Published:Updated:

பன்னீர் சொத்துக்குவிப்பு - பழைய வழக்கு... பழிதீர்க்கும் கணக்கு!

பன்னீர் சொத்துக்குவிப்பு - பழைய வழக்கு... பழிதீர்க்கும் கணக்கு!
பிரீமியம் ஸ்டோரி
பன்னீர் சொத்துக்குவிப்பு - பழைய வழக்கு... பழிதீர்க்கும் கணக்கு!

பன்னீர் சொத்துக்குவிப்பு - பழைய வழக்கு... பழிதீர்க்கும் கணக்கு!

பன்னீர் சொத்துக்குவிப்பு - பழைய வழக்கு... பழிதீர்க்கும் கணக்கு!

பன்னீர் சொத்துக்குவிப்பு - பழைய வழக்கு... பழிதீர்க்கும் கணக்கு!

Published:Updated:
பன்னீர் சொத்துக்குவிப்பு - பழைய வழக்கு... பழிதீர்க்கும் கணக்கு!
பிரீமியம் ஸ்டோரி
பன்னீர் சொத்துக்குவிப்பு - பழைய வழக்கு... பழிதீர்க்கும் கணக்கு!

முதல்வர் எடப்பாடி பழனிசாமி மற்றும் துணை முதல்வர் பன்னீர்செல்வம் ஆகிய இருவரும் போலீஸ் பட்டாளத்தின்மூலம் தினகரன் தரப்பைத் துரத்தித் துரத்தி அடிக்கிறார்கள். இதனால், நீதிமன்றங்களை அணுகித் தற்காலிகமாக ஆசுவாசமடைகிற தினகரன் தரப்போ, பன்னீர்செல்வம்மீதான சொத்துக்குவிப்பு வழக்கின் மூலம் தாக்குதல் நடத்தத் திட்டமிட்டுவருகிறது.

2001 சட்டமன்றத் தேர்தலின்போது பன்னீர்செல்வம் காட்டிய சொத்தின் மதிப்பு, 17 லட்சத்து 44 ஆயிரத்து 840 ரூபாய். அந்தத் தேர்தலில் வெற்றிபெற்ற பன்னீருக்கு வருவாய்த்துறை அமைச்சர் பதவியை வாங்கிக்கொடுத்தார் தினகரன். வருவாய்த்துறை அமைச்சராக 2001 மே 19 முதல் 2001 செப்டம்பர் 21 வரை பன்னீர் இருந்தார். டான்சி வழக்கில் ஜெயலலிதாவின் முதலமைச்சர் பதவி பறிபோனதும், 2001 செப்டம்பர் முதல் 2002 மார்ச் வரை தமிழக முதல்வர் பொறுப்பில் பன்னீரை நியமித்தார் ஜெயலலிதா. வழக்கிலிருந்து ஜெயலலிதா விடுதலையானதும், பன்னீரைப் பொதுப்பணித்துறை அமைச்சராக்கினார் ஜெயலலிதா.

பன்னீர் சொத்துக்குவிப்பு - பழைய வழக்கு... பழிதீர்க்கும் கணக்கு!

2006-ல் ஆட்சி மாற்றம் ஏற்பட்டு, தி.மு.க ஆட்சிக்கு வந்தது. அப்போது, மதுரை லஞ்ச ஒழிப்புத்துறை துணைக் கண்காணிப்பாளர் கொடுத்த தகவல்களின் அடிப்படையில், பன்னீர் மற்றும் அவருடைய குடும்பத்தினர்மீது வழக்குப் பதிவு செய்யப்பட்டது. ஊழல் தடுப்புச் சட்டம் 1988-ல் 13(1),13(2) ஆகிய பிரிவுகளின்கீழ் பதிவு செய்யப்பட்ட அந்த வழக்கில், முதல் குற்றவாளியாகப் பன்னீர் சேர்க்கப்பட்டார். அவருடைய மனைவி விஜயலெட்சுமி, மகன் ரவீந்திரநாத் குமார், தம்பி ஓ.ராஜா, அவருடைய மனைவி சசிகலாவதி, மற்றொரு தம்பி ஓ.பாலமுருகன், அவருடைய மனைவி லதா மகேஸ்வரி ஆகியோர் குற்றவாளிகளாகச் சேர்க்கப்பட்டனர். இந்த வழக்கு தேனி தலைமைக் குற்றவியல் நீதிமன்றத்தில் நடைபெற்றது.

ஒட்டுமொத்த விகடனுக்கும் ஒரே ஷார்ட்கட்!

இந்த வழக்கில் 2009 ஜூலை 30-ம் தேதி குற்றப்பத்திரிகை தாக்கல் செய்யப்பட்டது. அதில், “2001-ம் ஆண்டு, பன்னீர்செல்வம் கணக்கில் காட்டிய சொத்து மதிப்பு 17 லட்சத்து 44 ஆயிரத்து 840 ரூபாய். தேர்தலில் வெற்றிபெற்று, வருவாய்த்துறை அமைச்சர், முதல் அமைச்சர், பொதுப்பணித்துறை அமைச்சர் எனப் பதவி வகித்த ஐந்து வருடங்களில் பன்னீர்செல்வத்தின் சொத்து மதிப்பு ஒரு கோடியே 77 லட்சம் ரூபாயாக உயர்ந்துள்ளது. அதாவது, ஐந்து ஆண்டுகளில் பன்னீர்செல்வத்தின் சொத்து மதிப்பு 374 சதவிகிதமாக உயர்ந்துள்ளது” என்று குற்றம்சாட்டப்பட்டது.

அந்த வழக்கு தேனி முதன்மை ஜுடிஷியல் மாஜிஸ்திரேட் நீதிமன்றத்தில் நடைபெற்றபோது, பன்னீர்செல்வம் ஒரு மனுவைத் தாக்கல்செய்தார். அதில், “லஞ்ச ஒழிப்புத்துறை இந்த வழக்கைச் சரியாக விசாரிக்கவில்லை. என் தம்பிகள் ராஜா, பாலமுருகன் மற்றும் அவர்களுடைய மனைவி வழிச் சொத்துக்களையும், என் சொத்துக்களாக லஞ்ச ஒழிப்புத்துறை கணக்குக் காட்டியுள்ளது. ஆனால், 1994-ம் ஆண்டுக்குப் பிறகு, என் தம்பிகளுக்கும் எனக்கும் எந்தக் கொடுக்கல் வாங்கலும் இல்லை. ஒருவர் மற்றொருவர் பெயரில் எந்தச் சொத்துக்களையும் வாங்கவில்லை. இதுபற்றி விரிவாக விளக்கம் கொடுக்க எங்களுக்குத் தேவையான காலஅவகாசத்தை லஞ்ச ஒழிப்புத்துறை வழங்கவில்லை. எனவே, இந்த வழக்கை 173(8) சி.ஆர்.பி.சி சட்டத்தின்படி, எங்களுக்குப் போதிய அவகாசம் கொடுத்து, முதலிலிருந்து விசாரிக்க வேண்டும்” என்று குறிப்பிட்டிருந்தார்.

இதையடுத்து நீதிபதி ராஜலெட்சுமி, லஞ்ச ஒழிப்புத்துறை அதிகாரிகள் முதலிலிருந்து இந்த வழக்கை விசாரித்து, ஆறு மாதங்களுக்குள் அறிக்கை தாக்கல்செய்ய வேண்டும் என உத்தரவிட்டார். பன்னீர்செல்வம்மீதான சொத்துக் குவிப்பு வழக்கு இப்படிப் போய்க்கொண்டிருந்த நேரத்தில், ஊழல் வழக்குகளை விசாரிக்கச் சிறப்பு நீதிமன்றங்களை அமைத்துத் தி.மு.க தலைமையிலான தமிழக அரசு உத்தரவிட்டது. பிறகு, தேனி நீதிமன்றத்திலிருந்து சிவகங்கைச் சிறப்பு நீதிமன்றத்துக்குப் பன்னீர்செல்வம்மீதான சொத்துக் குவிப்பு வழக்கு மாற்றப்பட்டது. பிறகு, 2011-ல் அ.தி.மு.க ஆட்சிக்கு வந்தது. பன்னீர்செல்வம்மீதான சொத்துக் குவிப்பு வழக்கை விசாரித்த சிவகங்கை சிறப்பு நீதிமன்ற நீதிபதி கருப்பையா, அந்த வழக்கிலிருந்து பன்னீர்செல்வம் உள்ளிட்டோரை விடுதலை செய்தார்.

பன்னீர் சொத்துக்குவிப்பு - பழைய வழக்கு... பழிதீர்க்கும் கணக்கு!

இதற்கிடையில் சட்டசபையில் தீர்மானம் நிறைவேற்றி, அரசு தொடர்ந்த ஊழல் வழக்குகளைத் திரும்பப் பெறலாம் எனத் தமிழக அரசு அறிவித்தது.  அந்த நேரத்தில், அந்த வழக்கின் விசாரணை அனைத்தும் முடிந்து இறுதித் தீர்ப்பு வெளியாகிற சூழல் இருந்தது. ஆனால், தமிழக அரசு அப்படி அறிவித்ததும், அந்த வழக்கைத் திரும்பப் பெற்றுக்கொள்ள சிவகங்கை சிறப்பு நீதிமன்றம் உத்தரவிட்டது. அந்த வழக்கில்தான் இப்போது வில்லங்கத்துக்கான விவகாரத்தை ஆரம்பிக்க உள்ளனர்.

இதுகுறித்து, வழக்கறிஞர் ராஜா செந்தூர் பாண்டியனிடம் பேசினோம்.

“முன்னாள் முதலமைச்சர் பன்னீர்செல்வம் தன் வருமானத்துக்கு அதிகமாக 340 மடங்கு சொத்துக்களைச் சேர்த்ததாகத் தொடரப்பட்ட வழக்கு அது. அந்த வழக்கில், குற்றப்பத்திரிகை தாக்கல்செய்யப்பட்டு விசாரணை முடிந்த நிலையில், பன்னீர்செல்வம் மறுவிசாரணை கேட்டு மனுத் தாக்கல் செய்தார். அதுவும், 173(8) சி.ஆர்.பி.சி சட்டத்தின்படி அந்தச் சலுகையைக் கேட்டார். 173(8) சட்டப்பிரிவை முதலில் குற்றம் சாட்டப்பட்டவர் கேட்கவே முடியாது. அதுபோல், மறுவிசாரணைக்கு உத்தரவிட மாஜிஸ்திரேட்டுக்கு அதிகாரமே கிடையாது. அப்படி உத்தரவிட மேல்நீதிமன்ற நீதிபதிகளுக்குத்தான் அதிகாரம் உள்ளது. ஆனால், ஜுடிசியல் மாஜிஸ்திரேட் அப்படி உத்தரவிட்டதும், அதை எதிர்த்து அரசுத் தரப்பு அப்பீல் செய்யவில்லை. அதன்பிறகு, இந்த வழக்கை மதுரையில் அமைக்கப்பட்ட லஞ்ச ஊழல் தடுப்பு நீதிமன்றத்துக்கும் கொண்டு செல்ல பன்னீர்செல்வம் தரப்பு விடவில்லை. மேலும், விசாரணை முழுமையாக நடக்கவில்லை. அதன் அடிப்படையில், சிவகங்கை நீதிமன்றம் இந்த வழக்கிலிருந்து பன்னீர்செல்வத்தை விடுதலை செய்தது. மேலும் சட்டமன்றத்தில், இந்த வழக்குகளைத் திரும்பப்பெற்றுக்கொள்வதாகத் தமிழக அரசு அப்போது தீர்மானம் போட்டது. அதனாலும் இந்த வழக்கு நிற்காமல் போனது. ஆனால், இப்போது தனிநபரோ அரசாங்கமோ யார் நினைத்தாலும் அந்த வழக்கை மீண்டும் ஆரம்பித்து நடத்த முடியும். விரைவில் யாராவது அந்த வழக்கை நடத்துவார்கள்” என்று குறிப்பிட்டார்.

 வேறு யார் நடத்துவார்கள்? தினகரனாகவோ தி.மு.க-வாகவோதான் இருக்கும்!

- ஜோ.ஸ்டாலின்