Published:Updated:

ஜூ.வி நூலகம்: சாதி ஒழிப்புக்கு உண்மையான மருந்து எது?

ஜூ.வி நூலகம்: சாதி ஒழிப்புக்கு உண்மையான மருந்து எது?
பிரீமியம் ஸ்டோரி
ஜூ.வி நூலகம்: சாதி ஒழிப்புக்கு உண்மையான மருந்து எது?

ஜூ.வி நூலகம்: சாதி ஒழிப்புக்கு உண்மையான மருந்து எது?

ஜூ.வி நூலகம்: சாதி ஒழிப்புக்கு உண்மையான மருந்து எது?

ஜூ.வி நூலகம்: சாதி ஒழிப்புக்கு உண்மையான மருந்து எது?

Published:Updated:
ஜூ.வி நூலகம்: சாதி ஒழிப்புக்கு உண்மையான மருந்து எது?
பிரீமியம் ஸ்டோரி
ஜூ.வி நூலகம்: சாதி ஒழிப்புக்கு உண்மையான மருந்து எது?

சாதியை அனைவரும் ஒழித்துவிட்டோம்... வார்த்தைகளில், செயலில் அல்ல. சாதியை எல்லோரும் எதிர்க்கிறார்கள். ஆனால், எந்த எல்லை வரை எதிர்க்கிறார்கள் என்பதுதான், சாதியை ஒழிக்க முடியாமல் போவதற்கு முக்கியக் காரணம். அதேபோல், ‘சாதி ஒழிப்புக்கு உண்மையான மருந்து எது’ என்பதும் மாபெரும் விவாதமே.

‘சாதியின் வேர், ஆதிக்க சாதி இந்து’ என்கிறார் அம்பேத்கர். ‘கோயிலும் கடவுளும் பூசாரியுமே அதனைக் காப்பாற்றுகிறது’ என்கிறார் பெரியார். ‘சாதியமைப்பு ஒழிப்பு என்பது தனியுடைமை ஒழிப்புடன் தொடர்புடையது’ என்கிறது மார்க்சியம். இந்த மூன்று கருத்தாக்கங்களும் முக்கியமானவைதான். அது தொடர்புடைய விவாதங்கள் காலங்காலமாக நடக்கின்றன. அந்த விவாதத்தைத் தொடர்வதற்கு இந்தப் புத்தகம் வந்திருக்கிறது.

ஜூ.வி நூலகம்: சாதி ஒழிப்புக்கு உண்மையான மருந்து எது?

‘சாதியப் பிரச்னைக்கான தீர்வு: புத்தர் போதாது, அம்பேத்கர் போதாது, மார்க்ஸ் அவசியத் தேவை’ என்ற ரங்கநாயகம்மாவின் புத்தகம், சில மாதங்களுக்கு முன் வெளியானது. அதன் தொடர்ச்சியே இந்த நூல். மார்க்சியம் குறித்தும், சாதி குறித்தும் அம்பேத்கரின் சில முடிவுகளுக்குள் முரண்பாடுகள் இருப்பதை ரங்கநாயகம்மா அதில் சொல்லியிருந்தார். எந்த ஒன்றும் புனிதமானது அல்ல. புனிதம் ஆக்குவதால் சிக்கல்கள்தான் ஏற்படும். இது மார்க்ஸ், அம்பேத்கர், பெரியார் மூவருக்கும் பொருந்தும். ‘அம்பேத்கர் பயன்பட மாட்டார் என்று சொல்லவில்லை. போதாது என்றுதான் சொல்கிறேன்’ என்று ரங்கநாயகம்மா சொல்கிறார்.

அம்பேத்கர் முன்மொழியும் புத்தர், நிறுவனமயமாக்கப்பட்ட இறைநிலைத் தன்மை ஏற்றப் பட்டவர். பொருள் முதல்வாதிகளால் இதனை ஏற்க முடியாது. அந்த விமர்சனங்கள்தான் இந்த நூலில் இருக்கின்றன. அம்பேத்கரை விடுதலை இறையியலுக்குள் கிறிஸ்தவம் ஸ்வீகாரம் செய்ய நினைப்பதையும், பவுத்தம் அவரின் முதுகுக்குப் பின்னால் ஒளிவதையும் தடுத்தாக வேண்டும்.

அதேபோல் இந்தியாவில் உருவான கம்யூனிஸ்ட் இயக்கங்கள், சாதி குறித்த தாக்குதலில் எவ்வளவு பலவீனமாக இருந்தன என்பதையும் இந்தப் புத்தகம் பேசுகிறது. ‘இந்தியாவுக்கு மார்க்சியம் பொருந்தாது. சாதி ஒழிப்பிற்கு மார்க்சியத்தில் தீர்வில்லை, அம்பேத்கரிடம் மட்டுமே தீர்வு இருக்கிறது’ என்பதே தலித் அரசியல் கோட்பாடு. இந்த நிலையில், ‘மார்க்சியமும் அம்பேத்கரியமும் இணைய முடியுமா?’ என்பதை ஜனரஞ்சக வாதம் என்று ஒதுக்குவது சரியல்ல. எந்த ஒன்றும் சர்வரோக நிவாரணி ஆக முடியாது என்ற புரிதலோடு இந்த விவாதத்தைத் தொடரலாம்.

மார்க்சியமும் சாதியப் பிரச்சினையும்
(தொடரும் விவாதம்...)

தேர்வும் தொகுப்பும்: கொற்றவை

குறளி பதிப்பகம்
தொடர்புக்கு:
95001 50047
விலை: ரூ.200/-

- புத்தகன்