Published:Updated:

18 ஆயிரம் கோடி ரூபாய் ஓய்வூதியம் ஸ்வாகா - விடை தெரியாமல் போராடும் ஊழியர்கள்!

18 ஆயிரம் கோடி ரூபாய் ஓய்வூதியம் ஸ்வாகா - விடை தெரியாமல் போராடும் ஊழியர்கள்!
பிரீமியம் ஸ்டோரி
18 ஆயிரம் கோடி ரூபாய் ஓய்வூதியம் ஸ்வாகா - விடை தெரியாமல் போராடும் ஊழியர்கள்!

18 ஆயிரம் கோடி ரூபாய் ஓய்வூதியம் ஸ்வாகா - விடை தெரியாமல் போராடும் ஊழியர்கள்!

18 ஆயிரம் கோடி ரூபாய் ஓய்வூதியம் ஸ்வாகா - விடை தெரியாமல் போராடும் ஊழியர்கள்!

18 ஆயிரம் கோடி ரூபாய் ஓய்வூதியம் ஸ்வாகா - விடை தெரியாமல் போராடும் ஊழியர்கள்!

Published:Updated:
18 ஆயிரம் கோடி ரூபாய் ஓய்வூதியம் ஸ்வாகா - விடை தெரியாமல் போராடும் ஊழியர்கள்!
பிரீமியம் ஸ்டோரி
18 ஆயிரம் கோடி ரூபாய் ஓய்வூதியம் ஸ்வாகா - விடை தெரியாமல் போராடும் ஊழியர்கள்!

‘புதிய ஓய்வூதியத் திட்டத்தை ரத்துசெய்ய வேண்டும்’ என்பது உள்பட மூன்று கோரிக்கைகளை வலியுறுத்தி போராடி வந்த அரசு ஊழியர் - ஆசிரியர்கள் கூட்டமைப்பான ஜாக்டோ-ஜியோ, ‘நீட் தேர்வை ரத்துசெய்ய வேண்டும்’ என்பதை நான்காவது கோரிக்கையாகச் சேர்த்துக்கொண்டு இப்போது போராட்டக் களத்தில் குதித்திருக்கிறது.

18 ஆயிரம் கோடி ரூபாய் ஓய்வூதியம் ஸ்வாகா - விடை தெரியாமல் போராடும் ஊழியர்கள்!

ஜாக்டோ-ஜியோ அமைப்பில் அங்கம் வகிக்கும் 92 அரசு ஊழியர் சங்கங்களைச் சேர்ந்த ஏழு லட்சத்துக்கும் மேற்பட்டோர், செப்டம்பர் 11-ம் தேதி முதல் காலவரையற்றப் போராட்டத்தைத் தொடங்கியிருக்கிறார்கள். இதனால் தலைமைச் செயலகம் உள்பட ஒட்டுமொத்த அரசுத் துறைகளின் பணிகளும் பெருமளவுக்குப் பாதிக்கப்பட்டுள்ளன. ஜாக்டோ - ஜியோ அமைப்பின் ஒருங்கிணைப்பாளர் தாஸிடம் பேசினோம். “அரசின் புதிய ஓய்வூதியத் திட்டத்தை ரத்துசெய்ய வேண்டுமென 2016-ல் போராட்டம் நடத்தினோம். அதையடுத்து, சாந்தா ஷீலா நாயர் தலைமையில் ஒரு குழுவை அமைப்பதாக அன்றைய முதல்வர் ஜெயலலிதா அறிவித்தார். அ.தி.மு.க-வின் தேர்தல் அறிக்கையில், ‘புதிய ஓய்வூதியத் திட்டம் ரத்துசெய்யப்படும்’ என வாக்குறுதி அளிக்கப்பட்டுள்ளது. அந்தக் குழுவின் காலம் நான்கு முறை நீட்டிக்கப்பட்டும், புதிய ஓய்வூதியத் திட்டத்தை ரத்துசெய்வது குறித்து முடிவு எடுக்கப்படவில்லை. இப்போது, ஸ்ரீதரன் தலைமையில் புதிய குழு அமைக்கப்பட்டுள்ளது. இந்தக் குழு, அரசு ஊழியர்களின் கோரிக்கைக்கு எதிரான பரிந்துரையை அளிக்கப்போவதாக செய்திகள் கிளம்புகின்றன. முதல்வர் எடப்பாடி பழனிசாமியைச் சந்தித்தபோது, போராட்டத்தைத் தள்ளிவைக்கும்படி கேட்டார். ‘அரசின் கொள்கை முடிவை அறிவிப்பாக வெளியிடுங்கள்’ எனக் கேட்டோம். அதற்கு மறுப்புத் தெரிவிக்கின்றனர். போராடுபவர்கள் மீது ஒழுங்கு நடவடிக்கை எடுக்கப்போவதாக மிரட்டுகிறார்கள். கோரிக்கைகளை வென்றெடுக்கும் வரை போராட்டம் தொடரும்” என்றார்.

இன்னொரு ஒருங்கிணைப்பாளரான சுப்ரமணியன், “பழைய ஓய்வூதியத் திட்டத்தில் முழுக்க, முழுக்க அரசின் பங்களிப்பு மட்டும்தான் இருந்தது. புதிய ஓய்வூதியத் திட்டத்தில் எங்களின் பங்களிப்பு 10 சதவிகிதம், அரசின் பங்களிப்பு பத்து சதவிகிதம். பிடித்தம் செய்யப்பட்ட பணத்தை மத்திய ஓய்வூதிய ஒழுங்காற்று ஆணையத்தில் செலுத்தவேண்டும். அரசின் பங்களிப்பில் ஒன்பதாயிரம் கோடி, ஊழியர்களிடம் பிடிக்கப்பட்ட ஒன்பதாயிரம் கோடி என பதினெட்டாயிரம் கோடி ரூபாயைத் தமிழக அரசு இதுவரை மத்திய ஓய்வூதிய ஒழுங்காற்று ஆணையத்தில் செலுத்தவில்லை. அதை அரசின் வேறு பணிகளுக்கு மடைமாற்றம் செய்துவிட்டனர். ஓய்வதியத் திட்டத்தின் கீழ், பிடித்தம் செய்யப்பட்ட பணத்தைச் செலுத்தினால்தான், ஒழுங்காற்று ஆணையத்தில் தமிழக அரசு உறுப்பினராகவே இருக்க முடியும். அன்றைய தேதியிலிருந்துதான் ஓய்வூதியக் கணக்கு வரும். எனவே,கடந்த 14 ஆண்டுகளாகப் பிடிக்கப்பட்ட தொகையை என்ன செய்யப்போகிறார்கள் என்றே தெரியவில்லை. ஓய்வுபெற்ற 1,700 பேருக்கு பென்ஷன் கொடுக்கவில்லை. ஓய்வுபெற்று இறந்து போன 3,750 பேருக்குப் பலன்களைத் தரவில்லை. சிலர் வழக்குப் போட்டதால் 115 கோடி ரூபாய் கொடுத்திருக்கிறார்கள்.

ஒட்டுமொத்த விகடனுக்கும் ஒரே ஷார்ட்கட்!

18 ஆயிரம் கோடி ரூபாய் ஓய்வூதியம் ஸ்வாகா - விடை தெரியாமல் போராடும் ஊழியர்கள்!

பழைய ஓய்வூதியத் திட்டத்தின்படி, நாங்கள் வாங்கிய சம்பளத்தில் 50 சதவிகிதம் பென்ஷனாகக் கிடைக்கும். புதிய ஓய்வூதியத் திட்டத்தில் அதுபோன்று கிடைக்காது. பணிக்கொடை, பென்ஷன் தொகையில் இருந்து மூன்றில் ஒரு பகுதி அட்வான்ஸ், மனைவிக்கு ஓய்வூதியம், 25 வயதுக்கு உட்பட்ட வாரிசுதாரருக்கு ஓய்வூதியம் எல்லாம் இனி இருக்காது. எனவேதான், பழைய ஓய்வூதியத் திட்டத்தை அமல்படுத்த வேண்டும் என்று கேட்கிறோம்” என்றார்.

அனைத்துத் துறை ஓய்வூதியதாரர்கள் சங்கத்தின் மாநிலத் தலைவர் என்.எல்.ஸ்ரீதரன், “புதிய கோரிக்கை எதையும் நாங்கள் வைக்கவில்லை. இது ஒரு தொடர்ச்சியான போராட்டம்தான். உடனடியாக நிதி ஒதுக்கி அமல்படுத்த வேண்டும் என்று கேட்கவில்லை. அரசின் நிலைப்பாட்டை அறிவிப்பாக வெளியிட வேண்டும் என்றுதான் கேட்கிறோம்” என்றார். 

‘இது அம்மா அரசு’ என்று மூச்சுக்கு 300 முறை சொல்வதில் இல்லை உறுதி. ஜெயலலிதா அளித்த வாக்குறுதியை நிறைவேற்றுவதில்தான் இருக்கிறது.

- கே.பாலசுப்பிரமணி
படங்கள்: வி.ஸ்ரீனிவாசுலு