Published:Updated:

சிலிண்டர் மானியம் ரத்து... பொதுமக்களிடம் பறித்து பெருநிறுவனங்களுக்குச் சலுகை!

சிலிண்டர் மானியம் ரத்து... பொதுமக்களிடம் பறித்து பெருநிறுவனங்களுக்குச் சலுகை!
பிரீமியம் ஸ்டோரி
சிலிண்டர் மானியம் ரத்து... பொதுமக்களிடம் பறித்து பெருநிறுவனங்களுக்குச் சலுகை!

சிலிண்டர் மானியம் ரத்து... பொதுமக்களிடம் பறித்து பெருநிறுவனங்களுக்குச் சலுகை!

சிலிண்டர் மானியம் ரத்து... பொதுமக்களிடம் பறித்து பெருநிறுவனங்களுக்குச் சலுகை!

சிலிண்டர் மானியம் ரத்து... பொதுமக்களிடம் பறித்து பெருநிறுவனங்களுக்குச் சலுகை!

Published:Updated:
சிலிண்டர் மானியம் ரத்து... பொதுமக்களிடம் பறித்து பெருநிறுவனங்களுக்குச் சலுகை!
பிரீமியம் ஸ்டோரி
சிலிண்டர் மானியம் ரத்து... பொதுமக்களிடம் பறித்து பெருநிறுவனங்களுக்குச் சலுகை!

மையல் காஸ் சிலிண்டருக்கு வழங்கப்படும் மானியத்துக்கு ஒரு தனிப்பட்ட பெருமை உண்டு. பல கோடி இந்தியப் பெண்களைப் புகையின் எரிச்சலில் இருந்தும், சுவாச நோய்களிலிருந்தும் காப்பாற்றியது இந்த மானியம்தான். கடந்த 80-களில் துவங்கிய இந்த மானியம், பல கோடிக் குடும்பங்களை விறகு அடுப்புகளிலிருந்து புகையில்லாத காஸ் அடுப்புக்கு மாற்றியது. ஆனால், இதற்கு மொத்தமாக முற்றுப்புள்ளி வைக்கும் பணியின் க்ளைமாக்ஸில் இருக்கிறது மத்திய அரசு.     

சிலிண்டர் மானியம் ரத்து... பொதுமக்களிடம் பறித்து பெருநிறுவனங்களுக்குச் சலுகை!

2014-ல் ஆட்சிக்கு வந்த நரேந்திர மோடி அரசு, மானியத்துக்கு வேட்டு வைக்கும் நடவடிக்கையைத் தொடங்கியது. பிரதமராக மோடி பதவியேற்றபோது, சென்னையில் 14.2 கிலோ எரிவாயு சிலிண்டர் மானிய விலையில் ரூ. 401-க்கு வழங்கப்பட்டது. கடந்த மூன்று ஆண்டுகளில் 23 முறை சிலிண்டர் விலை உயர்த்தப்பட்டு, தற்போது சிலிண்டர் ஒன்றின் விலை 467.35 ரூபாய். இப்போது, மானியத்தை முற்றிலும் ஒழிப்பது என்று முடிவுசெய்துவிட்டது பி.ஜே.பி அரசு. இதனால் ஒட்டுமொத்த நடுத்தர, ஏழை எளிய மக்கள் அதிர்ந்துபோயிருக்கிறார்கள்.

மத்திய அரசின் திட்டம்தான் என்ன? ‘‘முந்தைய காங்கிரஸ் ஆட்சியில், எரிவாயு மானியத்தைப் படிப்படியாகக் குறைத்துவந்தார்கள். பி.ஜே.பி ஆட்சியில், அதை முற்றிலும் ஒழிப்பது என்று முடிவுசெய்துவிட்டனர்’’ என்கிறார் மார்க்சிஸ்ட் கம்யூனிஸ்ட் கட்சியின் மாநிலச் செயற்குழு உறுப்பினர் கனகராஜ். “உணவு, உரம், எரிபொருள் ஆகிய மூன்றுக்கு மட்டும்தான் இந்தியாவில் மானியம் தரப்படுகிறது. இந்தியாவில், கலால் வரியாக மட்டும் 2013-14-ம் ஆண்டில் 77,982 கோடி ரூபாய் வசூலிக்கப்பட்டது. இது, 2016-2017-ல் 2,42,691 கோடி ரூபாயாக உயர்ந்திருக்கிறது. இப்படி அரசின் வருமானம் ஆண்டுக்கு ஆண்டு அதிகரித்துக் கொண்டுதான் இருக்கிறது. பிறகு ஏன் மானியத்தை ரத்துசெய்ய வேண்டும்?

பெட்ரோலியப் பொருள்கள் விற்பனையில் மத்திய அரசுக்கு வரி, டிவிடெண்ட் என ஒட்டுமொத்தமாக 3,34,534 கோடி ரூபாய் ஆண்டு வருவாய் கிடைக்கிறது. முந்தைய காங்கிரஸ் ஆட்சியில் கிடைத்ததைப் போல இது இரண்டு மடங்கு. பன்னாட்டு நிறுவனங்களுக்கும், பெரு நிறுவனங்களுக்கும் பல கோடிக்கணக்கான ரூபாயைப் பல்வேறு பெயர்களில் சலுகையாகக் கொடுக்கிறார்கள். சொத்து வரியை விட்டுக்கொடுங்கள் என்று யாரும் கேட்கவில்லை. ஆனால், இந்த அரசாங்கம் சொத்து வரியை முழுவதுமாக நீக்கிவிட்டது. பெரு நிறுவனங்களுக்கான வரியைக் குறைத்து விட்டார்கள். பி.ஜே.பி அரசு, 2014-15-ல் பெருநிறுவனங்களுக்கு ஐந்து லட்சம் கோடி ரூபாய் தள்ளுபடி செய்துள்ளது. ஆனால், சாதாரண மக்களுக்குக் கலால் வரி போடுகிறது. 120 கோடி மக்கள் உள்ள நாட்டில், செலவழிக்கும் மானியத் தொகை என்பது மிகச் சிறிய அளவுதான். 

‘மானியத்தைக் கைவிடும் திட்டம் இல்லை’ என்று பெட்ரோலியத்துறை அமைச்சர் தர்மேந்திர பிரதான் நாடாளுமன்றத்தில் சொல்கிறார். அதே நாடாளுமன்றத்தில், ‘மானியத்தை நீக்குவது என்பது ஏற்கெனவே எடுத்த முடிவு’ என்று மத்திய நிதி அமைச்சர் அருண் ஜெட்லி சொல்கிறார். மானியத்தை முற்றிலும் ரத்து செய்யும்பட்சத்தில், கிராமப்புறங்களில் மீண்டும் விறகு அடுப்புக்கு மாறும் நிலை ஏற்படும். நகர்ப்புறங்களில் மண்ணெண்ணெய் அடுப்புகள் அதிகமாகும். முற்றிலும் மானியத்தை ரத்து செய்யும் முடிவை மத்திய அரசு கைவிட வேண்டும்” என்கிறார் கனகராஜ்.

ஒட்டுமொத்த விகடனுக்கும் ஒரே ஷார்ட்கட்!

சிலிண்டர் மானியம் ரத்து... பொதுமக்களிடம் பறித்து பெருநிறுவனங்களுக்குச் சலுகை!

பி.ஜே.பி-யின் தமிழக செய்தித் தொடர்பாளர் நாராயணன், “முன்பு, 14 கோடி எரிவாயு இணைப்புகள் இருந்தன. அது, இப்போது 21 கோடியாக உயர்ந்துள்ளது. 2.50 கோடி எரிவாயு இணைப்புகள் இலவசமாகத் தரப்பட்டுள்ளன. அடுத்த இரண்டு வருடங்களில், இன்னும் ஐந்து கோடி இதில் அதிகரிக்கும். எனவே, மானியம் என்பது யாருக்குப் போக வேண்டும் என்று முறைப்படுத்தப் போகிறோம். ‘என் மானியத்தில் எப்படிக் கைவைக்கலாம்’ என்று கேட்கிறார்கள். விறகு அடுப்பு, மண்ணெண்ணெய் அடுப்புகளைப் பயன்படுத்தித் தவித்தவர்களுக்கு இலவசமாக எரிவாயு இணைப்பு கொடுத்து, அவர்களுக்கு மானியமும் கொடுக்கும்போது, இதனால் ஏற்படும் சிறு சங்கடத்தை நாம் பொறுத்துக்
கொள்வதில் தவறில்லை. எரிவாயு மானியம் வேண்டாம் எனத் தாமாக முன்வந்து பலர் விட்டுக் கொடுத்துள்ளனர். இதுதான் முறைப்படுத்துவதன் தொடக்கம். தனிநபர் வருமானத்தை அடிப்படையாகக்கொண்டு மானியத்தை முறைப்படுத்தப்போகிறோம்” என்றார்.

எளிய மக்களுக்கு எதிராக ஆட்சியாளர்கள் தீயாய் வேலை செய்கிறார்கள் என்பது மட்டும் புரிகிறது. 

- கே.பாலசுப்பிரமணி
படங்கள்: ஆ.முத்துக்குமார்

விலை எகிறினால் தாங்க முடியாது!

டந்த ஜனவரி 2014 முதல் சர்வதேச அளவில் பெட்ரோலியப் பொருள்களின் விலை குறைந்துகொண்டே வருகிறது. இப்போது ஒரு மானியமில்லாத சிலிண்டரின் விலை, நான்கு ஆண்டுகளுக்கு முன்பு இருந்த விலையில் மூன்றில் இரண்டு பங்குதான்! சர்வதேச அளவில் பிரச்னை வந்து விலை எகிறினால், அதைப் பல குடும்பங்களால் தாங்க முடியாது. எல்லாவற்றிலும் சீனாவைப் பார்க்கும் இந்தியா, இதிலும் பார்க்க வேண்டும். இந்தியாவில் தருவதைவிட ஆறு மடங்கு அதிகமாக எரிபொருள் மானியத்தைத் தருகிறது சீனா.