Published:Updated:

“மெர்சல் படத்தின் முதல் குற்றவாளி விஜய் அல்ல... மதியழகன்தான்!”

“மெர்சல் படத்தின் முதல் குற்றவாளி விஜய் அல்ல... மதியழகன்தான்!”
பிரீமியம் ஸ்டோரி
“மெர்சல் படத்தின் முதல் குற்றவாளி விஜய் அல்ல... மதியழகன்தான்!”

சீறும் எஸ்.வி.சேகர்

“மெர்சல் படத்தின் முதல் குற்றவாளி விஜய் அல்ல... மதியழகன்தான்!”

சீறும் எஸ்.வி.சேகர்

Published:Updated:
“மெர்சல் படத்தின் முதல் குற்றவாளி விஜய் அல்ல... மதியழகன்தான்!”
பிரீமியம் ஸ்டோரி
“மெர்சல் படத்தின் முதல் குற்றவாளி விஜய் அல்ல... மதியழகன்தான்!”

ஜி.எஸ்.டி வசனத்தை வைத்துக் கிளம்பிய ‘மெர்சல்’ பட விவகாரம், சென்சார் போர்டுக்குள் பிரச்னையை உண்டாக்கியிருக்கிறது.

‘மெர்சல்’ படத்தையொட்டி, மண்டல சென்சார் போர்டு அதிகாரி மதியழகனுக்கு எதிராகக் கடும் விமர்சனங்களை முன்வைக்கிறார், மத்திய சென்சார் போர்டு உறுப்பினரான, நடிகர் எஸ்.வி.சேகர். ‘‘இந்தப் பதவியிலிருந்து மதியழகனை நீக்க வேண்டுமென்று மத்திய அரசுக்குக் கடிதம் எழுதியிருக்கிறேன்’’ என்கிறார் எஸ்.வி.சேகர். இவர் இப்படிப் பொங்குவதற்கு என்ன காரணம்?

“மெர்சல் படத்தின் முதல் குற்றவாளி விஜய் அல்ல... மதியழகன்தான்!”

“ஒரு திரைப்படம், சமூகத்தில் என்ன தாக்கத்தை உருவாக்கும் என்பதைக் கணித்து, தேவையற்ற காட்சிகளை நீக்குவதுதான் சென்சார் போர்டின் வேலை. அதனால்தான் பல துறைகளைச் சேர்ந்தவர்களும் உறுப்பினர்களாக நியமிக்கப்படுகிறார்கள். தமிழ்நாட்டில் பிராந்திய தணிக்கைக்குழு உறுப்பினர்கள் 96 பேர். இவர்களது பதவிக்காலம் இரண்டு ஆண்டுகள். மண்டல அதிகாரியுடன் இணைந்து நான்கு உறுப்பினர்கள் படத்தைப் பார்க்கிறார்கள். அந்த நான்கு பேரில் இருவர் பெண்களாக இருக்க வேண்டும். இது நடைமுறை.

‘திரிக்கப்பட்ட உண்மையை நாம் சொல்லக்கூடாது’ என்பது சென்சார் போர்டு விதிகளில் ஒன்று. அந்த அடிப்படையில், ‘மெர்சல்’ படத்தில் உண்மையைத் திரிக்கும் வகையில் காட்சிகளும், வசனங்களும் இடம்பெற்றுள்ளன. 27 வருடங்களாக ஜி.எஸ்.டி அமலில் உள்ள சிங்கப்பூரையும், மூன்று மாதங்களாக இந்தியாவில் நடை முறையில் உள்ள ஜி.எஸ்.டி-யையும் ஒப்பிட்டு வசனங்களை வைத்துள்ளனர். இது மிகப்பெரிய அபத்தம். இதைத் தடுத்திருக்க வேண்டிய சென்சார் போர்டு மண்டல அதிகாரி மதியழகன், தன் கடமையிலிருந்து தவறிவிட்டார். 

மதியழகன், ஒரு கட்சிக்காரரைப் போல் ‘எல்லாப் பிரச்னைகளுக்கும் பி.ஜே.பி-தான் காரணம்’ என்று பேட்டி கொடுக்கிறார். மத்திய அரசிடம் ஊதியம் பெறுபவர்,  அந்த அரசுக்கு எதிராகவே பேட்டி கொடுக்கிறார். அப்படியென்றால், அவருக்கு என்ன துணிச்சல் இருக்க வேண்டும்? இந்தப் பட விவகாரத்தில் முதல் குற்றவாளி விஜய் அல்ல... மதியழகன்தான். அவர் கருத்துக்கு மாறான கருத்தை சென்சார் போர்டு உறுப்பினர்கள் யாராவது சொல்லிவிட்டால், அதன்பிறகு, அவர்களை அடுத்த படம் பார்க்க அனுமதிக்கமாட்டார். அதனால், யாரும் அவரை எதிர்த்துப் பேசுவதில்லை” என்றார் எஸ்.வி.சேகர்.

மதியழகனிடம் பேசினோம். “நாங்கள் பார்த்தபோது, படத்தின் காட்சிகள் ஜி.எஸ்.டி-யைக் கடுமையாக விமர்சிப்பதாக எங்களுக்குத் தோன்றவில்லை. வெளியில் இருப்பவர்கள்தான் விமர்சிக்கிறார்கள். அவர்கள் கருத்துகளைப் புரிந்துகொண்டு, சில காட்சிகளை நீக்க, படத்தின் தயாரிப்பாளர் ஒப்புக்கொண்டால், அதை நாங்கள் நீக்கிக்கொடுப்போம். நான் சர்வாதிகாரமாகச் செயல்படுகிறேன் என்பது தவறு. அப்படிச் செயல்பட முடியாது. ஜனநாயக நாட்டில் இயங்கும் எந்தக் கமிட்டியும் அப்படிச் செயல்பட முடியாது. படத்தை எல்லோரும் பார்க்கிறார்கள். அவர்களிடம் கருத்துகள் வாங்கப்பட்டு, விவாதிக்கப்பட்டு, அதன்பிறகுதான் படத்துக்குச் சான்றிதழ் வழங்கப்படுகிறது. ‘மெர்சல்’ படத்துக்கும் அப்படித்தான் வழங்கப்பட்டது. நான் மத்திய அரசை எதிர்த்து எங்கும் பேசவில்லை’’ என்றார்.

சினிமாவிலிருந்து அரசியலுக்கு வருகிறார்களோ இல்லையோ, சினிமாவை வைத்து அரசியல் நன்றாக நடக்கிறது.

- ஜோ.ஸ்டாலின்

ஒட்டுமொத்த விகடனுக்கும் ஒரே ஷார்ட்கட்!