தல் மலர்களைக் கொடுங்கள்
அவை ஏந்திப்பிடிக்கட்டும்
‘உலகத் தொழிலாளர்களே போதும் ஓய்வெடுங்கள்’!