<p><span style="color: rgb(255, 0, 0);"><strong>இ</strong></span>ரவின் மொட்டிலமர்ந்து அச்சிறு பெண் மிட்டாய் கேட்டாள் <br /> ஆரஞ்சு நிற ஆடையில் காத்திருந்த காதலியைப்போன்ற <br /> அம்மிட்டாயைத் தர முடியாமல் தவித்திருந்தேன்<br /> நீடித்த இருட்டின் அல்லிமொட்டுகள் <br /> அலர்ந்து இதழ்களாய் விரிந்துகிடந்தன </p>.<p><br /> அவளோ நிசப்த இருளின்<br /> ஓர் இதழாய் என் முன் காட்சியாகியிருந்தாள்<br /> வதனமெங்கும் இன்னும் தந்துவிடாத மிட்டாயின்<br /> ஆரஞ்சு சுடர்ந்தது தீப்பிடித்த ஆரண்யம்போல<br /> வலி நரம்பிடையே ஊர்ந்து முகம் வழி<br /> சிந்துவதைக் கண்டேன்<br /> உருண்டு திரண்டு நின்ற இரங்காத மனதின் மீது<br /> கருணை மின்னலென இறங்கிப் பிளந்தது<br /> சுருங்கிய அவளுடலைத் தீண்டிய<br /> விரல்களிடையே மிட்டாய் அவளுடையதாகிவிட்டது.</p>
