Published:Updated:

தப்பிய தமிழ் ராக்கர்ஸ்... சிக்கிய தமிழ் கன்!

தப்பிய தமிழ் ராக்கர்ஸ்... சிக்கிய தமிழ் கன்!
பிரீமியம் ஸ்டோரி
தப்பிய தமிழ் ராக்கர்ஸ்... சிக்கிய தமிழ் கன்!

தப்பிய தமிழ் ராக்கர்ஸ்... சிக்கிய தமிழ் கன்!

தப்பிய தமிழ் ராக்கர்ஸ்... சிக்கிய தமிழ் கன்!

தப்பிய தமிழ் ராக்கர்ஸ்... சிக்கிய தமிழ் கன்!

Published:Updated:
தப்பிய தமிழ் ராக்கர்ஸ்... சிக்கிய தமிழ் கன்!
பிரீமியம் ஸ்டோரி
தப்பிய தமிழ் ராக்கர்ஸ்... சிக்கிய தமிழ் கன்!

மிழ் சினிமாவில் இருக்கிற வில்லன்கள் எல்லாம் நிழல்கள்தான். கோடம்பாக்கத்தின் நிஜ வில்லன்கள் தமிழ் ராக்கர்ஸும் தமிழ் கன்னும்தான். புதுப் படங்கள் தியேட்டருக்கு வந்து முதல் காட்சி முடிவதற்கு முன்பே தமிழ் ராக்கர்ஸும் தமிழ் கன்னும் ரிலீஸ் செய்துவிடும். “புதிய திரைப்படங்களை ரிலீஸ் செய்யும் ‘தமிழ் ராக்கர்ஸ் டாட் காம்’ இணையதளத்தின் நிர்வாகியை விரைவில் பிடிப்பேன்” எனச் சில மாதங்களுக்கு முன்பு, கர்ஜித்தார் தயாரிப்பாளர் சங்கத் தலைவர் விஷால். ‘தமிழ்ராக்கர்ஸ்.காம்’ நிர்வாகிக்கு வீசப்பட்ட வலையில் ‘தமிழ்கன்.இன்’ என்ற இணையதளத்தின் நிர்வாகி சிக்கியிருக்கிறார்.

தப்பிய தமிழ் ராக்கர்ஸ்... சிக்கிய தமிழ் கன்!

புதிய திரைப்படம் தியேட்டரில் ரிலீஸாவதற்கு முந்தைய இரவே, அதை இணையதளங்களில் சட்டவிரோதமாக சிலர் ரிலீஸ் செய்துவிடுகிறார்கள். இந்த இணையதளங்களை நடத்துபவர்கள் பல நாடுகளிலிருந்து செயல்படுகின்றனர். இதனால் இதைத் தடுக்க முடியாமல் திணறிக் கொண்டிருக்கிறது காவல்துறை. போலீஸ் பிடிக்க முடியாதவர்களைத் தயாரிப்பாளர் சங்க நிர்வாகிகள் பிடித்தனர். ‘‘தமிழ்ராக்கர்ஸ் இணையதள நிர்வாகியைப் பிடித்துவிட்டோம்’’ என செப்டம்பர் 12-ம் தேதி திருவல்லிக்கேணி காவல் நிலையத்தில் ஒருவரை ஒப்படைத்தனர் தயாரிப்பாளர் சங்க நிர்வாகிகள். சிறிது நேரத்தில் காவல் நிலையத்துக்கு விஷால் வந்து விசாரித்துச் சென்றார்.

பிடிபட்ட நபர், தமிழ் ராக்கர்ஸ்.காம் இணையதளத்தின் நிர்வாகியில்லை என்றும், அவர் தமிழ்கன்.இன் இணையதளத்தின் நிர்வாகி என்றும் போலீஸார் தெரிவித்தனர். திருட்டு வி.சி.டி மற்றும் டி.வி.டி தடுப்புப் பிரிவு அவரை விசாரித்து விட்டு சிறையில் அடைத்தனர். திருட்டு வி.சி.டி மற்றும் டி.வி.டி தடுப்பு பிரிவு போலீ ஸாரிடம் பேசினோம். “பிடிபட்டவர் தமிழ் ராக்கர்ஸ் நிர்வாகியோ, தமிழ்கன்.காம் நிர்வாகியோ அல்ல. அவர், தமிழ்கன்.இன் இணையதளத்தின் நிர்வாகி கௌரி சங்கர். வேலூர் மாவட்டம் திருப்பத்தூரைச் சேர்ந்த கௌரி சங்கர், மெக்கானிக்கல் இன்ஜினீயரிங் படித்தவர். தனியார் கம்பெனி ஒன்றில் வேலை செய்தவருக்குப் போதிய சம்பளம் கிடைக்காததால் தமிழ்கன்.இன் என்ற இணையதளத்தை ஆரம்பித்துள்ளார். அதில் இவர், புதுப்படங்களை நேரடியாக ரிலீஸ் செய்யவில்லை. படங்களின் டீஸர், ட்ரைலர், புதுப்படங்களைப் பதிவேற்றிய இணையதளங்களின் லிங்க்குகள், ஹாட்ஸ் ஸ்டார் நிகழ்ச்சிகள், கிரிக்கெட் போன்றவற்றைத் தனது இணையதளத்தில் பதிவேற்றி வந்துள்ளார்.

ஒட்டுமொத்த விகடனுக்கும் ஒரே ஷார்ட்கட்!

தப்பிய தமிழ் ராக்கர்ஸ்... சிக்கிய தமிழ் கன்!

இணையதளத்தை உருவாக்கத் தெரிந்தவர் என்பதால், தமிழ்கன்.இன் போல 33 இணையதளங்களை உருவாக்கி, விளம்பரங்களின் மூலம் பணம் பார்த்துள்ளார். அந்த இணையதளங்களைக் கண்டறிந்து முடக்கும் முயற்சியில் உள்ளோம். இதுபோன்ற குற்றங்களில் ஈடுபடுவோருக்கு ஐந்து ஆண்டுகள் முதல் 10 ஆண்டுகள் வரை சிறைத்தண்டனை கிடைக்கும்” என்றார்கள்.

பிடிபட்டது தமிழ்ராக்கர்ஸ்.காம் நிர்வாகி என நினைத்து சந்தோஷப்பட்ட விஷால், இப்போது அப்செட்டில் இருக்கிறாராம்.

- ஜெ.அன்பரசன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism