Published:Updated:

‘ஜெயந்தி வரி’க்கு ஆதாரம் கிடைத்ததா? - சி.பி.ஐ வளையத்தில் ஜெயந்தி நடராஜன்

‘ஜெயந்தி வரி’க்கு ஆதாரம் கிடைத்ததா? - சி.பி.ஐ வளையத்தில் ஜெயந்தி நடராஜன்
பிரீமியம் ஸ்டோரி
‘ஜெயந்தி வரி’க்கு ஆதாரம் கிடைத்ததா? - சி.பி.ஐ வளையத்தில் ஜெயந்தி நடராஜன்

‘ஜெயந்தி வரி’க்கு ஆதாரம் கிடைத்ததா? - சி.பி.ஐ வளையத்தில் ஜெயந்தி நடராஜன்

‘ஜெயந்தி வரி’க்கு ஆதாரம் கிடைத்ததா? - சி.பி.ஐ வளையத்தில் ஜெயந்தி நடராஜன்

‘ஜெயந்தி வரி’க்கு ஆதாரம் கிடைத்ததா? - சி.பி.ஐ வளையத்தில் ஜெயந்தி நடராஜன்

Published:Updated:
‘ஜெயந்தி வரி’க்கு ஆதாரம் கிடைத்ததா? - சி.பி.ஐ வளையத்தில் ஜெயந்தி நடராஜன்
பிரீமியம் ஸ்டோரி
‘ஜெயந்தி வரி’க்கு ஆதாரம் கிடைத்ததா? - சி.பி.ஐ வளையத்தில் ஜெயந்தி நடராஜன்

முந்தைய ஐக்கிய முற்போக்குக் கூட்டணி அரசில் பொறுப்பு வகித்த அமைச்சர்களைத் தற்போது சி.பி.ஐ ரெய்டுகள் குதறியெடுக்கின்றன.

இந்த ரெய்டுகளால் கதிகலங்கிப் போயிருக்கும் முன்னாள் அமைச்சர்களுக்கு, ‘எதிர்காலத்தில் காங்கிரஸ் நம்மைக் காப்பாற்றும்’ என்ற நம்பிக்கை கொஞ்சம் இருக்கிறது, ஜெயந்தி நடராஜனைத் தவிர. நான்கு தலைமுறை காங்கிரஸ்காரரான ஜெயந்தி நடராஜன், ஒரு பக்கம் ராகுலைப் பகைத்துக்கொண்டு, இன்னொரு பக்கம் மோடியையும் பகைத்துக்கொண்டு, தற்போது சி.பி.ஐ வளையத்தில் வசமாகச் சிக்கிக் கொண்டுள்ளார்.

‘ஜெயந்தி வரி’க்கு ஆதாரம் கிடைத்ததா? - சி.பி.ஐ வளையத்தில் ஜெயந்தி நடராஜன்

ஜெயந்தி நடராஜன் Vs ராகுல் காந்தி!

தமிழகத்தின் முன்னாள் முதலமைச்சர் பக்தவத்சலத்தின் பேத்திதான் ஜெயந்தி நடராஜன். சென்னை உயர் நீதிமன்ற வழக்கறிஞராக இருந்தவர், 1986-ம் ஆண்டு ராஜ்யசபா எம்.பி ஆனார். அதையடுத்து 18 ஆண்டுகளுக்கும் மேலாக ராஜ்யசபா எம்.பி பதவியில் நீடித்தார். காங்கிரஸ் கட்சியின் செய்தித் தொடர்பாளராக இருந்தவர்,  2011-ல் ஐக்கிய முற்போக்குக் கூட்டணியின் அமைச்சரவை மாற்றியமைக்கப்பட்டபோது, வனம் மற்றும் சுற்றுச்சூழல் துறை அமைச்சராக்கப்பட்டார். ஆனால், அவருடைய துறையில் எந்தக் கோப்புகளும் நகரவில்லை எனச் சொந்தக் கட்சிக்காரர்களே புகார் வாசித்தனர். ராகுல் காந்தியின் கவனத்துக்கு விஷயம் கொண்டு போகப்பட்டது. இதையடுத்து, 2013 டிசம்பர் 21-ம் தேதி ஜெயந்தி நடராஜனிடமிருந்து மத்திய அமைச்சர் பதவி கட்டாயப்படுத்தி பறிக்கப்பட்டது. ஜெயந்தி நடராஜன் ராஜினாமா செய்ததற்கு மறுநாள் நடைபெற்ற, இந்திய தொழில் கூட்டமைப்பு (ஃபிக்கி) மாநாட்டில் பேசிய ராகுல் காந்தி, “இனிமேல், வனம் மற்றும் சுற்றுச்சூழல் துறையில் ஃபைல்கள்’ தேங்காது” எனக் குறிப்பிட்டார். அதன்மூலம் ராகுல் காந்திக்கும் ஜெயந்தி நடராஜனுக்கும் இடையில் இருந்த மனக்கசப்புகள் வெளியில் வந்தன.

அதன்பிறகு, ஓராண்டு காலம் அமைதியாக இருந்தவர், 2015-ம் ஆண்டு ஜனவரியில் பத்திரிகையாளர்களைச் சந்தித்தார். அப்போது, “நான் அமைச்சராக இருந்தபோது, என்னுடைய துறையில் ராகுல் காந்தியின் தலையீடு அதிகமாக இருந்தது. அவர்கள் சொன்னதுபோல் வெளிநாட்டு நிறுவனங்களுக்கு நான் ஆதரவாகச் செயல்படாததால், என் அமைச்சர் பதவியைப் பறித்தனர். கடந்த ஓராண்டுக்கும் மேலாக சோனியா காந்தியைச் சந்திக்க பலமுறை அப்பாயின்ட்மென்ட் கேட்டும் எனக்குக் கிடைக்கவில்லை. அதனால், நான் கட்சியில் இருந்து விலகுகிறேன்” என அறிவித்தார். அதோடு, காங்கிரஸ் கட்சியில் ஜெயந்தி நடராஜனின் சகாப்தம் முடிவுக்கு வந்தது.

ஜெயந்தி நடராஜன் Vs மோடி!

ஜெயந்தி நடராஜன் வனம் மற்றும் சுற்றுச்சூழல் துறை அமைச்சராக இருந்தபோது, குஜராத் மாநில முதல்வராக இருந்தவர், இன்றைய பிரதமர் நரேந்திர மோடி. அப்போது குஜராத்தில் மோடியின் நண்பரான அதானி பல நிறுவனங்களைத் தொடங்கினார். ஆனால், அவற்றுக்குச் சுற்றுச்சூழல் துறையின் தடையில்லாச் சான்றிதழ் கொடுக்கப்படாமல் முடக்கி வைக்கப்பட்டது. அதற்கு ஜெயந்தி நடராஜன் சொன்ன காரணம், ‘தனியார் நிறுவனங்கள் கொள்ளை லாபம் சம்பாதிக்க, நாட்டின் வளங்களைக் காவு கொடுக்க முடியாது’ என்பதுதான். ஆனால், கோவா தலைநகர் பனாஜியில் நடைபெற்ற பொதுக்கூட்டத்தில் பேசிய மோடி, “விற்பனை வரி, வருமான வரி என்பதைப் போல தற்போது ‘ஜெயந்தி வரி’ என்ற புதிய வரி விதிக்கப்படுகிறது. மத்திய அமைச்சராக உள்ள ஜெயந்திக்கு வரி கட்டினால்தான், நிறுவனங்கள் தொடங்க அனுமதி கிடைக்கிறது” எனப் புதியதொரு காரணத்தைக் கண்டுபிடித்துச் சொன்னார்.

இதையடுத்து, குஜராத்தில் இளம் கட்டடக் கலைஞரான ஒரு பெண்ணை, மாநில உளவுத்துறையை வைத்து மோடி வேவு பார்த்ததாக ஒரு விவகாரம் வெளியானது. அதைக் கண்டித்து டெல்லியில் ஜெயந்தி நடராஜன் உள்பட காங்கிரஸ் பெண் தலைவர்கள் பலர் பேட்டி கொடுத்தனர். இப்படி, தொடர்ந்து மோடிக்கும் ஜெயந்தி நடராஜனுக்கும் மோதல் இருந்துகொண்டே வந்தது.

பின்னர் மோடி பிரதமர் வேட்பாளராக அறிவிக்கப்பட்டு ஈரோடு பொதுக்கூட்டத்தில் பேசினார். அப்போதும் அவர் ஜெயந்தி நடராஜனைக் குறிவைத்து, “நாட்டின் தொழில் வளர்ச்சிக்கு மிகப்பெரிய முட்டுக்கட்டை போட்டவர், தமிழகத்தில் இருந்து மத்திய அமைச்சராக இருந்த ஒரு பெண்மணிதான். காந்தி படம் போட்ட நோட்டுக்கள் பச்சை நிறத்தில் இருக்கும் என்பது நம் எல்லோருக்கும் தெரியும். அந்தப் பெண் அமைச்சர், நாட்டின் பச்சை வளத்தை விற்று காந்தி படம் போட்ட பணத்தைக் குவித்தார்” எனக் கடுமையாகத் தாக்கினார். இப்படிப்பட்ட வரலாற்றை உடைய ஜெயந்தி நடராஜனின் வீட்டுக்குள்தான், செப்டம்பர் 9-ம் தேதி சி.பி.ஐ அதிரடியாக நுழைந்தது. 

ஒட்டுமொத்த விகடனுக்கும் ஒரே ஷார்ட்கட்!

‘ஜெயந்தி வரி’க்கு ஆதாரம் கிடைத்ததா? - சி.பி.ஐ வளையத்தில் ஜெயந்தி நடராஜன்

சி.பி.ஐ சொல்லும் குற்றச்சாட்டு! 

ஜார்கண்ட் மாநிலத்தின் சிங்பும் மாவட்டத்தில் ‘சரண்டா ஆரண்யம்’ என்ற யானைகள் சரணாலயம் உள்ளது. அதோடு, அந்தப் பகுதி மாங்கனீஸ் மற்றும் இரும்புத் தாதுக்கள் நிறைந்ததாகவும் உள்ளது. கனிம வளத்தைக் கணக்குப் போட்ட, ‘எலெக்ட்ரோஸ்டீல் கேஸ்டிங் லிமிடெட்’ என்ற நிறுவனம், அங்கு ஸ்டீல் தொழிற்சாலை ஆரம்பிக்க ஜார்கண்ட் மாநில அரசோடு ஓர் ஒப்பந்தம் போட்டது. ஓர் ஆண்டுக்கு மூன்று லட்சம் டன் ஸ்டீல் உற்பத்தி செய்வதாகவும், அதற்கு சரண்டா ஆரண்யத்தில் 192.5 ஹெக்டேர் நிலத்தைக் குத்ததைக்கு ஒதுக்கித் தர வேண்டும் என்றும் கேட்டது. இதை ஜார்கண்ட் மாநில அரசும், அந்தத் தனியார் நிறுவனமும் மத்திய அரசுக்கு 2005-ம் ஆண்டு அனுப்பி வைத்தன. ஆனால், அதில் எந்த முடிவும் எடுக்கப்படவில்லை. இதையடுத்து, ‘வெறும் 55.79 ஹெக்டேர் நிலத்தையாவது கொடுங்கள்’ என்று ஜார்க்கண்ட் அரசு கேட்டது. 2010-ம் ஆண்டு அன்றைய சுற்றுச்சூழல் அமைச்சராக இருந்த ஜெய்ராம் ரமேஷ், ‘விதிமுறைகள்படி யானைகள் சரணாலயத்தில் இந்த நிறுவனத்துக்கு அனுமதி அளிக்க முடியாது’ எனக் கையை விரித்துவிட்டார்.

2010 ஜூலை மாதம் இந்தத் திட்ட அறிக்கை மீண்டும் பிரதமர் மன்மோகன் சிங்கிடம் போனது. அவர் அதை மத்திய வன ஆலோசனைக் கமிட்டிக்கு அனுப்பினார். ஆனால், அங்கும் இந்தத் திட்டத்தை அனுமதிக்க முடியாது என்ற பதிலே வந்தன. இந்த நிலையில், ஜெயந்தி நடராஜன் 2011-ல் வனம் மற்றும் சுற்றுச்சூழல் துறை அமைச்சராகப் பொறுப்பேற்றார். அவர் பொறுப்பேற்ற ஏழே மாதங்களில், மாநில அரசிடம் புதிதாக ஒரு கோரிக்கையைப் பெற்று, 2012 பிப்ரவரி 4-ம் தேதி அந்தத் திட்டத்துக்கு அனுமதி கொடுக்கப்பட்டது.

வன ஆலோசனைக் கமிட்டிக்கு அனுப்ப வேண்டும் என்ற பரிந்துரையை மீறி ஜெயந்தி இந்த அனுமதியைத் தந்திருந்தார். இதில்தான் ஜெயந்தி நடராஜன் எல்லா விதிமுறைகளையும் மீறி உள்நோக்கத்துடன் செயல்பட்டுள்ளதாக சி.பி.ஐ குற்றம்சாட்டியுள்ளது. எலெக்ட்ரோஸ்டீல் கேஸ்டிங் லிமிடெட் நிர்வாக இயக்குநர் உமங் கெஜ்ரிவால், மத்திய வனத் துறை அதிகாரிகள் உள்பட பலர் மீது வழக்குப் பதிவு செய்யப்பட்டுள்ளது. கூட்டுச் சதி, லஞ்ச ஊழல் தடுப்புச் சட்டம் ஆகிய பிரிவுகளின் கீழ் வழக்குப் போடப்பட்டுள்ளது. இதையடுத்து, கடந்த சனிக்கிழமை மாலை 5.30 மணிக்கு வந்த சி.பி.ஐ அதிகாரிகள், ஜெயந்தி நடராஜனின் வீடு, அலுவலகம் உள்பட இந்தியாவில் 19 இடங்களில் ரெய்டு நடத்தினர். 10-க்கும் மேற்பட்ட அதிகாரிகள் அனைவரும் டெல்லியில் இருந்து வந்தவர்கள். அவர்கள் சோதனைக்கு வந்த விவகாரம், சென்னையில் உள்ள சி.பி.ஐ அதிகாரிகளுக்கே தெரியாமல் ரகசியமாக வைக்கப்பட்டிருந்தது.

தற்போது ஜெயந்தி நடராஜன் அமெரிக்காவில் உள்ளார். ஆனால், அவர் வீட்டில் எடுக்கப்பட்ட ஆவணங்கள், மத்திய வனம் மற்றும் சுற்றுச் சூழல்துறை விதிமுறைகள், வன ஆலோசனைக் குழுவின் பரிந்துரைகளை வைத்து விசாரணை நடத்த சி.பி.ஐ ஆயத்தமாக உள்ளது. அவர், அமெரிக்காவில் இருந்து வந்ததும் விசாரணை தொடங்கும். விசாரணையின் முடிவு கைதாகவும் இருக்கலாம் என்கிறது சி.பி.ஐ வட்டாரம்.

- ஜோ.ஸ்டாலின், படம்: வீ.நாகமணி