Published:Updated:

செல்லாத பணத்தை மாற்றித் தராத கோபம் - கூட்டுறவுச் சங்கத்தை முடக்க ஏ.ஜி முயற்சியா?

செல்லாத பணத்தை மாற்றித் தராத கோபம் - கூட்டுறவுச் சங்கத்தை முடக்க ஏ.ஜி முயற்சியா?
பிரீமியம் ஸ்டோரி
செல்லாத பணத்தை மாற்றித் தராத கோபம் - கூட்டுறவுச் சங்கத்தை முடக்க ஏ.ஜி முயற்சியா?

செல்லாத பணத்தை மாற்றித் தராத கோபம் - கூட்டுறவுச் சங்கத்தை முடக்க ஏ.ஜி முயற்சியா?

செல்லாத பணத்தை மாற்றித் தராத கோபம் - கூட்டுறவுச் சங்கத்தை முடக்க ஏ.ஜி முயற்சியா?

செல்லாத பணத்தை மாற்றித் தராத கோபம் - கூட்டுறவுச் சங்கத்தை முடக்க ஏ.ஜி முயற்சியா?

Published:Updated:
செல்லாத பணத்தை மாற்றித் தராத கோபம் - கூட்டுறவுச் சங்கத்தை முடக்க ஏ.ஜி முயற்சியா?
பிரீமியம் ஸ்டோரி
செல்லாத பணத்தை மாற்றித் தராத கோபம் - கூட்டுறவுச் சங்கத்தை முடக்க ஏ.ஜி முயற்சியா?

‘‘செல்லாத நோட்டை மாற்றித் தராத ஆத்திரத்தில் கூட்டுறவுக் கடன் சங்கத்தை முடக்க முயல்கிறார் ஏ.ஜி’’ எனக் குற்றச்சாட்டு படிக்கிறார்கள் தணிக்கை மற்றும் கணக்குத் துறையின் அலுவலர்கள்.

இந்திய தணிக்கை மற்றும் கணக்குத் துறை மாநில முதன்மை கணக்காயர் அலுவலகம், சென்னை தேனாம்பேட்டையில் உள்ளது. அங்கு, ‘தமிழ்நாடு அக்கவுன்ட் ஜெனரல் அலுவலகக் கூட்டுறவு கடன் சங்கம்’ செயல்படுகிறது. சுமார் 2,500 உறுப்பினர்களைக் கொண்ட அந்தக் கூட்டுறவுச் சங்கத்தில் 65 கோடி ரூபாய் வரவு செலவு நடக்கிறது. 60 ஆண்டுகளுக்கு முன்பு தொடங்கப்பட்ட இந்தச் சங்கம், அகில இந்திய அளவில் ‘சிறந்த கூட்டுறவுச் சங்கம்’ என்ற விருதைப் பெற்றது. தணிக்கை மற்றும் கணக்குத் துறை அலுவலகத்துக்கு அக்கவுன்ட் ஜெனரலாக அருண் கோயல் வந்த பிறகு பிரச்னைகள் ஏற்பட ஆரம்பித்தன. இதுபற்றி அந்த அலுவலகத்தில் பணியாற்றும் அதிகாரி ஒருவர், “2015-ம் ஆண்டு ராஜஸ்தான் தணிக்கை அலுவலகத்திலிருந்து சென்னை அலுவலகத்துக்கு மாற்றலாகி வந்தார் அருண் கோயல். ராஜஸ்தானில் பல முறைகேடுகளில் ஈடுபட்டதால், அவரை சென்னைக்கு பணியிட மாற்றம் செய்தனர். ஆறு மாதங்கள் வரை அவர் அமைதியாகவே இருந்தார். அதன் பிறகு, இங்கே நீண்டகாலமாக பணியாற்றிக்கொண்டிருக்கிற, ஊழலுக்குத் துணைபோகிற அலுவலர் ஒருவரைத் தன் பக்கத்தில் வைத்துக்கொண்டு முறைகேடான பல வேலைகளை அருண் கோயல் செய்ய ஆரம்பித்துவிட்டார்’’ என்றார்.

செல்லாத பணத்தை மாற்றித் தராத கோபம் - கூட்டுறவுச் சங்கத்தை முடக்க ஏ.ஜி முயற்சியா?

மத்திய அரசு ஊழியர் மகா சம்மேளனத்தின் முன்னாள் பொதுச்செயலாளர் துரைப்பாண்டியனிடம் பேசியபோது, “அருண் கோயல், சென்னை அலுவலகத்துக்கு வந்ததிலிருந்து நடைபெற்ற பணியிட மாற்றங்கள், பணி நியமனங்கள் குறித்து விசாரணை நடத்தப்பட வேண்டும். அவர், விதிமுறைகளை மீறி பலருக்குப் பணி நீட்டிப்பு வழங்கியுள்ளார். இதுதொடர்பாக, டெல்லியில் உள்ள உயர் அதிகாரிகளுக்குப் புகார் சென்று, இவரிடம் விளக்கம் கேட்கப்பட்டது. அதன் பிறகு சிறிது காலம் அமைதியாக இருந்த அருண் கோயல், மீண்டும் தனது வேலைகளை ஆரம்பித்தார். இதுபோன்று முறைகேடுகளில் ஈடுபடாதீர்கள் என்று அவரிடமே நேரடியாகச் சொன்னேன். ஆனால், அவர் கேட்கவில்லை. அவர் மீதான அனைத்துக் குற்றச்சாட்டுகள் குறித்தும் விசாரிக்கப்பட வேண்டும்” என்றார்.

   “பண மதிப்பிழப்பு நடவடிக்கையின்போது, கூட்டுறவுச் சங்க அதிகாரிகளை அழைத்து, இரண்டு லட்சம் ரூபாய் பழைய நோட்டுகளைக் கொடுத்து, அவற்றைப் புதிய நோட்டுக்களாக மாற்றித் தரும்படி அருண் கோயல் சொன்னார். முதலில் மறுத்துவிட்டு, உயர் அதிகாரி கேட்கிறார் என்பதற்காக 20 ஆயிரம் ரூபாய்க்கு மட்டும் புது நோட்டுகளை மாற்றிக் கொடுத்தனர். இரண்டு லட்சம் ரூபாயையும் மாற்றித் தரவில்லை என்பதால், கூட்டுறவுச் சங்க அலுவலர்கள் மீது அருண் கோயலுக்குக் கோபம். பழிவாங்கும் நோக்கில் கூட்டுறவுச் சங்கத்தையே இழுத்து மூடுவதற்கு எல்லா முயற்சிகளையும் செய்கிறார்” என்றார்கள் அலுவலக ஊழியர்கள் சிலர்.

ஒட்டுமொத்த விகடனுக்கும் ஒரே ஷார்ட்கட்!

செல்லாத பணத்தை மாற்றித் தராத கோபம் - கூட்டுறவுச் சங்கத்தை முடக்க ஏ.ஜி முயற்சியா?

“கூட்டுறவுச் சங்கத் தேர்தலில் போட்டியிடுபவர்கள் முன்அனுமதி வாங்க வேண்டும் என்று சி.ஏ.ஜி அலுவலகத்திலிருந்து வந்த சுற்றறிக்கையைத் தனக்குச் சாதகமாகப் பயன்படுத்த முயற்சி செய்கிறார். ‘நான் சொல்வதைத்தான் நீங்கள் செய்ய வேண்டும். இல்லையென்றால், உங்களை சஸ்பெண்ட் செய்துவிடுவேன்’ என்று கூட்டுறவுச் சங்கத்தினரை மிரட்டுகிறார். சங்கத்தில் வாங்கிய கடனுக்கு ஊழியர்களின் சம்பளத்தில் பிடித்தம் செய்யாதீர்கள் என்றும் சொல்லியிருக்கிறார். இதுபோன்ற நடவடிக்கைகளால், கூட்டுறவுச் சங்கம் மூடப்படும் அபாயம் ஏற்பட்டுள்ளது. இப்போது, ‘கூட்டுறவுச் சங்க அலுவலகத்தைப் பூட்டி, என்னிடம் சாவியைக் கொடுங்கள்’ என்று மிரட்டிக்
கொண்டிருக்கிறார்” என்றார் கூட்டுறவுச் சங்க ஊழியர் ஒருவர்.

இந்தக் குற்றச்சாட்டுகளுக்கு விளக்கம் கேட்பதற்காக, அருண் கோயலைத் தொலைபேசியில் தொடர்புகொண்டோம். அவர், “கூட்டுறவுச் சங்கத்தை மூடுவதாக நான் சொல்லவில்லை. அது தவறான தகவல். நான் லஞ்சம் வாங்குபவன் என்று எனக்கு அவர்கள் (ஊழியர்கள்) ‘சான்றிதழ்’ தருகின்றனர். கணக்கில் வராத இரண்டு லட்சம் ரூபாயைக் கொடுத்து மாற்றித் தரும்படி நான் கேட்டதாக தவறாகச் சொல்கிறார்கள். அது, என்னுடைய சம்பளப் பணம்” என்றவர், நேரில் வருமாறு நம்மிடம் கூறினார். அவரைச் சந்தித்தோம். “நான், யாரிடமும் பழைய ரூபாய் நோட்டுக்களைக் கொடுத்து, மாற்றித் தரும்படி கூறவில்ல. அப்படி சொல்லப்படுவது தவறு. என் மீது வேண்டுமென்றே பல குற்றசாட்டுகளைக் கூறுகிறார்கள். அவை அத்தனையும் தவறு” என்றார்.

அருண் கோயல் மீதான புகார்கள் குறித்து ரகசிய விசாரணையை சி.பி.ஐ ஆரம்பிக்கப்போவதாக உள்விவரம் தெரிந்தவர்கள் சொல்கிறார்கள்.

- கே.பாலசுப்பிரமணி
படம்: ப.சரவணகுமார்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism