Published:Updated:

எகிறும் டீசல் விலை... முடங்கும் லாரிகள்... விஷமாக ஏறும் விலைவாசி!

எகிறும் டீசல் விலை... முடங்கும் லாரிகள்... விஷமாக ஏறும் விலைவாசி!
பிரீமியம் ஸ்டோரி
எகிறும் டீசல் விலை... முடங்கும் லாரிகள்... விஷமாக ஏறும் விலைவாசி!

எகிறும் டீசல் விலை... முடங்கும் லாரிகள்... விஷமாக ஏறும் விலைவாசி!

எகிறும் டீசல் விலை... முடங்கும் லாரிகள்... விஷமாக ஏறும் விலைவாசி!

எகிறும் டீசல் விலை... முடங்கும் லாரிகள்... விஷமாக ஏறும் விலைவாசி!

Published:Updated:
எகிறும் டீசல் விலை... முடங்கும் லாரிகள்... விஷமாக ஏறும் விலைவாசி!
பிரீமியம் ஸ்டோரி
எகிறும் டீசல் விலை... முடங்கும் லாரிகள்... விஷமாக ஏறும் விலைவாசி!

தினம் தினம் பைசா கணக்கில் பெட்ரோல், டீசல் விலை மாற்றப்படுவதால், எவ்வளவு விலை உயர்கிறது என்று நாம் கவனிப்பதே இல்லை. ஆனால், கடந்த ஒன்றரை மாதத்தில் மட்டும் டீசல் விலை லிட்டருக்கு நான்கு ரூபாய் உயர்ந்துள்ளது. ‘‘ஜி.எஸ்.டி பிரச்னையால் முடங்கிக் கிடந்த லாரித் தொழில், இதனால் இன்னும் பாதிக்கப்பட்டுள்ளது. பருப்பு முதல் வெங்காயம் வரை எல்லாவற்றின் விலையும் இதனால்தான் எகிறியிருக்கிறது’’ என அதிர வைக்கிறார், லாரி உரிமையாளர்கள் சம்மேளன தமிழ்நாடு மாநிலச் செயலாளர் தனராஜ்.

இந்தியாவின் எல்லா மாநிலங்களையும் ரத்த நாளங்களைப் போல இணைப்பது லாரிகள்தான். இமாசலப் பிரதேச ஆப்பிளும், மகாராஷ்ட்ர வெங்காயமும் லாரிகளில்தான் தமிழகம் வருகின்றன. தமிழகத்து வெல்லம் லாரிகளில் ஏற்றப்பட்டே வட மாநிலங்களுக்குப் போகிறது. மகாராஷ்ட்ராவுக்கு அடுத்தபடியாக லாரிகள் அதிகம் உள்ள மாநிலம் தமிழ்நாடு. குறிப்பாக சேலம், நாமக்கல், ஈரோடு மாவட்டங்களில் லாரிகளின் பங்களிப்பு அதிகம். ஜி.எஸ்.டி எனப்படும் சரக்கு மற்றும் சேவை வரியால் தமிழ்நாட்டில் இரண்டு லட்சம் லாரிகள் இயக்க முடியாமல் முடங்கிக் கிடக்கின்றன. இப்போது டீசல் விலையேற்றம் இந்தத் தொழிலுக்கு அடுத்த அடியைக் கொடுத்திருக்கிறது.

எகிறும் டீசல் விலை... முடங்கும் லாரிகள்... விஷமாக ஏறும் விலைவாசி!

‘‘தமிழ்நாட்டில் மொத்தம் 4.50 லட்சம் சரக்கு வாகனங்கள் இருக்கின்றன. இதில் ஒரு லட்சம் லாரிகள் வெளி மாநிலங்களுக்குச் செல்கின்றன. இந்தத் தொழிலை நம்பி தமிழ்நாட்டில் பல லட்சம் மக்கள் வாழ்ந்துகொண்டிருக்கிறார்கள். லாரிகளுக்கு ஆகும் செலவுகளில், 70 சதவிகிதம் டீசல் செலவுதான். முன்பெல்லாம் டீசல் விலை ஏற்ற இறக்கம் 15 நாள்களுக்கு ஒருமுறை இருந்தது. டீசல் விலையைப் பொறுத்து லாரி வாடகையைப் பேசி நிர்ணயிப்போம். ஆனால், கடந்த ஜூன் 15-க்குப் பிறகு இந்தியா முழுவதும் தினந்தோறும் டீசல் விலை ஏற்ற இறக்கம் செய்கிறார்கள். டீசல் விலையை அறிந்துகொள்ள முடிவதில்லை. இதனால், சரியான வாடகை பேச முடியாமல் வாடிக்கையாளர்களின் நம்பிக்கையை இழக்க நேரிடுகிறது. ஜூலை 3-ம் தேதி சென்னையில் 56.33 ரூபாயாக இருந்த ஒரு லிட்டர் டீசல் விலை ஆகஸ்ட் 23-ம் தேதி 60.10 ரூபாய். சத்தமில்லாமல் செய்யப்படும் இந்த விலையேற்றத்தால் பெரும் நஷ்டம் வருகிறது. ‘லாரிகளை ஓட்டினால் நஷ்டம்’ என்ற நிலையில், சும்மா இருக்கலாம் என்ற முடிவுக்கு பல லாரி உரிமையாளர்கள் வந்துவிட்டார்கள். டீசல், பெட்ரோல் விலையை எண்ணெய் நிறுவனங்கள் இப்படி நிர்ணயிக்கக் கூடாது. அரசுதான் நிர்ணயிக்க வேண்டும்’’ என்கிறார் தனராஜ்.

ஒட்டுமொத்த விகடனுக்கும் ஒரே ஷார்ட்கட்!

எகிறும் டீசல் விலை... முடங்கும் லாரிகள்... விஷமாக ஏறும் விலைவாசி!

ஜி.எஸ்.டி வரிவிதிப்புக்குப் பிறகு தமிழ்நாட்டில் 50 சதவிகிதம் லாரிகள் ஓடவில்லை. இதனால் வர்த்தகமே முடங்கிக் கிடக்கிறது. மத்தியப் பிரதேசத்திலிருந்து பருப்பு வகைகளும், டெல்லி மற்றும் காஷ்மீரிலிருந்து பழங்களும், ராஜஸ்தானிலிருந்து மார்பிள்களும், குஜராத்திலிருந்து டைல்ஸ்கள் மற்றும் மில் ஜவுளி ரகங்களும், மகாராஷ்ட்ராவிலிருந்து வெங்காயமும் வருவது தடைபட்டுள்ளது. இதேபோல தமிழ்நாட்டிலிருந்து கைத்தறி, வெல்லம், தேங்காய், தீப்பெட்டி, வெள்ளைக் கல் மாவு போன்ற பொருள்களை அனுப்ப முடியாத சூழ்நிலை ஏற்பட்டுள்ளது. இதனால், விலைவாசி அதிகரித்துள்ளதால் பொதுமக்கள் பாதிக்கப்பட்டிருக்கிறார்கள்.

‘‘முன்பு லாரிகளுக்கு டீசல் போட்டுக்கொள்ள எண்ணெய் நிறுவனங்கள் எக்ஸ்ட்ரா பவர் கார்ட் கொடுத்தன. அதைவைத்து பெட்ரோல் பங்குகளில் டீசல் போடுவதோடு, பெட்ரோல் பங்குகளிலேயே அந்த கார்டுகளுக்கு பணம் ரீசார்ஜ் செய்ய முடிந்தது. ஜி.எஸ்.டி வந்தபிறகு அந்த கார்டுகளுக்கு வங்கிகள் மற்றும் இணையதளத்தின் மூலம் மட்டுமே பணம் போட முடியும் நிலை. லாரி தொழிலில் ஈடுபடுகிறவர்கள் பெரும்பாலானோர் படிக்காதவர்கள் என்பதால் இதில் நடைமுறைச் சிக்கல் அதிகரித்துள்ளது.

எகிறும் டீசல் விலை... முடங்கும் லாரிகள்... விஷமாக ஏறும் விலைவாசி!

டீசலுக்கு அடுத்தபடியாக இருப்பது டோல்கேட் வசூல். வரைமுறை இல்லாமல் டோல்கேட்கள் இருக்கின்றன. இந்தியா முழுவதும் 43 காலாவதியான டோல்கேட்டுகள் இருக்கின்றன. அவற்றில் இப்போது வரை பணம் வசூலித்துக்கொண்டிருக்கிறார்கள். ‘லாரிகளுக்கு வருடம்தோறும் வரி கட்டுவது போல டோல்கேட்டுக்கும் வருடம் ஒருமுறை பணம் கட்டுகிறோம்’ என்று போராடிப் பார்த்தும் பயன் இல்லை. இதுதவிர, வழி நெடுகிலும் பரிசோதனை என்ற பெயரில் காவல்துறையினரும் மோட்டார் வாகன ஆய்வாளர்களும் செய்யும் அட்டூழியம் அதிகம்.

ஜி.எஸ்.டி வந்தபிறகு லாரிகளுக்கான இன்சூரன்ஸ் தொகையும் உயர்ந்துள்ளது. இப்படிப்பட்ட காரணங்களால் லாரி தொழில் அழிவை நோக்கிப் போய்க்கொண்டிருக்கிறது. மாதம்தோறும் டியூ கட்ட முடியாமல் லாரிகளை ஃபைனான்ஸ் நிறுவனத்திடமே ஒப்படைத்து வருகிறார்கள் பலர். பல்லாயிரம் மைல்கள் கடந்து பல டன் பொருட்களைச் சுமந்துவந்த லாரிகள், காயிலான் கடைகளை நோக்கிப் போவதைப் பார்க்கும்போது ரத்தக் கண்ணீர் வருகிறது. மத்திய, மாநில அரசுகள் எங்கள் கஷ்டங்களைப் போக்க முன்வரவில்லை என்றால், மக்களுக்குத்தான் சுமை ஏறும்’’ என யதார்த்த நிலையைச் சொல்கிறார் தனராஜ்.

லாரி உரிமையாளர்களின் சுமை, மக்கள் தலையில் இறங்காமல் தடுக்க வேண்டியது அரசின் கடமை!

- வீ.கே.ரமேஷ்
படங்கள்: எம்.விஜயகுமார்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism