Published:Updated:

“மொழிப் பாதுகாப்பில் தமிழகம் எங்களுக்கு முன்னோடி!” - கர்நாடகாவில் ஒலிக்கும் குரல்

“மொழிப் பாதுகாப்பில் தமிழகம் எங்களுக்கு முன்னோடி!” - கர்நாடகாவில் ஒலிக்கும் குரல்
பிரீமியம் ஸ்டோரி
“மொழிப் பாதுகாப்பில் தமிழகம் எங்களுக்கு முன்னோடி!” - கர்நாடகாவில் ஒலிக்கும் குரல்

“மொழிப் பாதுகாப்பில் தமிழகம் எங்களுக்கு முன்னோடி!” - கர்நாடகாவில் ஒலிக்கும் குரல்

“மொழிப் பாதுகாப்பில் தமிழகம் எங்களுக்கு முன்னோடி!” - கர்நாடகாவில் ஒலிக்கும் குரல்

“மொழிப் பாதுகாப்பில் தமிழகம் எங்களுக்கு முன்னோடி!” - கர்நாடகாவில் ஒலிக்கும் குரல்

Published:Updated:
“மொழிப் பாதுகாப்பில் தமிழகம் எங்களுக்கு முன்னோடி!” - கர்நாடகாவில் ஒலிக்கும் குரல்
பிரீமியம் ஸ்டோரி
“மொழிப் பாதுகாப்பில் தமிழகம் எங்களுக்கு முன்னோடி!” - கர்நாடகாவில் ஒலிக்கும் குரல்

ந்தித் திணிப்புக்கு எதிரான போராட்டம் கர்நாடகாவில் தீவிரமடைந்து, மாநில உரிமைகளுக்கும் மொழி உரிமைகளுக்குமான போராக மாறியுள்ளது. கர்நாடக மாநிலத்துக்கு என்று தனிக் கொடி அறிமுகம் செய்தது... பெங்களூரு மெட்ரோ ரயிலில் இந்தி எழுத்துகளை முழுமையாக அழித்தது ஆகியவற்றைத் தொடர்ந்து, ‘கர்நாடகாவில் பணிபுரியும் வங்கி ஊழியர்கள் அனைவரும் ஆறு மாதங்களுக்குள் கன்னட மொழியைக் கற்றுக்கொள்ள வேண்டும்’ என இப்போது உத்தரவு போடப்பட்டுள்ளது. இவை எல்லாவற்றுக்கும் பின்னணியில் இருப்பவர், சித்தராமையா. கர்நாடக முதல்வர் அல்ல, கன்னட வளர்ச்சி ஆணையத்தின் தலைவர் எஸ்.ஜி.சித்தராமையா. அவரை, விதான சௌதாவிலுள்ள அலுவலகத்தில் சந்தித்தோம்.

“மொழிப் பாதுகாப்பில் தமிழகம் எங்களுக்கு முன்னோடி!” - கர்நாடகாவில் ஒலிக்கும் குரல்

“எதற்காக இந்த நடவடிக்கைகள்?”

“இந்த ஆணையம் எந்த நோக்கத்துக்காக ஆரம்பிக்கப்பட்டதோ, அதையே நான் செயல்படுத்துகிறேன். கன்னட மொழி, கன்னடர், கர்நாடகத்தின் நலன்கள் ஆகியவற்றைக் காப்பதே ஆணையத்தின் கடமை. மாவட்ட நிர்வாகம் முதல் தலைமைச்செயலகம் வரை, நிர்வாகத்தில் கன்னட ஆட்சிமொழியை நிலைநாட்ட தொடர்ச்சியாக ஆய்வுக் கூட்டங்களை நடத்திவருகிறோம். கன்னட ஆட்சிமொழித் திட்டத்தைச் செயல்படுத்தாத அதிகாரிகளை நேரடியாக எச்சரிக்கிறோம். அரசுத் துறைகள், நிர்வாகங்கள், கழகங்கள், அமைப்புகள் நடத்தும் இணையதளங்கள் அனைத்தும் கன்னடத்தில்தான் இருக்க வேண்டும். விருப்பமொழியாக ஆங்கிலம் இருக்கலாம் என்பதைச் செயல்படுத்தி உள்ளோம். கன்னடம் பற்றிய தவறான கண்ணோட்டம் இங்குள்ள ஐ.ஏ.எஸ்., ஐ.பி.எஸ் அதிகாரிகளிடம் உள்ளது. அதை மாற்றிக்கொள்ள வேண்டுமென அறிவுறுத்தியுள்ளோம். குரூப் 3, குரூப் 4 பதவிகளில் 100 சதவிகிதத்தையும் கன்னடர்களுக்கே கொடுக்க வேண்டும். குரூப் 2-வில் கன்னடர்களுக்கு 80 சதவிகிதமும், குரூப் 1-ல் கன்னடர்களுக்கு 65 சதவிகிதமும் கொடுப்பதற்கான நடவடிக்கைகளை எடுத்துவருகிறோம். வேலைவாய்ப்பை உறுதி செய்யவில்லையென்றால், மொழி மட்டுமல்ல... நில உரிமையையும் இழந்துவிடுவோம். இது அனைத்து மாநிலங்களுக்கும் பொருந்தும்.”

“வேறு மொழியில் பேசக் கூடாது, எழுதக் கூடாது என்பது ஏற்புடையதா?”

“கன்னடர்கள் எந்த மொழிக்கும் எதிரிகள் அல்ல. வேறு மொழிகள் கற்றுக்கொள்ள இங்கு தடையுமில்லை. ஆனால், தாய்மொழியான கன்னடத்தைக் கற்றுக்கொள்ளாமல் வேற்று மொழியைக் கற்றுக்கொள்வது கன்னட மொழிக்கு அழிவை ஏற்படுத்தும்.”

ஒட்டுமொத்த விகடனுக்கும் ஒரே ஷார்ட்கட்!

“மொழிப் பாதுகாப்பில் தமிழகம் எங்களுக்கு முன்னோடி!” - கர்நாடகாவில் ஒலிக்கும் குரல்

“இந்தியை ஏன் எதிர்க்கிறீர்கள்?”

“குறிப்பிட்ட ஒரு மொழியை, ‘தேசியமொழி’ என்ற போர்வையில், மற்ற மொழியினர் மீது திணிப்பதையே வன்மையாக எதிர்க்கிறோம். எங்கள் மொழியைக் காப்பாற்றிக்கொள்ள வேண்டிய நிலைக்கு மத்திய அரசு எங்களைத் தள்ளியுள்ளது. மொழிப் பாதுகாப்பில், தமிழகம் எங்களுக்கு முன்னோடியாக உள்ளது. தமிழகத்தில், 1960-களில் இந்தித் திணிப்புக்கு எதிராகப் போராட்டம் நடந்தபோது, தமிழர்களை மொழிவெறியர்கள் என்று நினைத்தோம். ஆனால், தாய்மொழியைக் காப்பாற்றிக் கொள்வதன் மூலம் தங்களுடைய சுயமரியாதையைத் தமிழர்கள் காப்பாற்றிக்கொண்டிருக்கிறார்கள் என்பது புரிந்தது. நாங்களும் எங்கள் மொழியின் சுயமரியாதையைக் காப்பாற்றவே, இந்தித் திணிப்புக்கு எதிராகப் போராடத் துணிந்துள்ளோம். இதில் எங்களுக்கு வழிகாட்டியாகத் திகழும் தமிழர்களுக்கு வாழ்த்துகள். இந்தி பேசாத மாநிலங்கள் மீது இந்தியைத் திணிப்பதன் மூலம், மாநில மக்களுடைய மொழி, வாழ்வியல், வேலைவாய்ப்பு ஆகியவற்றைப் பறித்துவருகிறார்கள். இதை எப்படி எங்களால் அனுமதிக்க முடியும்?”

“மெட்ரோ ரயில்களில் எழுதப்பட்டிருந்த இந்தி எழுத்துகளை எதற்காக அழித்தீர்கள்?”

“பெங்களூரு மெட்ரோ ரயில் கழகம் மாநில அரசுக்குச் சொந்தமான, தன்னாட்சி நிறுவனம். பெங்களூரு மாநகரப் போக்குவரத்துக் கழகத்தைப் போன்ற ஒரு நிறுவனம். போக்குவரத்துக் கழகத்தில் கன்னடம், ஆங்கிலம் என இருமொழிக் கொள்கையைப் பின்பற்றுகிறோம். அதையேதான், மெட்ரோ நிறுவனமும் பின்பற்றியிருக்க வேண்டும். மத்திய அரசின் மும்மொழிக் கொள்கையை ஏற்றுக்கொள்ள முடியாது. பெங்களூருவில் கன்னடர்களுக்கு அடுத்தபடியாக தெலுங்கர்கள், தமிழர்கள், மலையாளிகள், குஜராத்திகள் இருக்கிறார்கள். சொற்ப அளவில்தான் இந்தி பேசுபவர்கள் உள்ளனர். அப்படியிருக்கும்போது, இந்தியில் மட்டும் பெயர் பலகை வைத்தால், அது இந்தித் திணிப்பு அல்லாமல் வேறு என்ன?”

“மொழிப் பாதுகாப்பில் தமிழகம் எங்களுக்கு முன்னோடி!” - கர்நாடகாவில் ஒலிக்கும் குரல்

“கர்நாடகாவில் உள்ள வங்கி ஊழியர்கள், ஆறு மாதங்களுக்குள் கன்னடத்தைக் கற்றுக்கொள்ள வேண்டும் என்று சுற்றறிக்கை அனுப்பியிருக்கிறீர்களே?”

“வங்கி என்பது தினமும் மக்களோடு உறவாடும் ஒரு துறை. கர்நாடகாவில் பணியாற்றும் வங்கி ஊழியர்களுக்குக் கன்னடம் தெரியவில்லையென்றால், எப்படி வங்கிப் பணிகளில் ஈடுபடமுடியும்? ‘ஒரு வங்கி ஊழியர் எந்த மாநிலத்தில் பணி நியமனம் பெறுகிறாரோ, அந்த மாநில மொழியை ஆறு மாதங்களில் கற்றுக்கொள்ள வேண்டும்’ என்று வங்கிப் பணியாளர்கள் விதிமுறையில் உள்ளது. இந்தக் காலஅளவை, இரண்டு ஆண்டுகளாக மத்திய அரசு அதிகரித்துள்ளது. இதை ஏற்றுக்கொள்ள முடியாது. கிராமப்புற மக்களுக்குக் கன்னடம் மட்டுமே தெரியும். அங்கு சேவை செய்பவர்களுக்குக் கன்னடம் தெரியவில்லையென்றால், அந்த மக்களின் நிலை என்னாகும்? வங்கி ஊழியர்கள் ஆறு மாதங்களில் கன்னடம் கற்றுக்கொள்ளவில்லை என்றால், அவரவர் மாநிலங்களுக்குப் பணிமாறுதல் வழங்கப் பரிந்துரை செய்வோம்.” 

“மத்திய அரசு இந்தியைத் திணிக்கிறது என்று எதை வைத்துச் சொல்கிறீர்கள்?”

“மாவட்ட நீதிபதிகளை அகில இந்திய அளவில் நியமனம் செய்ய மத்திய அரசு முடிவுசெய்து, மாநில அரசுகளுக்கு அனுமதிக் கடிதம் எழுதியுள்ளது. இதற்கு, கர்நாடகம் போன்ற மாநிலங்கள் முன்யோசனை இல்லாமல் ஒப்புதல் அளித்துள்ளன. இது நம்முடைய வேலைவாய்ப்பு உரிமையை மட்டுமல்ல, மொழி உரிமையையும் பறிக்கும் செயல். இதை இப்படியே விட்டால், ஆரம்பப் பள்ளி ஆசிரியர்களைக் கூட அகில இந்திய அளவில் நியமனம் செய்யும் சூழல் உருவாகலாம். அப்புறம் மாநில உரிமைகளின் கதி என்னவாவது? மாவட்ட நீதிபதிகளை அகில இந்திய அளவில் நியமிக்கும் திட்டத்தை மத்திய அரசு கைவிட வேண்டும். ‘ஒரே நாடு, ஒரே மொழி’ என்ற மறைமுகச் செயல்திட்டத்தை முன்வைத்து மத்திய அரசு செயல்பட்டு வருகிறது. மத்திய பி.ஜே.பி அரசு, இந்தித் திணிப்பை மிகவேகமாகச் செயல்படுத்தி வருகிறது. மற்ற மொழிகளின் இடங்களையும், உரிமைகளையும் ஆக்கிரமிக்கவும் அபகரிக்கவும் துடிக்கிறது. இதைப் புரிந்துகொண்ட கன்னட இளைஞர்கள், இந்தித் திணிப்பை எதிர்க்கத் துணிந்துவிட்டார்கள்.’’

“மொழிப் பாதுகாப்பில் தமிழகம் எங்களுக்கு முன்னோடி!” - கர்நாடகாவில் ஒலிக்கும் குரல்

“கர்நாடகாவில் விரைவில் சட்டமன்றத் தேர்தல் வருகிறது. அதை மனதில் வைத்தே, பி.ஜே.பி-க்கு செக் வைக்கும் விதமாக மொழி உணர்வை உருவாக்குகிறீர்களா?”

“கன்னட வளர்ச்சி ஆணையத்துக்கும் தேர்தலுக்கும் எந்தச் சம்மந்தமும் இல்லை. இது ஓர் அரசு சார்பற்ற, ஆனால் அரசியல் அமைப்புச் சட்டத்துக்கு உட்பட்ட தன்னாட்சி அமைப்பு. இந்தியைத் திணிப்பதன் மூலம் கன்னட மொழிக்கு எதிரான சதிச்செயலில் ஈடுபடுவதால்தான், அதற்கு எதிரான நிலைப்பாட்டை எடுத்திருக்கிறோம்.”

“பொதுவான தேசியக்கொடி இருக்கும்போது, கன்னடர்களுக்கு என தனியாக ஒரு கொடி தேவைதானா?”

“நிச்சயம் தேவை. கன்னடக்கொடி என்பது கன்னடர்களுக்கான அடையாளம். அதற்காக, கன்னடக்கொடியை தேசியக்கொடிக்கு மாற்று என்று கருத வேண்டாம். தேசியக்கொடிக்கு உட்பட்டதே கன்னடக்கொடி. இந்தியா என்பது பல மொழிகள், பல பண்பாட்டு விழுமியங்களை உள்ளடக்கியது. பன்முகத்தன்மைதான் இந்தியாவின் அடையாளம். கன்னட மொழி அடையாளத்தை வெளிப்படுத்துவதற்குக் கன்னடக்கொடி, கன்னட பண் அவசியமாகின்றன. மாநிலக்கொடி என்பது கூட்டாட்சித் தத்துவத்துக்கு எதிரானது அல்ல. அது மொழியின் அடையாளமே தவிர, இந்திய இறையாண்மைக்கு எதிரானது அல்ல.”

- வீ.கே.ரமேஷ்
படம்: என்.கண்பத்