Published:Updated:

இப்போது முட்டை... அடுத்தது டெங்கு!

இப்போது முட்டை... அடுத்தது டெங்கு!
பிரீமியம் ஸ்டோரி
இப்போது முட்டை... அடுத்தது டெங்கு!

ஊழலை அம்பலப்படுத்த கமல் ரசிகர்கள் ரெடி

இப்போது முட்டை... அடுத்தது டெங்கு!

ஊழலை அம்பலப்படுத்த கமல் ரசிகர்கள் ரெடி

Published:Updated:
இப்போது முட்டை... அடுத்தது டெங்கு!
பிரீமியம் ஸ்டோரி
இப்போது முட்டை... அடுத்தது டெங்கு!

பெரம்பலூர் மாவட்டத்தில் குழந்தைகளுக்கான சத்துணவில், அழுகிய முட்டைகள் இருந்ததை கமல் ரசிகர் நற்பணி இயக்கத்தினர் கண்டுபிடித்தனர். அதையடுத்து, கமல்ஹாசன் தன் ட்விட்டர் பதிவில், ‘பெரம்பலூரில் அம்பலமான முட்டை ஊழல், இயக்கத்துக்குப் பெருமையே. எனினும் இயக்க வக்கீல்களின் ஆலோசனைப்படி செயல்படவும். சட்டமீறல் நம் தரப்பில் கூடாது’ என்று தெரிவித்திருந்தார். அது, ஆளும்கட்சி வட்டாரத்தை அதிரவைத்தது.

இப்போது முட்டை... அடுத்தது டெங்கு!

அழுகிய முட்டைகள் வழங்கப்பட்டதைக் கண்டுபிடித்தவர், பெரம்பலூர் மாவட்ட கமல் ரசிகர் நற்பணி இயக்கத் தலைவர் முத்துகுமார். “ஆட்சியாளர்கள் செய்யும் ஊழல்களை ஆதாரங்களுடன் வெளியிடுங்கள் என்று ரசிகர் மன்றத்தினரிடம் எங்கள் தலைவர் சொன்னார். இந்த ஊழலை நாங்கள் தேடிப்போய் கண்டுபிடிக்கவில்லை. எங்கள் தலைவர் மீதான நம்பிக்கையில், நேர்மையான அதிகாரிகளே எங்களுக்குத் தகவல் சொன்னார்கள். ஜூலை 22-ம் தேதி பெரம்பலூர் நகரம், வேப்பந்தட்டை, ஆலத்தூர் ஒன்றியம் என மூன்று இடங்களில் உள்ள அரசு ஆரம்பப் பள்ளிகளுக்குச் சென்றோம். அங்கு அழுகிய முட்டைகள் வழங்கப்படுவதைப் பார்த்தோம். அவற்றைக் குழந்தைகள் சாப்பிடாமல் தடுத்து நிறுத்தினோம். மேலும், கையிருப்பில் உள்ள முட்டைகளை, தண்ணீரில் மூழ்கவைத்துப் பார்த்தோம். அவற்றில் பாதி முட்டைகள் தண்ணீரில் மிதந்தன. எல்லாவற்றையும் போட்டோ எடுத்து கலெக்டரிடம் புகார் கொடுக்கச் சென்றோம். அவரைச் சந்திக்க முடியவில்லை. எனவே, எங்கள் தலைவருக்குத் தகவல் அனுப்பினோம். இன்னும் பல ஊழல்களை வெளிக்கொண்டுவருவோம்” என்றார்.

கமல் நற்பணி இயக்க வழக்கறிஞர் பிரிவுத் தலைவர் கிருஷ்ணராஜ், “முன்பு, முட்டை கொள்முதலுக்கு மாவட்ட அளவில் டெண்டர் விடப்பட்டது. அப்போது, ஒன்றிரண்டு நாள்களில் பள்ளிகளுக்கு முட்டை அனுப்பப்பட்டுவிடும். அதனால், முட்டைகள் கெடாது. அ.தி.மு.க ஆட்சிக்கு வந்த பிறகு, மாநில அளவில் டெண்டர் விடுகிறார்கள். இதனால், பல நாள்கள் கழித்தே வருவதால், முட்டைகள் கெடுகின்றன. பெரம்பலூரில் உள்ள மூன்று பள்ளிகளிலேயே இவ்வளவு அழுகிய முட்டைகள் என்றால், தமிழகம் முழுவதும் இருக்கும் பள்ளிகளில் எவ்வளவு அழுகிய முட்டைகள் இருக்கும்? அடுத்தபடியாக, டெங்கு தொடர்பான முறைகேடுகளை வெளிக்கொண்டுவருவோம்” என்றார்.

ஒட்டுமொத்த விகடனுக்கும் ஒரே ஷார்ட்கட்!

இப்போது முட்டை... அடுத்தது டெங்கு!

பெரம்பலூர் கலெக்டர் சாந்தாவிடம் கேட்டபோது, “கமல் ரசிகர்கள் சொல்வது பொய். இங்கு பள்ளி மாணவர்களுக்குத் தேவையான முட்டைகள் நாமக்கல் பண்ணையிலிருந்து நேரடியாகக் கொள்முதல் செய்யப்படுகின்றன. அவைத் தரமானவையா என்று பரிசோதனை செய்த பிறகுதான், குழந்தைகளுக்கு வழங்கப்படுகின்றன. தரமற்ற முட்டைகள் கண்டுபிடிக்கப்பட்டால், அவற்றை எடுத்து வைத்துவிடுவோம். அந்த முட்டைகளைத்தான் போட்டோ எடுத்து இவர்கள் அனுப்பியுள்ளனர். எந்த ஊழலும் இல்லை. இதை முழுமையாக விசாரிக்கக் குழு அமைக்க உள்ளேன்” என்றார்.

ஊழலே இல்லை என்றால், எதற்குக் குழு?

- எம்.திலீபன்
படங்கள்: செ.ராபர்ட்