Published:Updated:

“வாசகர்களையே அதிகம் நம்பியிருக்கிறோம்!” - வருகிறது புத்தக திருவிழா

“வாசகர்களையே அதிகம் நம்பியிருக்கிறோம்!” - வருகிறது புத்தக திருவிழா
பிரீமியம் ஸ்டோரி
“வாசகர்களையே அதிகம் நம்பியிருக்கிறோம்!” - வருகிறது புத்தக திருவிழா

“வாசகர்களையே அதிகம் நம்பியிருக்கிறோம்!” - வருகிறது புத்தக திருவிழா

“வாசகர்களையே அதிகம் நம்பியிருக்கிறோம்!” - வருகிறது புத்தக திருவிழா

“வாசகர்களையே அதிகம் நம்பியிருக்கிறோம்!” - வருகிறது புத்தக திருவிழா

Published:Updated:
“வாசகர்களையே அதிகம் நம்பியிருக்கிறோம்!” - வருகிறது புத்தக திருவிழா
பிரீமியம் ஸ்டோரி
“வாசகர்களையே அதிகம் நம்பியிருக்கிறோம்!” - வருகிறது புத்தக திருவிழா

சென்னைப் புத்தகக்காட்சி என்றால், பொங்கல் திருநாளையொட்டி ஜனவரியில் நடைபெறும் காட்சிதான் எல்லாருக்கும் நினைவுக்கு வரும். இப்போதோ, கல்வியாண்டு தொடங்கிய சூட்டோடு இன்னுமொரு புத்தகத் திருவிழா ஜூலையில் நடக்க இருக்கிறது. ‘இளைஞர்களிடம், குறிப்பாக மாணவர்களிடம் படிக்கும் பழக்கத்தை வளர்க்கவேண்டும்’ என்ற முனைப்பில் ஜூலை மாதத்தில் இந்தப் புத்தகத் திருவிழாவை நடத்துகிறார்கள், தமிழ்நூல் வெளியீடு மற்றும் தமிழ்நூல் விற்பனை மேம்பாட்டுக் குழுமத்தினர். தொடர்ந்து மூன்றாவது ஆண்டாக இதை நடத்துகிறார்கள். சென்னை ராயப்பேட்டை ஒய்.எம்.சி.ஏ மைதானத்தில், வருகிற 21-ம் தேதி முதல் 31-ம் தேதி வரை புத்தகத் திருவிழா நடைபெறும்.

‘பெரும்பாலான ஊர்களில் ஆண்டுக்கு ஒரு முறைதானே புத்தகக்காட்சி நடத்தப்படுகிறது’ எனக் கேட்டால், “சென்னை போன்ற மாநகரங்களில், ஆண்டுக்கு இரண்டு முறை புத்தகக்காட்சியை நடத்துவதற்கு மக்களிடம் ஆதரவு இருக்கிறது. கடந்த இரண்டு ஆண்டுகளிலும் இங்கு நடந்த புத்தகத் திருவிழாவில் மக்கள் உற்சாகமாக வந்து புத்தகங்களை வாங்கிச்சென்றனர். கடந்த ஆண்டு இரண்டு லட்சம் வாசகர்கள் கலந்துகொண்டார்கள். இந்த ஆண்டு மூன்று லட்சம் பேராவது வருவார்கள்” என நம்பிக்கையோடு சொல்கிறார்கள், புத்தகத் திருவிழாவை நடத்தும் அமைப்பினர்.

“வாசகர்களையே அதிகம் நம்பியிருக்கிறோம்!” - வருகிறது புத்தக திருவிழா

இது ஒரு பக்கம் இருக்க, கடந்த நான்கு ஆண்டுகளாக தமிழக அரசு நூலகங்களுக்குப் புத்தகங்கள் வாங்காமல் இருப்பதால், வாசகர்களையே பெரிதும் நம்பவேண்டிய நிலைக்குப் புத்தகத் துறையினர் தள்ளப்பட்டுள்ளனர்.

“கடைசியாக 2013-ம் ஆண்டில்தான், பொது நூலகங்களுக்கான வருடாந்திர புத்தகக் கொள்முதல் செய்யப்பட்டது. அண்ணா நூற்றாண்டு நினைவு நூலகத்துக்கு மட்டும், ராஜாராம் மோகன் ராய் நூலக நிதியிலிருந்து சிறிதளவு புத்தகங்கள் இடையில் வாங்கப்பட்டன. புத்தகம் வாங்குவதிலும் ஜனநாயக முறை பின்பற்றப்படுவதில்லை. இதைச் சரிசெய்தால்தான், அனைத்துப் பதிப்பாளர்களும் புத்தகக் கொள்முதலில் சமமாகப் பங்கேற்க வாய்ப்பு உண்டாகும். நல்ல நல்ல புத்தகங்களை வெளியிடுவதற்கான உற்சாகமும் உறுதிப்பாடும் கிடைக்கும்” என்கிறார், புத்தகத் திருவிழாவின் ஒருங்கிணைப்பாளரும், பாரதி புத்தகாலய மேலாளருமான நாகராஜன்.

‘‘ராஜாராம் மோகன் ராய் நூலக நிதியை, அரசு முறையாகப் பயன்படுத்துவதில்லை. உள்ளாட்சி அமைப்புகள் வசூலிக்கும் வீட்டு வரியில், நூலக வரியாக 10 சதவிகிதம் செஸ் விதிக்கப்படுகிறது. அப்படி வசூலிக்கப்பட்ட தொகையை பொதுநூலகத் துறைக்கு உள்ளாட்சி அமைப்புகள் முழுமையாகத் தராமல் பாக்கி வைத்திருக்கின்றன. இதனால் நூலகங்களை மேம்படுத்த முடியவில்லை. பள்ளிக்கல்வித் துறை அமைச்சரும் செயலாளரும் வெளியிட்டுள்ள அறிவிப்புகள், பதிப்பகத் தொழிலுக்கு உற்சாகம் ஊட்டுகின்றன. ‘மாவட்டம்தோறும் அரசு சார்பில் புத்தகக்காட்சி நடத்துவதற்கு மூன்று கோடி ரூபாய் வழங்கப்படும்’ என்பது வரவேற்கக்கூடியது. இதனால் வாசகர்கள், அவரவர் மாவட்டத்திலேயே அனைத்து வகைப் புத்தகங்களையும் எளிதாக வாங்க முடியும். அரசு நூலகங்களுக்கு நூல்களை வாங்க ரூ.25 கோடி ஒதுக்கப்படும் என்ற அறிவிப்பும் நல்ல விஷயம்” என்கிறார் தமிழ்நூல் வெளியீடு மற்றும் தமிழ்நூல் விற்பனை மேம்பாட்டுக் குழுமத்தின் அறங்காவலர்களில் ஒருவரான ஆர்.எஸ். சண்முகம்.

“வாசகர்களையே அதிகம் நம்பியிருக்கிறோம்!” - வருகிறது புத்தக திருவிழா

டிஜிட்டல் வளர்ச்சியில், வாசிப்பாளர்களைக் கவர்ந்து இழுக்க புத்தகங்களைப் புதுப்புது விதங்களில் தயாரிக்க வேண்டியுள்ளது. குறிப்பாக, குழந்தைகள், சிறுவர்களுக்கான புத்தகங்களில் உயர்தரமான தாள்கள், வண்ணங்களைப் பயன்படுத்த வேண்டியிருக்கிறது. ஆனால், இவற்றையெல்லாம் கணக்கிலெடுக்காமல், ‘16 பக்கங்களுக்கு இன்ன விலை’ என ஆதிகாலத்தில் இருந்த விலையையே வைக்கின்றனர். இதனால், தரமான புத்தகங்கள் பயன்பெறமுடியாமல் போகின்றன.

‘2017 ஜூலை சென்னைப் புத்தகத் திருவிழா’வுக்கான ஏற்பாடுகள் ஒரு வாரத்துக்கு முன்பே தொடங்கிவிட்டன. ஜூலை 18-ம் தேதியன்று ‘சென்னை வாசிக்கிறது’ என்ற பெயரில், மூவாயிரம் பள்ளிக்குழந்தைகளை அரங்கில் கூட வைத்து, கதைகளை வாசிக்க வைத்த ஏற்பாடு, இந்தப் புத்தகத் திருவிழாவின் முக்கிய அம்சம். இராமானுஜரின் ஆயிரமாவது ஆண்டை முன்னிட்டும், காரல் மார்க்ஸின் 200-வது ஆண்டை முன்னிட்டும் தமிழ் சினிமாவின் நூற்றாண்டை முன்னிட்டும் சிறப்பு நிகழ்ச்சிகளும் நடத்தப்படுகின்றன.

இவற்றைவிட முக்கியமானது, 252 அரங்குகளைக் கொண்ட இந்தப் புத்தகத் திருவிழாவைப் பார்வையிட கட்டணம் இல்லை என்பதுதான். வரிசைகட்டி வரவிருக்கும் புதிய புத்தகங்களை வரவேற்கத் தயாராவோமா?

- இரா.தமிழ்க்கனல்
படங்கள்: வி.ஸ்ரீனிவாசுலு