Published:Updated:

10 செகண்ட் கதைகள்

10 செகண்ட் கதைகள்
பிரீமியம் ஸ்டோரி
10 செகண்ட் கதைகள்

ஓவியங்கள்: செந்தில்

10 செகண்ட் கதைகள்

ஓவியங்கள்: செந்தில்

Published:Updated:
10 செகண்ட் கதைகள்
பிரீமியம் ஸ்டோரி
10 செகண்ட் கதைகள்
10 செகண்ட் கதைகள்

ஆசி

பெண் குழந்தையுடன் அம்மன் கோயிலுக்கு சந்தோஷமாக வந்த கணவன் மனைவியிடம் ``அடுத்தமுறை ஆண் குழந்தையுடன் வரணும்’’ என ஆசி வழங்கினார் கோயில் பூசாரி!

- கே.மணிகண்டன்

10 செகண்ட் கதைகள்

ஒட்டுமொத்த விகடனுக்கும் ஒரே ஷார்ட்கட்!

ஓய்வு

“நாளைக்கு சண்டே. கொஞ்சம்கூட ரெஸ்ட் கிடைக்காது’’ என்றார் சலூன் கடைக்காரர்!

- பிரகாஷ் ஷர்மா

10 செகண்ட் கதைகள்

நாடகம் 

‘தடியடி’ நடத்திவிட்டுக் காவல்துறையினர் நான்கு பேர் ஆஸ்பத்திரியில் ‘அட்மிட்’ ஆகினர்!

- இரா.இரவிக்குமார்

10 செகண்ட் கதைகள்

ஸ்டேட்டஸ்

நண்பனின் பெருமைகளைக் கவிதைகளாக எழுதி ஃபேஸ்புக்கில் லைக்ஸ் வாங்கினான், அவனின் சாவுக்குப்போக நேரமில்லாத வரதன்!

- பெ.பாண்டியன்

10 செகண்ட் கதைகள்

சண்டை

“வாய்ல வைக்க முடியல... என்னடி சமைச்சிருக்கே...”

“அப்படித்தான் சமைப்பேன்... இஷ்டமிருந்தா சாப்பிடு.இல்லேன்னா போ” என்று கணவனும் மனைவியும் சண்டை போட்டனர், வாட்ஸ்அப்பில்!

- சி.சாமிநாதன்

10 செகண்ட் கதைகள்

விளையாட்டு

“தாத்தாவுக்குப் போரடிக்குதாம். வீடியோகேம்ஸ் விளையாடக் கற்றுக்கொடு” மகனிடம் சொன்னார் அப்பா!

-பெ.பாண்டியன்

10 செகண்ட் கதைகள்

முதல் செலவு

சம்பளம் வந்ததும் முதலில் போய் ஒரு மாதத்திற்கான மாத்திரை வாங்கினான் மனோ!

- ரியாஸ் 

10 செகண்ட் கதைகள்

அழுகை

செல்போனைக் கொடுத்து சமாதானம் செய்தது குழந்தை, அழுதுகொண்டிருந்த தன் அம்மாவை!

- கிருஷ்ணகுமார்

10 செகண்ட் கதைகள்

கண்காணிப்பு

ஆயிரம் கண்ணுடைய அம்மனைக் கண்காணித்துக்கொண்டிருந்தது சி.சி.டி.வி. கேமரா!

- கிருஷ்ணகுமார்

10 செகண்ட் கதைகள்

புகார்

‘`என் புருஷன் ரொம்ப வேஸ்ட்... எந்தக் கெட்டப்பழக்கமும் கிடையாது’’ எனத் தோழியிடம் புகார் சொல்லிக்கொண்டிருந்தாள் திவ்யா!

- கே.சதீஷ்

10 செகண்ட் கதைகள்

திகபட்சம் 10 நொடிகளுக்குள் வாசித்துவிடக்கூடிய ‘நச்’ கதைகள் அனுப்ப வேண்டும். பிரசுரமானால் பரிசு  ₹500. உங்கள் கதைகளை 10seconds tory @vikatan.com என்ற ஐ.டி-க்கு அனுப்பலாம்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism