Published:Updated:

“நானும் ஒரு தேச விரோதிதான்” - பி.ஜே.பி-க்கு எதிராகப் பொங்கும் அரிபரந்தாமன்

“நானும் ஒரு தேச விரோதிதான்” - பி.ஜே.பி-க்கு எதிராகப் பொங்கும் அரிபரந்தாமன்
பிரீமியம் ஸ்டோரி
“நானும் ஒரு தேச விரோதிதான்” - பி.ஜே.பி-க்கு எதிராகப் பொங்கும் அரிபரந்தாமன்

“நானும் ஒரு தேச விரோதிதான்” - பி.ஜே.பி-க்கு எதிராகப் பொங்கும் அரிபரந்தாமன்

“நானும் ஒரு தேச விரோதிதான்” - பி.ஜே.பி-க்கு எதிராகப் பொங்கும் அரிபரந்தாமன்

“நானும் ஒரு தேச விரோதிதான்” - பி.ஜே.பி-க்கு எதிராகப் பொங்கும் அரிபரந்தாமன்

Published:Updated:
“நானும் ஒரு தேச விரோதிதான்” - பி.ஜே.பி-க்கு எதிராகப் பொங்கும் அரிபரந்தாமன்
பிரீமியம் ஸ்டோரி
“நானும் ஒரு தேச விரோதிதான்” - பி.ஜே.பி-க்கு எதிராகப் பொங்கும் அரிபரந்தாமன்

“மக்கள் உரிமைகளுக்காகப் போராடு கிறவர்களும், குரல் கொடுப்பவர்களும் தேசவிரோதி என்றால், நானும் தேசவிரோதிதான்” என்று ஆதங்கப்பட்டிருக்கிறார் சென்னை உயர் நீதிமன்ற ஓய்வுபெற்ற நீதிபதி அரிபரந்தாமன்.

சமூகப் போராளி இரோம் ஷர்மிளாவுக்கு, மதுரை சோக்கோ அறக்கட்டளை சார்பில் ‘நீதிபதி கிருஷ்ணய்யர் விருது’ மதுரையில் வழங்கப்பட்டது. விழாவில் பேசிய அரிபரந்தாமன், “வடகிழக்கு மாநிலங்களில் பல ஆண்டுகளாக ராணுவம்தான் ஆட்சி செய்கிறது. எமெர்ஜென்சியை விட இது பயங்கரமானது. தற்போது, தமிழ்நாட்டையும் வடகிழக்கு மாநிலங்களைப் போல மாற்றிவருகிறார்கள். தேசிய இனங்களை ஒடுக்கும் முயற்சியில் மத்திய அரசு ஈடுபட்டு வருகிறது. தமிழகத்தில் பி.ஜே.பி-யின் எந்தக் கொள்கையும் எடுபடாது” என்றார். அதன் பிறகு அவரிடம் சில கேள்விகளை முன்வைத்தோம்.

“நானும் ஒரு தேச விரோதிதான்” - பி.ஜே.பி-க்கு எதிராகப் பொங்கும் அரிபரந்தாமன்

“தமிழகத்தில் நவோதயா பள்ளிகள் தொடங்கினால் உயர் கல்வி படிக்கலாம்... நீட் தேர்வை எதிர்கொள்ளலாம் எனச் சிலர் சொல்கிறார்களே?’’

“தமிழகத்தில் எத்தனை நவோதயா பள்ளிகளைத் தொடங்குவார்கள்? அதிகபட்சமாக 10 பள்ளிகளைத் தொடங்குவார்கள் என்று வைத்துக்கொண்டாலும், அது நமக்குப் போதாது. வசதியானவர்களுக்குத்தான் அது பயன்படும். அதற்குப் பதிலாக, மருத்துவக் கல்லூரிகளை மத்திய அரசு தமிழகத்தில் தொடங்கலாமே. அதை ஏன் செய்வதில்லை? புதுச்சேரியில் உள்ள ஜிப்மரைத் தவிர, மத்திய அரசின் மருத்துவக் கல்லூரி வேறு இல்லை. ஏழை மாணவர்களின் மருத்துவக் கல்வி வாய்ப்பைப் பறிப்பதற்காக, நீட் தேர்வை நியாயப்படுத்த நவோதயா பள்ளிகள் வேண்டும் எனச் சிலர் பிரசாரம் செய்கிறார்கள்.”

“நீட் தேர்வு அவசியம்தான் என்று சிலர் வாதிடுகிறார்களே?”

“அது சமூக நீதிக்கு எதிரானது. சிறப்புப் பயிற்சிகளுக்கு ஏழை மாணவர்கள் செலவு செய்ய முடியாது என்பதால்தான், மருத்துவக் கல்விக்கான நுழைவுத் தேர்வை நீக்கி, ப்ளஸ் டூ மதிப்பெண்கள் அடிப்படையில் மாணவர்களைத் தேர்வு செய்தோம். அப்படியிருக்கும்போது, நீட் தேர்வைத் திணிப்பது தேவையற்றது. நீட் தேர்விலிருந்து விலக்கு அளிக்கக் கோரி சட்ட முன்வடிவைக் கொண்டு வந்து மத்திய அரசுக்கு அனுப்பினார்கள். அதற்கு, இதுவரை மத்திய அரசு அனுமதி அளிக்கவில்லை.”

“நீட் எதிர்ப்புப் போராட்டக்காரர்களைக் கைதுசெய்து காவல்துறை கடுமையாக நடந்துகொள்கிறதே?”

“போராட்டம் நடத்த வேண்டாமென்று உச்ச நீதிமன்றம் சொல்லவில்லை. வன்முறையில் ஈடுபடுகிறவர்கள் மீதுதான் நடவடிக்கை எடுக்க வேண்டுமென்று கூறியுள்ளது. தமிழகத்தில் இதுவரை எந்த வன்முறையும் நடக்கவில்லை. அமைதியாகப் போராடிக் கொண்டிருக்கிறார்கள். அமைதியான முறையில் போராட்டம் நடத்த அரசியலமைப்புச் சட்டம் உரிமை வழங்கியுள்ளது. ஹரியானாவில் குர்மித் ராம் ரஹீம் சிங் கைதுசெய்யப்பட்டபோது நடந்ததே, அதுதான் வன்முறையான போராட்டம். குஜராத்தில் நடந்ததே, அதுதான் வன்முறையான போராட்டம். அங்குதான் காவல்துறை கடுமையான நடவடிக்கை எடுத்திருக்க வேண்டும். உச்ச நீதிமன்றத்தின் உத்தரவைக் காவல்துறை தவறாக அறிவித்து, போராடுகிறவர்களை மிரட்டக் கூடாது.”

“ஜாக்டோ - ஜியோ போராட்டத்தையும் நடத்தக் கூடாது என்று சென்னை உயர் நீதிமன்றம் உத்தரவிட்டுள்ளதே?”

“போராடுகிற உரிமையை அரசியலமைப்புச் சட்டம் அனைவருக்கும் வழங்கியுள்ளது. போராட்டம் நடத்துவது தவறல்ல.”

ஒட்டுமொத்த விகடனுக்கும் ஒரே ஷார்ட்கட்!

“நானும் ஒரு தேச விரோதிதான்” - பி.ஜே.பி-க்கு எதிராகப் பொங்கும் அரிபரந்தாமன்

“மத்திய அரசுக்கு எதிராகப் போராட்டம் நடத்துகிறவர்களைத் தேசவிரோதிகள் என்று பி.ஜே.பி-யினர் விமர்சிக்கிறார்களே?”

“மத்திய அரசு கொண்டு வரும் மோசமான திட்டங்களை, கொள்கைகளை எதிர்க்காமல் எப்படி இருப்பது? அவர்கள் என்னதான் புதுப்புது கொள்கைகளைப் புகுத்தினாலும், தமிழகத்தில் அவை எடுபடாது. மக்களுக்காக, தமிழக உரிமைகளுக்காகப் போராடுபவர், குரல் கொடுப்பவர் எல்லோரும் தேச விரோதிகள் என்றால், நானும் ஒரு தேச விரோதிதான். (அருகிலிருந்த பிரின்ஸ் கஜேந்திரபாபுவைக் காட்டி) பிரின்ஸும் ஒரு தேச விரோதிதான். மாட்டிறைச்சி உண்ணத் தடை கொண்டுவந்தார்கள். அது என்னவானது? இந்த உணவைத்தான் சாப்பிட வேண்டும் என்று சொல்வதை எப்படி ஏற்றுக்கொள்ள முடியும்? ஒவ்வொரு மாநில மக்களின் உணவு, பண்பாடு, கல்வி போன்ற விஷயங்களில் மத்திய அரசு தலையிட்டுவருகிறது. அதைக் கண்டிக்காமல், எதிர்க்காமல், விமர்சிக்காமல் இருக்க முடியாது.”

- செ.சல்மான்
படங்கள் : ஈ.ஜெ.நந்தகுமார்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism