Published:Updated:

குர்மீத்தை சிக்க வைத்த சத்ரபதி!

குர்மீத்தை சிக்க வைத்த சத்ரபதி!
பிரீமியம் ஸ்டோரி
குர்மீத்தை சிக்க வைத்த சத்ரபதி!

குர்மீத்தை சிக்க வைத்த சத்ரபதி!

குர்மீத்தை சிக்க வைத்த சத்ரபதி!

குர்மீத்தை சிக்க வைத்த சத்ரபதி!

Published:Updated:
குர்மீத்தை சிக்க வைத்த சத்ரபதி!
பிரீமியம் ஸ்டோரி
குர்மீத்தை சிக்க வைத்த சத்ரபதி!

டவுளையே முதலீடாகக்கொண்டு பாலியல் வன்கொடுமைகளில் ஈடுபட்ட குர்மீத் ராம் ரஹீம் சிங் சிறைக்குச் செல்லக் காரணமாக இருந்தவர், ராம் சந்தர் சத்ரபதி என்ற பத்திரிகையாளர். அவர்தான், குர்மீத்தின் உண்மை முகத்தை முதன்முதலில் அம்பலப்படுத்தியவர். அதற்காக அவர் கொடுத்த விலை, அவருடைய உயிர்.

குர்மீத்தை சிக்க வைத்த சத்ரபதி!

‘தேரா சச்சா சவுதா’ அமைப்பின் தலைவரான குர்மீத் ராம் ரஹீம் சிங்குக்கு, பாலியல் பலாத்கார வழக்கில் 20 ஆண்டுகள் சிறைத்தண்டனை வழங்கியுள்ளது. பெண் துறவி ஒருவர், குர்மீத் தன்னைப் பாலியல் வன்கொடுமை செய்ததாக அப்போதைய பிரதமர் வாஜ்பாய் உள்ளிட்டோருக்கு, தனது பெயரை வெளிப்படுத்தாமல் அனாமதேயக் கடிதம் ஒன்றை அனுப்பினார்.

இதுதொடர்பான செய்தியை, ‘பூரா சச்’ என்ற இந்தி மாலை ஏட்டில் ராம் சந்தர் சத்ரபதி என்ற பத்திரிகையாளர் துணிச்சலாக எழுதினார். அதைத்தொடர்ந்து, அவருக்கு மிரட்டல்கள் வர ஆரம்பித்தன. 2002 அக்டோபர் 24-ம் தேதி தன் வீட்டு வாசலிலேயே மர்ம நபர்களால் அவர் சுடப்பட்டார். 28 நாள்கள் மருத்துவமனையில் உயிருக்குப் போராடிய சத்ரபதி, தன்னைச் சுடச்சொன்னது குர்மீத்தான் என்று மரண வாக்குமூலம் கொடுத்தார். அவரைச் சுடப் பயன்படுத்திய துப்பாக்கியின் லைசென்ஸ், தேரா சச்சா சவுதா அமைப்பின் பெயரில் வாங்கப்பட்டிருந்தது. ஆனாலும், போலீஸ் பதிவுசெய்த வழக்கில், குர்மீத் பெயர் இல்லை.

ஒட்டுமொத்த விகடனுக்கும் ஒரே ஷார்ட்கட்!

குர்மீத்தை சிக்க வைத்த சத்ரபதி!

மூன்று மாதங்கள் போராடிப் பார்த்து, தன் தந்தை மரணத்துக்கு நீதி கேட்டு நீதிமன்றப் படியேறினார், சத்ரபதியின் மகன் அன்சுல் சத்ரபதி. அதன்பின் ஒவ்வொன்றாக விவகாரங்கள் நீதிமன்றத்துக்கு வந்தன. “அப்பா கொலை செய்யப்பட்டபோது, எனக்கு 21 வயது. அவர் மரணம் தொடர்பாக குர்மீத்தை சி.பி.ஐ விசாரிக்கக்கோரி, நீதிமன்றத்தில் வழக்குத் தொடர்ந்தேன். 2003-ம் ஆண்டு இந்த வழக்கு சி.பி.ஐ-க்கு மாற்றப்பட்டது. அதேபோல ஆசிரமப் பெண் ஒருவர் எழுதிய கடித விசாரணையும் சி.பி.ஐ-க்கு வந்தது. அந்த விவகாரத்தில் குர்மீத்துக்கு தண்டனை கிடைத்துவிட்டது. இது என் தந்தைக்குச் செய்யப்படும் உண்மையான அஞ்சலி. இதேபோல என் தந்தை கொலையிலும் குர்மீத்துக்கு விரைவில் தண்டனை கிடைக்கும் என நம்புகிறேன்” என்கிறார் அன்சுல் சத்ரபதி.

உயிரே போனாலும் உண்மையை உரக்கச் சொல்ல வேண்டும் என்ற உறுதியுடன் இருக்கும் ராம் சந்தர் சத்ரபதி போன்ற பத்திரிகையாளர்கள்தான், குர்மீத் போன்ற கபடதாரிகளின் நிஜமுகத்தை வெளிச்சத்துக்குக் காட்டுகிறார்கள்.

 - நந்தினி சுப்பிரமணி

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism