Published:Updated:

சசிகலாவுக்கு மேலும் ஒரு வாய்ப்பு?

சசிகலாவுக்கு மேலும் ஒரு வாய்ப்பு?
பிரீமியம் ஸ்டோரி
சசிகலாவுக்கு மேலும் ஒரு வாய்ப்பு?

சசிகலாவுக்கு மேலும் ஒரு வாய்ப்பு?

சசிகலாவுக்கு மேலும் ஒரு வாய்ப்பு?

சசிகலாவுக்கு மேலும் ஒரு வாய்ப்பு?

Published:Updated:
சசிகலாவுக்கு மேலும் ஒரு வாய்ப்பு?
பிரீமியம் ஸ்டோரி
சசிகலாவுக்கு மேலும் ஒரு வாய்ப்பு?

சொத்துக்குவிப்பு வழக்கில், கடந்த பிப்ரவரி 14-ம் தேதி தண்டனை வழங்கியதிலிருந்து சரியாக 191-வது நாள், சீராய்வு மனுவைத் தள்ளுபடி செய்து தனது தீர்ப்பை மீண்டும் ஒரு முறை உச்ச நீதிமன்றம் உறுதி செய்துள்ளது. சசிகலா, இளவரசி, சுதாகரன் ஆகியோருக்கு வழங்கப்பட்ட தண்டனையும், விதிக்கப்பட்ட அபராதமும் மீண்டும் உறுதி செய்யப்பட்டுள்ளது.

கடந்த மே மாதம்தான் இந்த மூவரும் சீராய்வு மனுவைத் தாக்கல் செய்திருந்தனர். அதில், ‘முதல் குற்றவாளியான ஜெயலலிதா விடுவிக்கப்பட்ட பிறகு ஊழல் தடுப்புச் சட்டப்படி சசிகலா உள்ளிட்ட மற்ற மூன்று பேருக்கும் தண்டனை வழங்க முடியாது. அவர்கள் அரசு ஊழியர்கள் அல்ல’ என்று வாதங்கள் முன்வைக்கப்பட்டிருந்தன.

சசிகலாவுக்கு மேலும் ஒரு வாய்ப்பு?

பின்னர், ஓய்வுபெற்ற நீதிபதி நாகமுத்து, மூத்த வழக்கறிஞர் முகுல் ரோத்தகி ஆகியோருடன் ஆலோசனை நடத்தி ஜூலை மாதம் கூடுதலாக ஒரு மனுவும் தாக்கல் செய்யப்பட்டது. அதில், ‘தீர்ப்பு வழங்கிய நீதிபதிகளில் ஒருவரான பினாக்கி சந்திர கோஷ் ஓய்வுபெற்றதால், வழக்கறிஞர்களின் வாதங்களுடன் சீராய்வு மனு விசாரிக்கப்பட வேண்டும்’ என்று கோரப்பட்டது.

பினாக்கி சந்திர கோஷ் இடத்தில் புதிதாக நீதிபதி ரோஹின்டன் நாரிமன் சேர்க்கப்பட்டு, கடந்த மாதம் சீராய்வு மனு விசாரணைக்கு வருவதாக இருந்தது. ஆனால், அன்று முகுல் ரோத்தகி நீதிமன்றத்தில் ஆஜராகி, ‘‘நீதிபதி ரோஹின்டன், ஜெயலலிதாவுக்குப் பல வழக்குகளில் ஆஜராகிய ஃபாலி நாரிமனின் மகன். அவர் இந்த மனுவை விசாரிக்கக் கூடாது” என்று எதிர்ப்பு தெரிவித்தார். எனவே, விசாரணை மீண்டும் ஒத்திவைக்கப்பட்டது.

இதனால், ஏற்கெனவே வழக்கை விசாரித்த நீதிபதி அமிதவா ராயுடன், மற்றொரு நீதிபதியாக ஷரத் அர்விந்த் பாப்டே சேர்க்கப்பட்டு, ஒருவழியாக இந்த மனு விசாரணைக்குப் பட்டியலிடப்பட்டது. மீண்டும் நாகமுத்து, முகுல் ரோத்தகி ஆகியோர் ஆலோசனை நடத்தி, விசாரணை நடைபெற்ற ஆகஸ்ட் 22-ம் தேதி காலையில் புதிய சில வாதங்களை நீதிபதி பாப்டேவிடம் எழுத்து மூலமாக வழங்கி, இவற்றையும் பரிசீலனை செய்யுமாறு கேட்டுக்கொண்டனர். ‘மீண்டும் வழக்கறிஞர்களின் வாதங்களைக் கேட்டு சீராய்வு மனுவை விசாரிக்க வேண்டும்’ என்ற கோரிக்கை இப்போதும் வைக்கப்பட்டது. இதனை நீதிபதி அமிதவா ராய் முன்பாகவும் வழங்கத் திட்டமிட்டனர். ஆனால், அவர் வேறு நீதிமன்ற அறையில் காவிரி வழக்கை விசாரித்து வந்ததால், அது சாத்தியமாகவில்லை.  அன்று மதியம் 1.50 மணிக்கு சீராய்வு மனுக்கள் மீது நீதிபதிகளின் சேம்பரில் விசாரணை நடைபெற்றது. அதன் மீது நீதிபதிகள் என்ன முடிவு எடுத்தார்கள் என்ற சஸ்பென்ஸ் மறுநாள் மாலை 4.30 மணிவரை நீடித்தது. அ.தி.மு.க-வின் எம்.பி நவநீதகிருஷ்ணன், வழக்கறிஞர் குமார் உள்ளிட்ட பலரும் இரண்டு நாள்களும் நீதிமன்றத்திலேயே காத்துக்கிடந்தனர். ஆனால், ‘தீர்ப்பை சீராய்வு செய்யும் வகையில் முந்தைய தீர்ப்பில் தவறுகள் இல்லை என்பதால் மனுக்களைத் தள்ளுபடி செய்கிறோம்’ என்று நீதிபதிகள் 14 வரி தீர்ப்பில் சொல்லிவிட்டனர்.

இன்னமும், ‘மறு சீராய்வு (Curative) மனு தாக்கல் செய்யலாம்’ எனும் கடைசி வாய்ப்பு ஒன்று எஞ்சியுள்ளது. அதை சசிகலா தரப்பு எப்படி, எப்போது பயன்படுத்திக்கொள்வார்கள் என்பதுதான் அடுத்த கேள்வி.

- டெல்லி பாலா
படம்: எம்.விஜயகுமார்

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism