Published:Updated:

“ஜெயலலிதா நினைவைப் போற்றுவதற்கு ஒன்றும் இல்லை!”

“ஜெயலலிதா நினைவைப் போற்றுவதற்கு ஒன்றும் இல்லை!”
பிரீமியம் ஸ்டோரி
“ஜெயலலிதா நினைவைப் போற்றுவதற்கு ஒன்றும் இல்லை!”

வழக்கறிஞர்கள் வைக்கும் வாதம்!

“ஜெயலலிதா நினைவைப் போற்றுவதற்கு ஒன்றும் இல்லை!”

வழக்கறிஞர்கள் வைக்கும் வாதம்!

Published:Updated:
“ஜெயலலிதா நினைவைப் போற்றுவதற்கு ஒன்றும் இல்லை!”
பிரீமியம் ஸ்டோரி
“ஜெயலலிதா நினைவைப் போற்றுவதற்கு ஒன்றும் இல்லை!”

.தி.மு.க-வின் அணிகள் இணைவதற்கு நேரடிக் காரணமாக இருந்தவை, முதல்வர் எடப்பாடி பழனிசாமியின் இரண்டு அறிவிப்புகள். ஒன்று, ‘ஜெயலலிதா மரணம் தொடர்பாக விசாரிக்க ஓய்வுபெற்ற நீதிபதி தலைமையில் விசாரணை கமிஷன் அமைக்கப்படும்’ என்ற அறிவிப்பு. இன்னொன்று, ‘ஜெயலலிதாவின் போயஸ் கார்டன் வீடு நினைவு இல்லம் ஆக்கப்படும்’ என்ற அறிவிப்பு. 

இந்த இரண்டாவது அறிவிப்புதான் பல கேள்விகளை எழுப்பியுள்ளது. ஜெயலலிதாவுக்கு நேரடி வாரிசு யாரும் இல்லை. ‘தன் காலத்துக்குப் பிறகு தனது சொத்துகள் யாருக்குச் சேர வேண்டும்’ என அவர் உயில் ஏதும் எழுதிவைத்தது போலத் தெரியவில்லை. இந்நிலையில், ஜெயலலிதாவின் ரத்த வாரிசுகளாக இருப்பது, அவரின் அண்ணன் மகள் தீபா, மகன் தீபக் ஆகியோரே. இந்தச் சொத்துகள் அவர்களுக்கே சேரும் என்று சொல்லப்படுகிறது. இவர்கள் எதிர்ப்பு தெரிவிக்கும்நிலையில், இந்த வீட்டை நினைவு இல்லம் ஆக்க முடியுமா? தமிழக அரசு இந்த வீட்டைச் சட்டப்படி கையகப்படுத்த சாத்தியம் உள்ளதா? இது தவிர, ‘சொத்துக் குவிப்பு வழக்கில் தண்டனை விதிக்கப்பட்ட ஒருவரின் வீட்டை நினைவு இல்லம் ஆக்கலாமா’ என்ற தார்மீகக் கேள்வியும் எழுந்துள்ளது. இது குறித்து வழக்கறிஞர்கள் சிலரிடம் பேசினோம்.

“ஜெயலலிதா நினைவைப் போற்றுவதற்கு ஒன்றும் இல்லை!”

தாசில்தார்களுக்கு அறிவுரை!

சென்னை உயர் நீதிமன்ற வழக்கறிஞர் ராஜா செந்தூர் பாண்டியன், “ஒருவர் உயிரிழந்துவிட்டால், அவரது சொத்துக்களுக்கு வாரிசு உரிமை உள்ளவர்கள், தாசில்தாரிடமிருந்து வாரிசு உரிமைச் சான்றிதழ் பெறவேண்டும். இந்து வாரிசு உரிமைச் சட்டத்தின்படி, இது குறித்து விசாரணை நடத்தி குறிப்பிட்ட நாள்களுக்குள் அந்த நபருக்குச் சான்றிதழ் கொடுக்கப்பட வேண்டும். ‘இந்த வாரிசு உரிமைச் சான்றிதழ் விவகாரத்தில், தாசில்தார்கள் கடைப்பிடிக்க வேண்டியவை’ என்று சொல்லி, கடந்த ஆகஸ்ட் 9-ம் தேதி தமிழக அரசின் வருவாய் நிர்வாக ஆணையர் ஒரு சர்க்குலரை வெளியிட்டுள்ளார்.

அதன்படி, நேரடி வாரிசு அல்லாத ஒருவருக்கோ, தத்து எடுக்கப்பட்டவர் களுக்கோ, எளிதாக வாரிசு சான்றிதழ் இனி கிடைக்காது. இவர்களுக்குச் சான்றிதழ் கொடுப்பதற்கு, சில நடைமுறைகளைப் பின்பற்ற வேண்டும் என்று சொல்லப்பட்டுள்ளது. ஜெயலலிதாவின் வாரிசுகள் என்று உரிமை கொண்டாடுபவர்கள், அவருடைய அண்ணன் மகள் தீபா, மகன் தீபக் ஆகியோர்தான். இவர்கள் சாதாரணமாக தாசில்தாரிடம் கேட்டு வாரிசுச் சான்றிதழ் வாங்க முடியாது.
இவர்கள் இருவரும் நீதிமன்றத்தில், தாங்கள்தான் ஜெயலலிதாவின் ரத்த சம்பந்தம் உள்ள வாரிசுகள் என்பதை நிரூபிக்கவேண்டும். அதே நேரத்தில், அவர்கள் இருவரும் வேதா நிலையத்தை மட்டும் கேட்க மாட்டார்கள். 2016-ம் ஆண்டு சட்டமன்றத் தேர்தலில்,     ஆர்.கே. நகர் தொகுதியில் வேட்பு மனு தாக்கல் செய்த ஜெயலலிதா, தம் சொத்துகள் குறித்த அஃபிடவிட்டையும் தாக்கல் செய்திருக்கிறார். அதில், குறிப்பிட்ட சொத்துகள் அனைத்துமே இவர்கள் இருவருக்கும் சேர வாய்ப்பு உண்டு.

தீபா, தீபக் இருவரும் தாங்கள்தான் வாரிசுகள் என்று நீதிமன்றத்தில் ஆதாரங்களைத் தாக்கல் செய்ய வேண்டும். அதன் பின்னர், நீதிமன்றத்திலிருந்து விளம்பரம் கொடுக்கப்படும். அதில், ‘ஜெயலலிதாவுக்கு ரத்த சம்பந்தம் உள்ள வாரிசுதாரர்கள் வேறு யாரேனும் இருந்தால், அது குறித்து தகவல்கள் தெரிவிக்கலாம்’ என்று கூறப்படும். இந்த நடைமுறைகளெல்லாம் முடிவடைவதற்கு மூன்று முதல் ஆறு மாதங்கள் வரை ஆகும்.

தீர்ப்பைப் பொறுத்து...

பிரதமர்களாக இருந்த நேரு, இந்திரா என பலருக்கும் நினைவிடங்கள் இருக்கின்றன. ஆனால், அவர்களெல்லாம் அரசு இல்லங்களில் குடியிருந்தவர்கள். எனவே, அவர்கள் இறந்ததற்குப் பின்னர், அந்த வீடுகளை நினைவிடங்களாக அறிவித்து விட்டார்கள். ஆனால், ஜெயலலிதாவின் வீடு கையகப்படுத்தப்படும்போது, இழப்பீடாக 40 கோடி ரூபாய்க்கு மேல் கொடுக்கப்பட வேண்டும். மக்கள் பணத்தைக் கொடுத்து இந்த  வீட்டை நினைவிடமாக ஆக்கவேண்டுமா என்ற கேள்வி எழுகிறது. ‘சொத்துக் குவிப்பு வழக்கில் தொடர்புடைய ஜெயலலிதாவின் புகைப்படத்தை அரசு அலுவலகங்களில் வைக்கக்கூடாது’ என்று தொடரப்பட்ட வழக்கில், நீதிமன்றம் இன்னும் தீர்ப்பு வழங்கவில்லை. ‘கிரிமினல் வழக்கு நிலுவையில் இருப்பவர்களுக்கு நினைவு இல்லம் அல்லது நினைவிடம் அமைக்கக் கூடாது’ என்று உத்தரவுகள் ஏதும் இல்லை. ‘போட்டோ வைக்கத் தடையில்லை’ என்று நீதிமன்றம் சொல்லிவிட்டால், நினைவு இல்லம் அமைப்பதற்கும் தடை இருக்க வாய்ப்பில்லை” என்றார். 

ஒட்டுமொத்த விகடனுக்கும் ஒரே ஷார்ட்கட்!

“ஜெயலலிதா நினைவைப் போற்றுவதற்கு ஒன்றும் இல்லை!”

பெருமை ஒன்றும் இல்லை!

சென்னை உயர் நீதிமன்ற வழக்கறிஞர் மில்டன், “ஜெயலலிதா உயிரோடு இருந்திருந்தால், சொத்துக் குவிப்பு வழக்கில் நிச்சயம் தண்டனை கிடைத்திருக்கும். இந்தச் சூழலில், ஜெயலலிதா வாழ்ந்த வீட்டை நினைவு இல்லமாக மாற்றுவது நியாயமல்ல. அவரது இல்லம் என்று சொல்லி, பெருமைப்பட்டுக் கொள்வதற்கு ஒன்றும் இல்லை. சொத்துக் குவிப்பு வழக்கில் தொடர்புடைய ஜெயலலிதா வாழ்ந்த வீட்டை நினைவு இல்லமாக மாற்றுவது, தார்மீக அடிப்படையில் தவறு. கட்சி சார்பில் நினைவு இல்லமாக மாற்றுவது என்பது அடிமைத்தனமான வழிபாட்டுக்குத்தான் வழிவகுக்கும். அரசுப் பணத்தில் ஜெயலலிதா வீட்டைக் கையகப்படுத்துவது, தேவையற்ற செலவு. அவரது நினைவைப் போற்றமுடியாது. நினைவு இல்லம் என்பது மோசமான முன்னுதாரணம். ஜெயலலிதா வீட்டை நினைவு இல்லம் ஆக்குவதற்கு அரசு தீவிரமாக இருக்கிறது. அதற்குப் பதிலாக, மக்கள் பிரச்னைகளில் கவனத்தைச் செலுத்த வேண்டும்” என்றார்.

நினைவு இல்லம் கூடாது!

சென்னை உயர் நீதிமன்ற வழக்கறிஞர் அஜிதா, “போயஸ் இல்லம், ஜெயலலிதா சம்பாதித்து வாங்கிய சொத்து. இந்து வாரிசு உரிமைச் சட்டத்தின்படி, வாரிசுதாரருக்கு இது போய்ச்சேரும். ஜெயலலிதாவைப் பொறுத்தவரை முதல் நிலை வாரிசுதாரர் என்று கணவர், குழந்தைகள் யாரும் இல்லை. இரண்டாம் நிலை வாரிசு என்ற வகையில் தீபக், தீபா ஆகியோர் வருகின்றனர். உயில் எதுவும் இல்லை எனும் பட்சத்தில்,  இவர்களுக்குத்தான் உரிமை உண்டு.

‘சொத்துக்குவிப்பு வழக்குக்கு அபராதமாக ஜெயலலிதா வீட்டைப் பறிமுதல் செய்ய வேண்டும்’ என்று கர்நாடக அரசு, உச்ச நீதிமன்றத்தில் கேட்டது. ஆனால், இதை நீதிபதிகள் ஏற்கவில்லை. தீபா, தீபக் எடுக்கும் நடவடிக்கையைப் பொறுத்துத்தான், இதில் ஒரு முடிவு ஏற்படும். வீட்டை அரசு கையகப்படுத்தும் பட்சத்தில், அவர்களுக்கு நஷ்டஈடு கொடுக்க வேண்டும். சொத்துக் குவிப்பு வழக்கில் தொடர்புடைய ஜெயலலிதாவின் வீட்டை நினைவு இல்லமாக மாற்றக் கூடாது. சட்டத்தின் பார்வையில், ஜெயலலிதா குற்றவாளி. எனவே, நினைவு இல்லமோ, நினைவிடமோ வைக்கக் கூடாது என்பதுதான் இந்தச் சமூகத்தின் எதிர்பார்ப்பாக இருக்கிறது” என்றார்.

ஜெயலலிதாவின் ‘ஒரு தாய் மக்கள்’ என்ன செய்யப் போகிறார்கள்?

- கே.பாலசுப்பிரமணி
படம்: கே.ஜெரோம்

காட்சிக்கு வைக்கப்படும் ஜெ. பொருள்கள்!

ஜெ
யலலிதாவின் போயஸ் கார்டன் வீட்டில், மயிலாப்பூர் தாசில்தார் சைலேந்தர் தலைமையில் கடந்த 19-ம் தேதி அதிகாரிகள் ஆய்வு செய்தனர். வீட்டைப் பார்வையிட்டு அளவீடு செய்தனர். வேதா நிலையத்தின் சொத்து ஆவணங்கள், பத்திரப் பதிவு ஆவணங்கள் ஆகியவற்றை ஆய்வு செய்யவும் அவர்கள் திட்டமிட்டுள்ளனர். அதேபோல, கைடுலைன் மதிப்பு அடிப்படையில் இந்தச் சொத்தின் இப்போதைய மதிப்பீடு எவ்வளவு, இழப்பீட்டுத் தொகையாக எவ்வளவு தர வேண்டும் என்பது குறித்தும் அவர்கள் ஆலோசனை செய்துள்ளனர்.

அடுத்தகட்டமாக, ஜெயலலிதா பயன்படுத்தியவற்றில் என்னென்ன பொருள்களைக் காட்சிக்கு வைக்கலாம் என்பது குறித்தும் முடிவு செய்யப்பட உள்ளது. இப்போது, போயஸ் கார்டன் பகுதியில் ஜெயலலிதா வீட்டின் அருகில், 200 போலீஸார் பாதுகாப்புப் பணியில் ஈடுபடுத்தப்பட்டுள்ளனர். அந்த வீட்டுக்கு அருகில்கூட அவசியமின்றி யாரையும் செல்ல அனுமதிப்பதில்லை.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism