Published:Updated:

இரட்டை இலை கிடைக்குமா?

இரட்டை இலை கிடைக்குமா?
பிரீமியம் ஸ்டோரி
இரட்டை இலை கிடைக்குமா?

முன்னாள் தேர்தல் ஆணையர்கள் சொல்வது இதுதான்!

இரட்டை இலை கிடைக்குமா?

முன்னாள் தேர்தல் ஆணையர்கள் சொல்வது இதுதான்!

Published:Updated:
இரட்டை இலை கிடைக்குமா?
பிரீமியம் ஸ்டோரி
இரட்டை இலை கிடைக்குமா?

ன்னீர்செல்வம், எடப்பாடி அணிகள் ஒன்றாக இணைந்துவிட்டன. இதன் உடனடிப் பலனாக, முடக்கப்பட்டிருந்த ‘அ.தி.மு.க’ என்ற கட்சியின் பெயரும், இரட்டை இலைச் சின்னமும் மீண்டும் கிடைத்துவிடுமா? அதற்கு வாய்ப்பு இருப்பதாக முன்னாள் தேர்தல் ஆணையர்கள் கூறுகின்றனர்.

ஜெயலலிதாவின் மரணத்தைத் தொடர்ந்து அ.தி.மு.க-வில் பிளவு ஏற்பட்டதால், அ.தி.மு.க என்ற பெயரும் இரட்டை இலைச் சின்னமும் முடக்கப்பட்டு ஆறு மாதங்களுக்கு மேல் ஆகிவிட்டது. ஆர்.கே. நகர் தொகுதி இடைத்தேர்தலின்போது, இரண்டு அணிகளுக்கும் தனித்தனி பெயர்களும், சின்னங்களும் தரப்பட்டன.

இரட்டை இலை கிடைக்குமா?

அதன்பின், ‘இரட்டை இலை எங்கள் அணிக்குத்தான் சொந்தம்’ என்று ஓ.பி.எஸ் தரப்பில் தேர்தல் ஆணையத்திடம் 3.80 லட்சம் பிரமாணப் பத்திரங்கள் தாக்கல் செய்யப்பட்டன. எடப்பாடி பழனிசாமி தரப்பில் 3,98,632 பிரமாணப் பத்திரங்கள் அளிக்கப்பட்டன. இப்படி லட்சக்கணக்கான பிரமாணப் பத்திரங்களை லாரிகளில் கொண்டுசென்று தாக்கல் செய்து, இரு அணியினரும் தேர்தல் ஆணையத்தைத் திகைக்க வைத்தனர். இதனைப் பரிசீலிக்க முடியாமல் திணறிக் கொண்டிருக்கிறது தேர்தல் ஆணையம்.

இந்தச் சூழலில், ஆகஸ்ட் 21-ம் தேதி இரண்டு அணிகளும் இணைந்துவிட்டன. இதனால் கட்சிக்கும், சின்னத்துக்கும் சொந்தம் கொண்டாடி தேர்தல் ஆணையத்தில் கொடுத்திருந்த மனுக்களை இரண்டு தரப்பினரும் வாபஸ் வாங்குவார்கள் எனத் தெரிகிறது. இதன் பின் தேர்தல் ஆணையம் என்ன செய்யும்? 

இது குறித்து முன்னாள் தலைமைத் தேர்தல் ஆணையர் கோபாலசுவாமியிடம் பேசினோம். “இதில் எனக்கு என்று சொந்தக் கருத்து ஏதுமில்லை. இதுபோன்ற மக்கள் பிரதிநிதிகளைத் தேர்ந்தெடுத்ததற்காக மக்கள்தான் சங்கடப்பட வேண்டும். இரண்டு குழுவினர் சண்டை போட்டுக்கொண்டனர். அவர்களே சமாதானம் ஆகிவிட்டனர். இதன் தொடர்ச்சியாக, அவர்கள் தேர்தல் ஆணையத்தில் தங்களது மனுக்களை வாபஸ் வாங்கி விட்டால், அதன் பின்னர் அவர்களுக்குக் கட்சிப் பெயரைப் பயன்படுத்துவதற்கும், சின்னத்தைப் பயன்படுத்துவதற்கும் விதிக்கப்பட்ட தடை நீக்கப்படும். இது பொதுவாக இருக்கும் நடைமுறைதான். அதிருப்தியில் இருக்கும் 19 எம்.எல்.ஏ-க்களின் சார்பில் தினகரன் நேரடியாக மனு செய்ய வாய்ப்பில்லை. அவர் சார்பில் எம்.எல்.ஏ-க்கள்தான் மனு செய்வார்கள்.அப்போது இரட்டை இலை முடக்கப்படுவதற்கும், கட்சிப் பெயரைப் பயன்படுத்துவதற்கும் தடை விதிக்கவும் வாய்ப்பிருக்கிறது” என்றார். 

முன்னாள் தலைமைத் தேர்தல் ஆணையர் டி.எஸ்.கிருஷ்ணமூர்த்தி, “ஏற்கெனவே இரண்டு அணிகளும் கொடுத்த மனுக்கள் மீதான விசாரணை, தேர்தல் ஆணையத்தில் இன்னும் நிலுவையில் இருக்கிறது. இப்போது இரண்டு அணிகளும் இணைந்ததைத் தொடர்ந்து, கட்சிப் பெயரையும், சின்னத்தையும் பயன்படுத்த அனுமதி கோரி அவர்கள் விண்ணப்பம் செய்வார்கள். இரு தரப்பும் இணைந்ததற்கான ஆவணங்களைத் தேர்தல் ஆணையம் கேட்கும். இதைத் தொடர்ந்து விசாரணை நடைபெறும். இறுதி விசாரணையை மூன்று தேர்தல் ஆணையர்களும் இணைந்து நடத்த வேண்டும். கொடுக்கப்படும் ஆவணங்களைச் சரிபார்த்த பின்னர் கட்சிப் பெயர், சின்னத்தைப் பயன்படுத்த அனுமதி கொடுப்பார்கள்.

ஒட்டுமொத்த விகடனுக்கும் ஒரே ஷார்ட்கட்!

தினகரன் தரப்பு 19 எம்.எல்.ஏ-க்கள், கட்சிப் பெயரைப் பயன்படுத்த அனுமதி கேட்டால், தேர்தல் ஆணையம் தரப்பில் ஒன்றும் செய்ய முடியாது. அந்த 19 பேர் சட்டப்பேரவையில் எப்படி அங்கீகரிக்கப்படுகின்றனர் என்பதைப் பொறுத்துத்தான் முடிவுகள் இருக்கும்” என்றார்.

இரட்டை இலை கிடைக்குமா?

தேர்தல் ஆணையத்துக்கு முதலில் போன பிரச்னை, ‘சசிகலாவைப் பொதுச்செயலாளராக நியமித்தது செல்லாது’ என்பதுதான். இரு அணிகளும் இணைந்ததால், இந்த விவகாரம் சுவாரஸ்யமான திருப்பத்தை அடையப் போகிறது. ‘‘இணைப்புக்குப் பிறகு தேர்தல் ஆணையம் முன்பு இருக்கும் ஒரே கேள்வி, ‘பொதுச்செயலாளராக சசிகலாவின் நியமனம் செல்லுமா’ என்பதுதான். ஒருவேளை இரண்டு அணியினரும் தாங்கள் தாக்கல் செய்த அத்தனை மனுக்களையும் திரும்பப் பெற முடிவெடுத்தால், ‘சசிகலா நியமனத்தை அவர்கள் கேள்வி கேட்கவில்லை’ என்றாகிவிடும். அதாவது, அ.தி.மு.க-வின் பொதுச்செயலாளராக சசிகலாவை ஏற்றுக்கொண்டதாக அர்த்தம்’’ என்கிறார் கோபாலசுவாமி. 

முன்னாள் தமிழகத் தலைமைத் தேர்தல் அதிகாரி நரேஷ்குப்தா, “சின்னத்தை முடக்கவும், கட்சிப் பெயரை முடக்கி வைக்கவும் தேர்தல் ஆணையத்துக்கு உரிமை இருக்கிறது. மீண்டும் உரிமை கோரி விண்ணப்பிக்கும்போது, பரிசீலனை செய்து அதன் அடிப்படையில் திரும்பவும் பயன்படுத்த அனுமதி அளிப்பார்கள். அதிருப்தியாக இருக்கும் 19 எம்.எல்.ஏ-க்களும் உரிமை கோரினால், ‘யாருக்கு மெஜாரிட்டி இருக்கிறது’ என்று பார்த்து முடிவு எடுப்பார்கள்” என்றார்.

இந்தப் பரபரப்புகளுக்கு மத்தியில் ஜெ.தீபா தாக்கல் செய்த சில ஆயிரம் பிரமாணப் பத்திரங்களும்கூட தேர்தல் ஆணையத்தின் பரிசீலனையில் இருக்கின்றன என்பதை யாரும் மறந்துவிடக்கூடாது. 

- கே.பாலசுப்பிரமணி

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism