Published:Updated:

அதிக விலைக்கு எக்ஸ்ரே ஃபிலிம்! - 10 ஆயிரம் கோடி சொத்து என்ன ஆகும்?

அதிக விலைக்கு எக்ஸ்ரே ஃபிலிம்! - 10 ஆயிரம் கோடி சொத்து என்ன ஆகும்?
பிரீமியம் ஸ்டோரி
அதிக விலைக்கு எக்ஸ்ரே ஃபிலிம்! - 10 ஆயிரம் கோடி சொத்து என்ன ஆகும்?

அதிக விலைக்கு எக்ஸ்ரே ஃபிலிம்! - 10 ஆயிரம் கோடி சொத்து என்ன ஆகும்?

அதிக விலைக்கு எக்ஸ்ரே ஃபிலிம்! - 10 ஆயிரம் கோடி சொத்து என்ன ஆகும்?

அதிக விலைக்கு எக்ஸ்ரே ஃபிலிம்! - 10 ஆயிரம் கோடி சொத்து என்ன ஆகும்?

Published:Updated:
அதிக விலைக்கு எக்ஸ்ரே ஃபிலிம்! - 10 ஆயிரம் கோடி சொத்து என்ன ஆகும்?
பிரீமியம் ஸ்டோரி
அதிக விலைக்கு எக்ஸ்ரே ஃபிலிம்! - 10 ஆயிரம் கோடி சொத்து என்ன ஆகும்?

நீண்டகாலமாக, அரசு மருத்துவமனைகளில் இலவசமாக எடுக்கப்பட்டுவந்த எக்ஸ்ரேக்களுக்கு இப்போது கட்டணம் வசூலிக்கப்படுகிறதே... அதற்கான காரணம் உங்களுக்குத் தெரியுமா? அதைத் தெரிந்துகொள்ள வேண்டுமென்றால், இந்துஸ்தான் போட்டோ ஃபிலிம்ஸ் நிறுவனத்தையும் அதன் தற்போதைய நிலவரத்தையும் தெரிந்துகொள்ள வேண்டும்.

தெற்காசியாவிலேயே போட்டோ ஃபிலிம்ஸுக்கென இருந்த ஒரே பொதுத்துறை நிறுவனம், ஹெச்.பி.எஃப் எனப்படும் ‘இந்துஸ்தான் போட்டோ ஃபிலிம்ஸ் நிறுவனம்’ தான். நீலகிரி மாவட்டம் ஊட்டியில் செயல்பட்டுவந்த இந்த நிறுவனத்தில் 5,000 பேர் ஆரம்பத்தில் பணியாற்றினார்கள். மத்திய அரசுக்குச் சொந்தமான இந்த நிறுவனம், விரைவில் இழுத்து மூடப்படவிருக்கிறது என்பதுதான் சோகம்.

அதிக விலைக்கு எக்ஸ்ரே ஃபிலிம்! - 10 ஆயிரம் கோடி சொத்து என்ன ஆகும்?

‘இந்துஸ்தான் போட்டோ ஃபிலிம்ஸ் நிறுவன’த்தின் அனைத்துத் தொழிற்சங்கங்களின் கூட்டமைப்புத் தலைவர் மஞ்சை மோகனிடம் பேசினோம். “மெடிக்கல் எக்ஸ்ரே ஃபிலிம்ஸ், இண்டஸ்ட்ரியல் எக்ஸ்ரே ஃபிலிம்ஸ், மெஷினரி எக்ஸ்ரே ஃபிலிம்ஸ், ராணுவத்துக்குப் பயன்படும் ஏரியல் எக்ஸ்ரே ஃபிலிம்ஸ் உட்பட பல ஃபிலிம்கள் இங்கு தயாரிக்கப்பட்டு, வெளிநாடுகளுக்கு  ஏற்றுமதி செய்யப்பட்டன. 1967-ல் காமராஜர் முயற்சியால் அன்றைய காங்கிரஸ் அரசால் தொடங்கப்பட்ட இந்த நிறுவனம், 2013-ம் ஆண்டு காங்கிரஸ் ஆட்சியாலேயே மூடுவிழாவுக்குத் தயார் செய்யப்பட்டது. 1993-ம் ஆண்டுக்கு முன்பு வரை, வருடத்துக்கு 200 கோடி ரூபாய் லாபம் ஈட்டிய இந்த நிறுவனம், பன்னாட்டு நிறுவனங்களின் சூழ்ச்சியால் நஷ்டத்தைச் சந்திக்க ஆரம்பித்தது. ஆட்சியாளர்களும் இந்த நிறுவனத்தை இழுத்து மூடுவதற்கான வேலைகளை ஊக்குவித்தனர்” என்றவர், ஹெச்.பி.எஃப் சரிந்த கதையை விவரித்தார்.

“எங்களிடம் ஒரு ஃபிலிம் விலை 150 ரூபாய் என்றால், அதை, பன்னாட்டு நிறுவனங்கள் 130 ரூபாய்க்கு விற்றன. காரணம், கடல்மார்க்கமாக இறக்குமதி செய்து வரிக் கட்டாமல் அரசை அவர்கள் ஏமாற்றினார்கள். குறைந்த விலைக்குக் கொடுத்ததுடன், ஃபிலிம்களைக் கடனுக்கும் அவர்கள் கொடுத்தனர். அரசு நிறுவனம் என்பதால் எங்களால் கடனுக்குக் கொடுக்க முடியவில்லை. விலையும் அதிகம். இப்படியான சூழலில், நிறுவனத்தின் கடன் எகிற ஆரம்பித்தது. பல்வேறு போராட்டங்களுக்குப் பிறகு, 2012-ம் ஆண்டு, 200 கோடி ரூபாய் வங்கிக்கடனுக்கான ஒன் டைம் செட்டில்மென்டா கவும், 102 கோடி ரூபாய் நிறுவனத்தின் மறுசீரமைப்புகாகவும்  என மொத்தம் 302 கோடி ரூபாயை ஹெச்.பி.எஃப் நிறுவனத்துக்கு ஒதுக்க அப்போதைய மத்திய அமைச்சரவை ஒப்புதல் அளித்தது. ஆனால், வந்தது வெறும் 30 கோடி ரூபாய்தான்.

2013-ம் ஆண்டு மத்திய அமைச்சரவையில் எடுத்த ஒரு முடிவு எங்களுக்குப் பெரும் அதிர்ச்சியை ஏற்படுத்தியது. ‘இதற்கு மேல் இந்த நிறுவனம் செயல்படாது. இதில் பணிபுரியும் 676  ஊழியர்களும்  விருப்ப ஓய்வு பெற்றுக்கொள்ளலாம்’ என அறிவித்து, ஊழியர்களுக்கான செட்டில்மென்ட் தொகையாக 181.54 கோடி ரூபாய் ஒதுக்கினார்கள். 30 வருட பணி அனுபவம் உள்ள சீனியர்கள், விருப்ப ஓய்வு பெற்றனர். ஆனால், பணி அனுபவம் குறைந்த 167 பேர் நீதிமன்றம் போனோம். சென்னை உயர் நீதிமன்றத்தில் 27.7.17 அன்று, இரண்டு மாதங்களுக்குள் இந்த 167 ஊழியர்களுக்கும் எந்தப் பிடித்தமும் செய்யாமல் செட்டில்மென்ட் தொகையைக் கொடுத்து அனுப்ப வேண்டும் என்று உத்தரவிட்டும் தொகையைக் கொடுக்காமல் நிர்வாகம் இன்னும் இழுத்தடிக் கிறது. எட்டு மாதங்களாக எங்களுக்குச் சம்பளம் வழங்கப்படவில்லை. நீதிமன்றத்தின் தீர்ப்பை மதிக்காமல் எங்களை நடுத்தெருவில் நிறுத்தப் பார்க்கிறார்கள்” என்றார் வேதனையுடன்.

ஒட்டுமொத்த விகடனுக்கும் ஒரே ஷார்ட்கட்!

அதிக விலைக்கு எக்ஸ்ரே ஃபிலிம்! - 10 ஆயிரம் கோடி சொத்து என்ன ஆகும்?

இந்துஸ்தான் போட்டோ ஃபிலிம்ஸ் நிறுவனத்தின் அதிகாரிகள் சங்கத்தலைவர் குமார், “இது, 300 ஏக்கர் பரப்பளவிலான தனி உலகம். சென்னை அம்பத்தூரில் சுமார் 450 கோடி ரூபாய் மதிப்பிலான இடமும் சொந்தமாக உள்ளது. அதை வேறு யாருக்கும் தாரைவார்த்துவிடாமல், நீலகிரி மாவட்ட மக்களுக்கும் தமிழ்நாட்டுக்கும் பயன்படும் வகையில் மாற்ற வேண்டும். அன்றைக்கு இந்த நிறுவனத்தை வீழ்த்த எங்களைவிட குறைவான விலைக்கு எக்ஸ்ரே ஃபிலிம்களை விற்ற பன்னாட்டு நிறுவனங்கள், இப்போது, பலமடங்கு விலையைக் கூட்டிவிட்டார்கள். பல நாடுகளுக்கு எக்ஸ்ரே ஃபிலிம்களை ஏற்றுமதி செய்த நாம், இன்று இந்தியா முழுவதும் அரசு மருத்துவமனைகளுக்குத் தேவையான ஃபிலிம்களைத் தனியாரிடமிருந்து வாங்குகிறோம். வருடத்துக்கு ஒரு லட்சம் கோடி ரூபாய் புரளும் மருத்துவச் சந்தையில் 10 ஆயிரம் கோடி ரூபாய் எக்ஸ்ரேக்களுக்கு மட்டுமே செலவிடப்படுகிறது. ஒரு வருடத்துக்கு 30 கோடி பேர் எக்ஸ்ரே எடுக்கிறார்கள். இவ்வளவு பெரிய நிறுவனத்தை நாம் இழக்கிறோம்” என்றார் வருத்தத்துடன்.

ஊழியர்களின் கதியும், 10,000 கோடி ரூபாய் மதிப்புள்ள சொத்துக்களின் கதியும் என்ன ஆகப் போகிறது? ஆட்சியாளர்களுக்கே வெளிச்சம்!

- எம்.புண்ணியமூர்த்தி

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism