Published:Updated:

மேகேதாட்டூக்கு ஓகே சொன்ன அரசு... கர்நாடகாவுக்கு கொட்டுகிறது முரசு!

மேகேதாட்டூக்கு ஓகே சொன்ன அரசு... கர்நாடகாவுக்கு கொட்டுகிறது முரசு!
பிரீமியம் ஸ்டோரி
மேகேதாட்டூக்கு ஓகே சொன்ன அரசு... கர்நாடகாவுக்கு கொட்டுகிறது முரசு!

மேகேதாட்டூக்கு ஓகே சொன்ன அரசு... கர்நாடகாவுக்கு கொட்டுகிறது முரசு!

மேகேதாட்டூக்கு ஓகே சொன்ன அரசு... கர்நாடகாவுக்கு கொட்டுகிறது முரசு!

மேகேதாட்டூக்கு ஓகே சொன்ன அரசு... கர்நாடகாவுக்கு கொட்டுகிறது முரசு!

Published:Updated:
மேகேதாட்டூக்கு ஓகே சொன்ன அரசு... கர்நாடகாவுக்கு கொட்டுகிறது முரசு!
பிரீமியம் ஸ்டோரி
மேகேதாட்டூக்கு ஓகே சொன்ன அரசு... கர்நாடகாவுக்கு கொட்டுகிறது முரசு!

‘‘தமிழ்நாட்டுக்குத் தண்ணீர் தருவதை கர்நாடகா உறுதி செய்தால் அணை கட்டிக்கொள்ளலாம்’’ என்று தமிழக அரசு வழக்கறிஞர் உச்ச நீதிமன்றத்தில் தெரிவித்த கருத்து, தமிழகத்தில் பெரும் கொந்தளிப்பை ஏற்படுத்தியுள்ளது.

காவிரி நடுவர் மன்ற இறுதித் தீர்ப்பின்படி தமிழ்நாட்டுக்கு உரிய தண்ணீரைப் பெற்றுத்தர வலியுறுத்தியும், காவிரி மேலாண்மை வாரியம் அமைக்கக் கோரியும் உச்ச நீதிமன்றத்தில் தமிழக அரசு தொடர்ந்துள்ள மேல்முறையீட்டு வழக்கின் இறுதிக்கட்ட வாதம், சில தினங்களுக்கு முன் நடைபெற்றது. அப்போதுதான், தமிழக அரசின் சார்பில் ஆஜரான வழக்கறிஞர் சேகர் நாப்டே, மேற்கூறிய சர்ச்சைக்குரிய கருத்தைத் தெரிவித்தார்.

இந்த விவகாரம் குறித்து, தமிழ்நாடு பொதுப்பணித் துறை ஓய்வுபெற்ற மூத்த பொறியாளர்கள் சங்கத்தின் தலைவர் வீரப்பனிடம் பேசினோம்.

மேகேதாட்டூக்கு ஓகே சொன்ன அரசு... கர்நாடகாவுக்கு கொட்டுகிறது முரசு!

ஒட்டுமொத்த விகடனுக்கும் ஒரே ஷார்ட்கட்!

“தமிழ்நாட்டுக்கு உரிய தண்ணீரைப் பெற்றுத்தர ஏதுவாக, காவிரி மேலாண்மை வாரியத்தை அமைக்க வேண்டும் என்று வலியுறுத்தியே மேல்முறையீட்டு வழக்குத் தொடரப்பட்டது. எந்த நோக்கத்துக்காக உச்ச நீதிமன்றத்தில் வழக்குத் தொடர்ந்தோமோ, அது திசைமாறி இப்போது மேகேதாட்டூவில் கர்நாடகா அணை கட்டலாமா, வேண்டாமா என்ற வாதமாக மாறியிருக்கிறது. இந்த விவாதம் தேவையற்றது. ‘1924-ம் ஆண்டு போடப்பட்ட காவிரி நதிநீர் ஒப்பந்தம் காலாவதியாகி விட்டது. எனவே, தமிழ்நாட்டுக்குத் தரவேண்டிய தண்ணீர் அளவை 192 டி.எம்.சி-யிலிருந்து 102 டி.எம்.சி-யாகக் குறைக்க வேண்டும்’ என்று கர்நாடக அரசின் சார்பில் உச்ச நீதிமன்றத்தில் தெரிவிக்கப்பட்டுள்ளது. கர்நாடக அரசின் வாதத்தை ஏற்றுக்கொண்ட உச்ச நீதிமன்ற நீதிபதிகள், ‘தமிழ்நாட்டில் போதுமான அணைகள் கட்டி தண்ணீரை ஏன் சேமித்து வைத்துக்கொள்வதில்லை’ என்று கேள்வி எழுப்பியுள்ளனர். 1924-ம் ஆண்டு செய்து கொள்ளப்பட்ட ஒப்பந்தம் காலாவதியாகிவிட்டதாகக் கூறுவது தவறு. அந்த ஒப்பந்தம் தொடர்ந்து செயல்பாட்டில்தான் உள்ளது. ‘50 ஆண்டுகள் முடிந்தவுடன் இரு தரப்பினரும் ஏற்றுக்கொள்ளும் வகையில் மாற்றம் செய்துகொள்ளலாம்’ என்றுதான் ஒப்பந்தத்தில் குறிப்பிடப்பட்டுள்ளதே தவிர, ஒப்பந்தம் காலாவதியாகும் என்று அதில் இல்லை. அந்த ஒப்பந்தம் செயல்பாட்டில் உள்ளது என்பதைக் காவிரி நடுவர் மன்ற இறுதித் தீர்ப்பும் உறுதிப்படுத்தியுள்ளது.

தமிழ்நாட்டில் பெய்யும் மழைநீரைச் சேமித்து வைக்க 84 அணைகள் மற்றும் நீர்த்தேக்கங்கள் கட்டப்பட்டுள்ளன. மாநிலம் முழுவதும் 30 ஆயிரத்துக்கும் மேற்பட்ட ஏரிகள், கண்மாய்கள், குளங்கள் ஆகியவற்றில் 390 டி.எம்.சி நீரைத் தேக்கி வைக்க வசதியுள்ளது. இந்நிலையில், வராத தண்ணீரை நம்பி எங்கே போய் புதிய அணைகளைக் கட்டுவது?

1971-ல் கர்நாடகாவின் பாசனப் பரப்பு 6.68 லட்சம் ஏக்கர். இது படிப்படியாக அதிகரிக்கப்பட்டு, தற்போது 25 லட்சம் ஏக்கருக்கு மேல் பாசனம் செய்யப்படுகிறது. ஆனால், அதே ஆண்டில் 28.2 லட்சம் ஏக்கராக இருந்த தமிழகத்தின் பாசனப்பரப்பு, 23 லட்சம் ஏக்கராகக் குறைந்து, கடந்த மூன்று ஆண்டுகளில் 12 லட்சம் ஏக்கராகச் சுருங்கிவிட்டது. இந்த ஆண்டு ஜூன் முதல் ஜூலை வரை 44 டி.எம்.சி தண்ணீரை கர்நாடக அணைகளில் இருந்து, தமிழகத்துக்குத் திறந்துவிட்டிருக்க வேண்டும். ஆனால், இன்றுவரை வந்ததோ வெறும் 10 டி.எம்.சி தண்ணீர்தான். கடந்த ஐந்து ஆண்டுகளில் டெல்டாவில் நிலத்தடி நீரை மட்டுமே நம்பி விவசாயம் நடைபெறுகிறது. 

இந்தச் சூழ்நிலையில், 17 ஆண்டுகள் ஆய்வுசெய்து முடிவெடுத்த காவிரி நடுவர்மன்ற இறுதித் தீர்ப்பை மாற்றிட வேண்டும் என்று கர்நாடக அரசு கோருகிறது. அதற்கு உச்ச நீதிமன்றம் ஒருபோதும் அனுமதிக்கக் கூடாது என்பதே நமது வேண்டுகோள். உச்ச நீதிமன்றத்தின் பல உத்தரவுகளை மதிக்காமல் செயல்பட்டுவருகிற, வழக்கின் நோக்கத்தையே திசை திருப்ப முயற்சி செய்கிற கர்நாடக அரசின் நோக்கத்துக்கு உச்ச நீதிமன்றம் சிறிதும் இடம்கொடுக்கக்கூடாது” என்றார்.

தஞ்சை மாவட்ட காவிரி விவசாயிகள் பாதுகாப்புச் சங்கத்தின் செயலாளர் சுவாமிமலை விமலநாதன், “மேகேதாட்டூவில் அணை கட்டி உபரிநீரைத் தமிழ்நாட்டுக்குத் தருவோம் என்று இப்போது கூறுகிற கர்நாடக அரசு, ஏற்கெனவே கடந்த 1970-களில் நான்கு அணைகளைக் கட்டியபோதும் இதேபோன்ற உறுதிமொழியைக் கூறியது. ஆனால், நம்மை நம்ப வைத்துக் கழுத்தறுத்தது. சட்டமன்றத்தில் ஜெயலலிதா, ‘மேகேதாட்டூவில் அணை கட்ட விடமாட்டேன்’ என்று சூளுரைத்தார். அவர் கருத்துக்கு மாறாக, தற்போதைய தமிழக அரசு செயல்படலாமா? மத்தியில் ஆளும் பி.ஜே.பி அரசு, கர்நாடகாவில் எடியூரப்பா தலைமையில் பி.ஜே.பி அரசைக் கொண்டுவர முயற்சி செய்கிறது. அதற்கு அந்த மாநில மக்களின் ஆதரவைப்பெற மேகேதாட்டூவில் அணையைக் கட்ட முயற்சி செய்கிறது. தமிழக அரசு, தமிழக நலனில் அக்கறையில்லாமல், தங்களின் சுயநலத்துக்காக இதற்கு மறைமுகமாக ஒப்புதல் கொடுக்கிறது. அதனால்தான், உச்ச நீதிமன்றத்தில் தமிழக அரசின் சார்பில் வாதாடும் வழக்கறிஞரால் இப்படியெல்லாம் பேச முடிகிறது.

மேகேதாட்டூக்கு ஓகே சொன்ன அரசு... கர்நாடகாவுக்கு கொட்டுகிறது முரசு!

மேகேதாட்டூவில் அணை கட்டுவதை ஆதரிப்பவர்கள் கர்நாடகாவில் நேத்ராவதி நதியிலிருந்து ஆண்டுக்கு இரண்டாயிரம் டி.எம்.சி தண்ணீர் வீணாகக் கடலில் கலப்பதைப்பற்றி ஏன் கவலைப்படவில்லை? இரண்டு மாநிலங்களும் 200 டி.எம்.சி தண்ணீருக்குத்தான் சண்டை போடுகின்றன. வீணாகும் நேத்ராவதி நதிநீரை, மலையைக் குடைந்தோ அல்லது நீரேற்றுத் திட்டம் மூலமாகவோ காவிரியில் திருப்பிவிட ஆக்கபூர்வமான யோசனையைச் சொல்லலாமே?

காவிரியில் ஏற்கெனவே நான்கு அணைகளைக் கட்டி தமிழகத்துக்கு வரும் தண்ணீரைத் தடுத்தவர்கள், தற்போது பெங்களூரு நகரத்துக்குக் குடிநீர் வசதிக்காக என்று கூறி கர்நாடகாவில், தமிழக எல்லையோரம் மேகேதாட்டூ அணையையும் கட்டிவிட்டால், தற்போது மழைக்காலங்களில் வரும் உபரிநீர்கூட இனி தமிழ்நாட்டுக்குக் கிடைக்காது. கடந்த பல ஆண்டுகளாக டெல்டா மாவட்டங்களில் நிலத்தடி நீரை உறிஞ்சியெடுத்ததால், இப்போது அதுவும் அதலபாதாளத்துக்குப் போய்விட்டது. கடல்நீர் வெகுதூரத்துக்கு உட்புகுந்துவிட்டது. விவசாயத்துக்கு மட்டுமல்ல, குடிநீருக்கும் காவிரியை நம்பியிருக்கிற தமிழக மக்களை உச்ச நீதிமன்றம் கருணையோடு எண்ணிப்பார்க்க வேண்டும்” என்று முடித்தார்.

இந்நிலையில், “கர்நாடக அரசு, காவிரியின் குறுக்கே மேகேதாட்டூவில் புதிய அணைக் கட்ட தமிழக அரசு ஒருபோதும் அனுமதிக்காது” என்று முதல்வர் எடப்பாடி பழனிசாமி உறுதியளித்துள்ளார். சசிகலா தரப்புக்கு அளித்த வாக்குறுதிபோல இல்லாமல், இந்த விஷயத்தில் எடப்பாடி பழனிசாமி உறுதியாக இருக்கவேண்டும் என்பதே தமிழக விவசாயிகளின் எதிர்பார்ப்பு.

- மு.இராகவன்

எப்படி வரும் தண்ணீர்?

ச்ச நீதிமன்ற வழக்கைப் பற்றிக் கவலைப்படாமல், மேகேதாட்டூ அணைத் திட்டத்தை துரிதப்படுத்துகிறது கர்நாடக அரசு. ஜூன் 7-ம் தேதி, மத்திய நீர் ஆணையத்திடம் இந்த அணைக்கான ‘முழுமையான திட்ட அறிக்கை’ சமர்ப்பிக்கப்பட்டு, அனுமதி கோரப்பட்டது. இதில் சில விளக்கங்களை நீர் ஆணையம் கேட்டுள்ளது. மேகேதாட்டூ அணையைக் கட்ட 5,912 கோடி ரூபாய் செலவாகும் என மதிப்பிடப்பட்டுள்ளது. காவிரியோடு அர்காவதி நதி இணையும் இடத்தில் இந்த அணையைக் கட்ட உள்ளார்கள். 67.14 டி.எம்.சி கொள்ளளவில் கட்டப்படும் இந்த அணையிலிருந்து, பெங்களூரு மற்றும் சுற்றுப்பகுதிகளின் குடிநீர்த் தேவைக்கு 16.1 டி.எம்.சி அனுப்பப்படுமாம். ‘‘இந்த அணையை நாங்கள் கட்டுவதே, காவிரி நடுவர் மன்றத் தீர்ப்பின்படி தமிழகத்துக்கு தண்ணீர் தருவதற்காகத்தான்’’ என கர்நாடக முதல்வர் சித்தராமையா அடித்துச் சொல்கிறார்.

ஏற்கெனவே காவிரி மற்றும் அதன் துணை நதிகளில் கர்நாடகா கட்டியுள்ள அத்தனை அணைகளின் ஒட்டுமொத்த கொள்ளளவு 104.59 டி.எம்.சி. மேகேதாட்டூ அணையின் கொள்ளளவு 67.14 டி.எம்.சி என்பதை இதனோடு ஒப்பிட்டால், மேகேதாட்டூ அணையின் பிரமாண்டம் புரியும். 4,716 ஹெக்டேர் வனப்பரப்பை மூழ்கடித்து இந்த அணையை அமைக்க உள்ளார்கள். அநேகமாக காவிரியின் ஒட்டுமொத்த பாய்ச்சலும் இந்த அணையோடு முடிந்துவிடும். அதன்பின் தமிழகத்துக்கு எப்படித் தண்ணீர் வரும்? 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism