Published:Updated:

காவி அலப்பறை - கவிதை

காவி அலப்பறை - கவிதை
பிரீமியம் ஸ்டோரி
காவி அலப்பறை - கவிதை

யுகபாரதி, படம்: அருண்டைட்டன்

காவி அலப்பறை - கவிதை

யுகபாரதி, படம்: அருண்டைட்டன்

Published:Updated:
காவி அலப்பறை - கவிதை
பிரீமியம் ஸ்டோரி
காவி அலப்பறை - கவிதை
காவி அலப்பறை - கவிதை

காவி தரிச்ச சாமியாரு
கவர்மென்ட்டு எப்படி - உ.பி
மாநிலமே அவரக்கண்டு
ஆகுதுங்க பல்பொடி

பசுவ வளக்க பாடுபட்டு
படுத்துறாரு மக்கள - பச்ச
சிசுக மரிச்ச செய்திகேட்டும்
பதறிப்போயி நிக்கல

காதல் வாழும் தாஜுமகால்
அவரு கண்ணக் குத்துது - காசி
மாநகரும் வேதாந்தமும்
மனசுக்குள்ள சுத்துது

கோயில்கட்ட இடமொதுக்கி
கொடுக்குறாரு சில்லற - ஏழ
குடியிருக்க வழியில்லேன்னா
எழுப்புறாரு கல்லற

மதத்த வச்சு ஆட்சிசெய்ய
அரைக்கிறாரு அம்மிய - ஒலக
அதிசயத்த வெலக்கிப்புட்டு
அடிக்கிறாரு கும்மிய

கீதயென்ன சொல்லுதுன்னு
சொல்லுறாரு சுத்தமா - சம
நீதி செத்துப்போனதுன்னா
சிரிக்கிறாரு சத்தமா

மடத்தப்போல கட்டியாள
நாடென்ன திண்ணையா - இல்ல
கண்ணபிரான் வழிச்சி நக்க
கட்டியான வெண்ணெயா?

ஒறவுபோல வாழும் எங்க
உசுரக்கொல்ல திட்டமா - போலித்
துறவுவேஷம் போட்ட அவரு
வச்சதுதான் சட்டமா?

பொறுத்து நாங்க போகும்வர
போடுவாரு குஸ்திய - ஆட்சி
வெறுத்துப்போயி வெகுண்டெழுந்தா
கரைக்கவேணும் அஸ்திய

கோட்டத் தாண்டி அவருசெய்யும்
கோக்குமாக்கு எத்தன - எண்ணி
ஓட்டுப்போட்ட எங்களுக்கு
வேணும் இந்த தண்டன

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism