Published:Updated:

டேப் ரிலீஸ்... சங்கரராமன் கொலை வழக்கு மீண்டும் விசாரிக்கப்படுமா?

டேப் ரிலீஸ்... சங்கரராமன் கொலை வழக்கு மீண்டும் விசாரிக்கப்படுமா?
பிரீமியம் ஸ்டோரி
டேப் ரிலீஸ்... சங்கரராமன் கொலை வழக்கு மீண்டும் விசாரிக்கப்படுமா?

டேப் ரிலீஸ்... சங்கரராமன் கொலை வழக்கு மீண்டும் விசாரிக்கப்படுமா?

டேப் ரிலீஸ்... சங்கரராமன் கொலை வழக்கு மீண்டும் விசாரிக்கப்படுமா?

டேப் ரிலீஸ்... சங்கரராமன் கொலை வழக்கு மீண்டும் விசாரிக்கப்படுமா?

Published:Updated:
டேப் ரிலீஸ்... சங்கரராமன் கொலை வழக்கு மீண்டும் விசாரிக்கப்படுமா?
பிரீமியம் ஸ்டோரி
டேப் ரிலீஸ்... சங்கரராமன் கொலை வழக்கு மீண்டும் விசாரிக்கப்படுமா?

ங்கரராமன் படுகொலை, இந்தியாவின் சக்திவாய்ந்த மதபீடமாகத் திகழும் காஞ்சி சங்கரமடத்தின் மீது அழியாத தீட்டை ஏற்படுத்தியது. 2004-ல் படிந்த அந்தக் கறை, 2014-ல் புதுச்்சேரி நீதிமன்றம் அளித்த விடுதலைக்குப் பிறகு லேசாக நிறம் மங்கியது. ஆனால், கடந்த செப்டம்பர் 13-ம் தேதி ஆங்கிலச் செய்தி சேனல் ஒன்றில், ஜெயேந்திரர் வாக்குமூலம் அளிக்கும் பழைய வீடியோ ஒன்று வெளியானதையடுத்து, விவகாரம் மீண்டும் துளிர் விட ஆரம்பித்திருக்கிறது.

டேப் ரிலீஸ்... சங்கரராமன் கொலை வழக்கு மீண்டும் விசாரிக்கப்படுமா?

சங்கரராமன் கொலை வழக்கை விசாரித்த காவல்துறை, நீதித்துறை, சங்கரமடம், சங்கரராமன் குடும்பம், கொலைக் குற்றவாளிகளாகச் சேர்க்கப் பட்டவர்கள் ஆகியோர் மத்தியில் இப்போது அதிர்ச்சியை உருவாக்கியிருக்கிறது காஞ்சி டேப் விவகாரம். 13 ஆண்டுகளுக்கு முந்தைய வீடியோ திடீரென வெளியிட்டப்பட்டது ஏன் என்பதை அறிய, அந்த வழக்கின் தலைமை விசாரணை அதிகாரியாக இருந்த சக்திவேலிடம் பேசினோம்.

“2004-ம் ஆண்டு செப்டம்பர் 3-ம் தேதி காஞ்சிபுரம் வரதராஜப் பெருமாள் கோயிலில் சங்கரராமன் படுகொலை செய்யப் பட்டார். அந்த வழக்கு விசாரணை எங்களிடம் வந்தது. அப்போது, காஞ்சிபுரம் எஸ்.பி-யாக இருந்த டேவிட்சன் ஆசிர்வாதம், கடலூர் எஸ்.பி-யாக இருந்த பிரேம்குமார், திருவள்ளூர் எஸ்.பி-யாக இருந்த வரதராஜன் ஆகியோர் தலைமையில் வழக்கு விசாரணை நடைபெற்றது. காஞ்சிபுரம் ஏ.டி.எஸ்.பி-யாக இருந்த நான், தலைமை விசாரணை அதிகாரியாக நியமிக்கப்பட்டேன். கொலை நடந்ததும் முதலில் ஐந்து பேர் சரணடைந்தனர். அவர்களிடம் தீவிர விசாரணை நடத்தினோம். அதில், அவர்கள் உண்மையான குற்றவாளிகள் இல்லை என்பது தெரியவந்தது. ஏனென்றால், அவர்களில் ஒருவன் அப்போதே சென்னை மத்திய சிறையில் கைதியாக இருந்தவன். அதனால் அந்தப் போலியான குற்றவாளிகள் மூலமே, அவர்களைச் சரணடைய வைத்தவர்களைக் கண்டுபிடித்து விசாரித்தோம்.

ஒட்டுமொத்த விகடனுக்கும் ஒரே ஷார்ட்கட்!

டேப் ரிலீஸ்... சங்கரராமன் கொலை வழக்கு மீண்டும் விசாரிக்கப்படுமா?

அந்த விசாரணையில், கொலையைச் செய்தது அப்பு என்பதும், கொலையைச் செய்ய பணம் கொடுத்தது ரவி சுப்பிரமணியம் என்பதும், கொலையைச் செய்யச் சொன்னது காஞ்சி சங்கரமடாதிபதிகள் ஜெயேந்திரர் மற்றும் விஜேயேந்திரர் என்பதும் தெரியவந்தது. இதையடுத்து ரவுடி அப்பு, கதிரவன் உள்ளிட்ட 23 பேரைக் கைது செய்தோம். ஆனால், சங்கராச்சாரியார் இந்தக் கொலையில் சம்பந்தப்பட்டு இருப்பதால் மேலிட உத்தரவுக்காகக் காத்திருந்தோம். “குற்றவாளிகள் யாராக இருந்தாலும் கைது செய்யுங்கள்” என மேலிடத்திலிருந்து உத்தரவு வந்தது. தீபாவளிப் பண்டிகையையொட்டி, ஆந்திராவில் உள்ள மெகபூப் நகருக்குப் போயிருந்தார் ஜெயேந்திரர். அதனால், 2004 அக்டோபர் 11-ம் தேதி எங்களுடைய டீம் தனி ஹெலிகாப்டரில் மெகபூப் நகர் போய் ஜெயேந்திரரைக் கைது செய்து அழைத்துவந்தோம். அதன்பிறகு மாஜிஸ்திரேட் முன்பு, சாட்சிகள் வாக்குமூலம் பதிவு செய்யப் பட்டது. அவை அனைத்தும் வீடியோவிலும் பதிவு செய்யப்பட்டது. காஞ்சிபுரம் நீதிமன்றத்தில் குற்றப்பத்திரிகை தாக்கல் செய்யப்பட்டது.

அதன்பிறகு, செங்கல்பட்டு நீதிமன்றத்தில் வழக்கு நடைபெற்றது. அந்த நேரத்தில் அந்த வழக்கை வேறு மாநிலத்துக்கு மாற்ற வேண்டும் என சங்கராச்சாரியர் உச்ச நீதிமன்றம் போனார். அதனால், வழக்கு புதுச்சேரி நீதிமன்றத்துக்கு மாற்றம் செய்யப்பட்டது. அதன்பிறகு, அரசு வழக்கறிஞரையும் மாற்ற வேண்டும் என மற்றொரு மனு போட்டு, அரசு வழக்கறிஞரையும் மாற்றினார்கள். ஆனாலும் கூட, புதுச்்சேரி நீதிமன்றத்தில் இந்த வழக்கை நீதிபதிகள் சின்னப் பாண்டியன், கிருஷ்ணராஜ், ராமசாமி ஆகியோர் கறாராக விசாரித்தனர். குற்றம் சாட்டப்பட்ட யாருக்கும் அந்த நீதிபதிகள் எந்தச் சலுகையும் கொடுக்கவில்லை. கறாராக இருந்த நீதிபதி ராமசாமியை, ‘பேரம்பேசும்’ ஆடியோ விவகாரத்தில் சிக்கவைத்து அவரை மாற்றினார்கள். அதன்பிறகு நீதிபதி முருகன் வந்தார். அவருக்கு இந்த வழக்கின் ஆதி அந்தம் எதுவும் தெரியாது. தீர்ப்பு வழங்குவது மட்டும் பாக்கி என்ற இறுதிக்கட்டத்தில்தான் அவர் இந்த வழக்கை விசாரிக்கும் நீதிபதியாக வந்தார். என்னைக் குறுக்கு விசாரணைக்கு அழைத்தபோது, எனக்கு கேஸ் டைரியைக்கூட கொடுக்காமல் அலைக்கழித்தனர்.

டேப் ரிலீஸ்... சங்கரராமன் கொலை வழக்கு மீண்டும் விசாரிக்கப்படுமா?

அதற்காக நான் சென்னை உயர் நீதிமன்றத்தில் தனியாக வழக்குப்போட்டு கேஸ் டைரியை வாங்கினேன். இப்படி நடந்த வழக்கில்தான் ஏறத்தாழ அனைவரும் பிறழ் சாட்சிகளாக மாறினார்கள். வழக்கில் அப்ரூவர் ஆன ரவி சுப்பிரமணியம்கூட பிறழ் சாட்சியாக மாறினார். இதையடுத்து, இந்த வழக்கில் பிறழ் சாட்சியாக மாறியவர்கள் மீது உரிய நடவடிக்கை எடுக்கப்பட வேண்டும் என்ற பிரச்னை எழுந்தது. அப்போது பதில் மனு தாக்கல் செய்த அரசுத் தரப்பு, ‘வழக்கில் தீர்ப்பு வெளியானபிறகு பிறழ் சாட்சிகள் மீது உரிய நடவடிக்கை எடுக்கப்படும்’ என்று குறிப்பிட்டது. பிறகு, சங்கரராமன் கொலை வழக்கில் தீர்ப்பளித்த நீதிபதி முருகன், வழக்கில் சம்பந்தப்பட்ட 23 பேரையும் விடுதலை செய்தார். அதன்பிறகு இந்த வழக்கில் பிறழ்சாட்சிகளாக மாறியவர்கள் மீது எந்த நடவடிக்கையும் எடுக்கப்படவில்லை. அதற்கான வேலைகள்கூட எதுவும் இதுவரை தொடங்கப்படவில்லை. அதுபோல இந்த வழக்கில் அப்பீல் செய்வதற்கும் எந்த நடவடிக்கையும் எடுக்கப்படவில்லை. வழக்கு முடிந்த 2014-ம் ஆண்டு, அப்பீல் செய்வதற்கான உத்தரவில் கையெழுத்துப் போடுவதற்கு தயாராக இருந்த அன்றைய புதுச்சேரி கவர்னர் வீரேந்திர கட்டாரியா, அதிரடியாக மாற்றம் செய்யப்பட்டார். அதன்பிறகு எதுவும் நடக்கவில்லை. தற்போது ஆங்கில ஊடகம் ஒன்றில் வெளியான செய்திகள் எதுவும் புதியதல்ல. அதை ஏன் தற்போது வெளியிட்டார்கள் என்பதும் தெரியவில்லை” என்றார்.

இதுகுறித்து வழக்கறிஞர் குமாரதேவனிடம் பேசினோம். இந்த வழக்கில் விசாரணை அதிகாரியாக இருந்த ஏ.டி.எஸ்.பி சக்திவேலுவுக்கு கேஸ் டைரியைக்கூட கொடுக்க மறுத்தனர். ஒரு தலைமை விசாரணை அதிகாரிக்கே வழக்கு டைரியை வாங்குவதற்கு சென்னை உயர் நீதிமன்றத்தில் வழக்குத் தொடுத்துத்தான் வாங்கினோம். அதுபோல், இதில் பிறழ் சாட்சிகளாக மாறியவர்கள் மீது நடவடிக்கை எடுக்கிறோம் என்றார்கள். அதை இதுவரை எடுக்கவில்லை. இதுவரை போலீஸ் மற்றும் நீதித்துறை வசம் மட்டும் இருந்த வீடியோக்கள் வெளியாகி உண்மையைப் போட்டு உடைத்துள்ளன. தற்போது எல்லா வழக்குகளிலும் இதுதான் நிலை. சாட்சிகள், அப்ரூவர் ஆகியோர் பிறழ் சாட்சியாக மாறுவதாலேயே அந்த வழக்கில் குற்றவாளிகளை விடுதலை செய்ய வேண்டும் என்று அர்த்தமில்லை. அந்தப் பிறழ் சாட்சிகளை முறையாக அரசு வழக்கறிஞர்கள் குறுக்கு விசாரணை நடத்தி, எந்தச் சூழ்நிலையில் அவர்கள் பிறழ் சாட்சிகளாக மாறினார்கள் என்பதைக் கண்டறிந்து அதற்குக் காரணமானவர்களையும் தண்டிக்க வேண்டும்.

டேப் ரிலீஸ்... சங்கரராமன் கொலை வழக்கு மீண்டும் விசாரிக்கப்படுமா?

இப்போதெல்லாம் அதை எந்த அரசு வழக்கறிஞரும் செய்வதில்லை. அதற்கு முன்னுதாரணமாக இந்த வழக்கை எடுத்துக் கொண்டு, பிறழ் சாட்சிகளாக மாறியவர்கள் மீது இந்திய தண்டனைச் சட்டம் 191,192,193,199,503,506 ஆகிய பிரிவுகளின் கீழ் சட்டப்படியான நடவடிக்கை எடுக்க வேண்டும். அவர்கள் பிறழ் சாட்சிகளாக மாறிய காரணத்தால் சங்கரராமன் கொலை வழக்கு விடுதலையும் குளறுபடியாகிறது. எனவே, மீண்டும் அந்த வழக்கை முதலில் இருந்து விசாரிக்க வேண்டும். அதற்கு தனியாக விசாரணை அமைப்பை நியமிக்க வேண்டும். ஏனென்றால், இது மிக முக்கியத்துவம் வாய்ந்த, சக்திமிக்க மனிதர்கள் சம்பந்தப்பட்ட வழக்கு” என்றார்.

இப்போது ரிலீஸ் ஆன டேப்பில், ‘‘எல்லா கடவுள்களும் வதம் செய்திருக்கிறார்கள். ஆனால் நாம் அவர்களை வணங்குவது இல்லையா?’’ என ஜெயேந்திரர் பேசுவது மாதியான காட்சிகள் வெளியாகி பரபரப்பை ஏற்படுத்தியிருக்கிறது. வீடியோ வெளியானதன் பின்னணி என்ன? ‘‘சங்கர மடத்தில் ஜெயேந்திரருக்கு எதிராக சிலர் வேலை பார்க்கிறார்கள். இந்நிலையில்தான் ஜெயேந்திரரிடம் நடைபெற்ற விசாரணை தொடர்பான வீடியோ மட்டும் வெளியானதில், மடத்தில் இருக்கும் சிலருக்குப் பங்கு இருக்கலாம் என்ற சந்தேகம் இருக்கிறது. இப்போது வெளியான டேப்பின் ஒரு பகுதி 2004-ம் ஆண்டே ரிலீஸ் ஆனது. அந்த டேப்பில், ‘என்னுடைய இடத்தில் அமர அவர் ஆசைப்படுகிறார்’ என்ற பொருளில் ஒரு கருத்தை விசாரணை அதிகாரியிடம் ஜெயந்திரர் சொல்லும் காட்சி இடம்பெற்றது. இதையெல்லாம் இப்போது முடிச்சுப் போட்டு பேச ஆரம்பித்திருக்கிறார்கள்’’ என மடத்துக்கு நெருக்கமான வட்டாரத்தினர் தெரிவித்தார்கள்.

- ஜோ.ஸ்டாலின்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism