Published:Updated:

மருத்துவ சேர்க்கையில் தில்லாலங்கடி - 778 மாணவர்கள் அதோ கதி!

மருத்துவ சேர்க்கையில் தில்லாலங்கடி - 778 மாணவர்கள் அதோ கதி!
பிரீமியம் ஸ்டோரி
மருத்துவ சேர்க்கையில் தில்லாலங்கடி - 778 மாணவர்கள் அதோ கதி!

மருத்துவ சேர்க்கையில் தில்லாலங்கடி - 778 மாணவர்கள் அதோ கதி!

மருத்துவ சேர்க்கையில் தில்லாலங்கடி - 778 மாணவர்கள் அதோ கதி!

மருத்துவ சேர்க்கையில் தில்லாலங்கடி - 778 மாணவர்கள் அதோ கதி!

Published:Updated:
மருத்துவ சேர்க்கையில் தில்லாலங்கடி - 778 மாணவர்கள் அதோ கதி!
பிரீமியம் ஸ்டோரி
மருத்துவ சேர்க்கையில் தில்லாலங்கடி - 778 மாணவர்கள் அதோ கதி!

னியார் மருத்துவக் கல்லூரிகளில், விதிகளை மீறி சேர்க்கப்பட்ட 778 எம்.பி.பி.எஸ் மாணவர்களின் சேர்க்கையை அகில இந்திய மருத்துவ கவுன்சில் (எம்.சி.ஐ) ரத்துசெய்திருப்பதுதான் புதுச்சேரியின் இன்றைய ஹாட் டாபிக்.

புதுச்சேரியில் நான்கு நிகர்நிலை மருத்துவப் பல்கலைக்கழகங்களும், மூன்று தனியார் மருத்துவக் கல்லூரிகளும் உள்ளன. 2016-17 கல்வியாண்டில், இந்தக் கல்லூரிகளில் மொத்தம் 1,050 எம்.பி.பி.எஸ் இடங்கள் இருந்தன. அதில் அரசு ஒதுக்கீடான 283 இடங்களைத் தவிர, மீதமிருந்த 767 நிர்வாக ஒதுக்கீட்டு இடங்களைத் தனியார் கல்லூரிகள், ‘நீட்’ தேர்வு மதிப்பெண் அடிப்படையில் பொதுக் கலந்தாய்வு மூலம் நிரப்ப வேண்டும் என்று அகில இந்திய மருத்துவ கவுன்சில் உத்தரவிட்டிருந்தது.

மருத்துவ சேர்க்கையில் தில்லாலங்கடி - 778 மாணவர்கள் அதோ கதி!

ஆனால், நிகர்நிலை மருத்துவப் பல்கலைக் கழகங்கள் மற்றும் தனியார் மருத்துவக் கல்லூரிகளோ, எம்.சி.ஐ-யின் விதிகளை மீறி நான்கைந்து மடங்கு கூடுதலாகப் பணம் வசூலித்துக்கொண்டு மாணவர்களை முறைகேடாக சேர்த்துள்ளன என்று புதுச்சேரி சென்டாக் மாணவர்கள் - பெற்றோர்கள் சங்கம் சார்பில் எம்.சி.ஐ-க்குப் புகார் அனுப்பப்பட்டது. அதன் அடிப்படையில், தற்போது இந்த அதிரடி உத்தரவை எம்.சி.ஐ பிறப்பித்துள்ளது.

இந்த அறிவிப்பு வெளியானதும் பத்திரிகையாளர்களைச் சந்தித்த முதல்வர் நாராயணசாமி, “நிர்வாக ஒதுக்கீட்டில் தவறு நடந்திருந்தால் நடவடிக்கை எடுக்க வேண்டிய உரிமை எம்.சி.ஐ-க்கு இருக்கிறது. தற்போது முறைகேடு நடந்திருப்பதால் இந்த நடவடிக்கையை எம்.சி.ஐ எடுத்திருக்கிறது. அதில் மாநில அரசுக்கு அதிகாரமில்லை. நிர்வாக ஒதுக்கீட்டில் சேர்ந்த மாணவர்கள் பாதிக்கப்பட்டால் அதற்குத் தனியார் மருத்துவக் கல்லூரி நிர்வாகங்கள்தான் பொறுப்பேற்க வேண்டும்” என்று ஒரு விளக்கம் கொடுத்தார்.

புகார்தாரரான புதுச்சேரி சென்டாக் மாணவர்கள் - பெற்றோர்கள் சங்கத்தின் தலைவர் நாராயணசாமி, “தனியார் கல்லூரிகளின் விதிமீறல்கள் குறித்து எம்.சி.ஐ மற்றும் மாநில அரசுக்குப் புகார் மனு அளித்தபோது, அதன் மீது எந்த நடவடிக்கையும் எடுக்கப்படவில்லை. தற்போது, காலதாமதாக எடுக்கப்பட்டுள்ள இந்த நடவடிக்கையால் மாணவர்கள்தான் பாதிக்கப்பட்டுள்ளனர்” என்றார் கவலையுடன்.

தனியார் கல்லூரிகளில் மாணவர் சேர்க்கையில் முறைகேடு நடக்கிறது என்று புகார் வந்தும் அமைதியாக இருந்த மாநில அரசு மீதும், உச்ச நீதிமன்றத் தீர்ப்பை மதிக்காமல் லட்சக்கணக்கில் பணம் வாங்கிக்கொண்டு முறைகேடாக மாணவர்களைச் சேர்த்த தனியார் கல்லூரி நிர்வாகங்கள் மீதும் எம்.சி.ஐ எந்த நடவடிக்கையும் எடுக்கவில்லை. மாணவர்கள் மீது மட்டும் நடவடிக்கை எடுத்திருப்பது எந்த வகையில் நியாயம் என்பதை எம்.சி.ஐ-தான் விளக்க வேண்டும்.

- ஜெ.முருகன்

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism