Published:Updated:

கவிதைகள் - ரவிக்குமார்

கவிதைகள் - ரவிக்குமார்
பிரீமியம் ஸ்டோரி
News
கவிதைகள் - ரவிக்குமார்

ஓவியம்: ரமணன்

கவிதைகள் - ரவிக்குமார்

வெற்றிப் பயணம்

ரியும் சிதைகளால்
ஒளியூட்டப்பட்ட ஓடுபாதையில்
இறங்குகிறது உங்கள்
விமானம்

பறந்து பறந்து
பறந்து பறந்து
சென்று
கற்று வருகிறீர்கள்
பறவைகளைப்
பறக்க முடியாமல் செய்வது எப்படி
என்னும் வித்தையை

வரவேற்க
வரிசையில் காத்து நிற்கிறோம்  

கவிதைகள் - ரவிக்குமார்

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz


கொய்யப்பட்ட
எங்கள் தலைகளை
எங்கள் கைகளில்
ஏந்தியவாறு.

பசு மாமிசப்பட்சணியாகிவிட்ட காலம்

சொ
ல்லுக்கு மௌனம் பதிலியாகிவிடும்போது
வேட்கையின் தணலுக்கு
அவநம்பிக்கையின் சில்லிப்பு மாற்றாகிவிடும்போது
கவிதை எழுத யார் இருக்கப்போகிறார்கள்?

அழுது நா வறண்டுபோன குழந்தைக்கு
யார் ஒரு வாய் தண்ணீர் தரப்போகிறார்கள்?
அலறி ஓலமிடும் மூதாட்டிக்கு
யார் ஆறுதல் சொல்லப் போகிறார்கள்?

கழுவேற்றப்பட்ட கனவை
கொத்திப் புசிக்கும் காக்கைகளை,
யார் விரட்டப் போகிறார்கள்?

பசுக்கள் மாமிசப் பட்சணிகளாகிவிட்ட காலத்தில்
வண்ணத்துப்பூச்சிகளின் நிறம் உதிர்வதைப் பற்றியும்
மேகங்கள் வெளுத்துக் கலைவதைப் பற்றியும்
யார்
கவலைகொள்ளப் போகிறார்கள் ?

கடைசிப் பாடல்

சொ
ற்கள்
சித்திரவதையில் ரத்தமாய்க் கசியும்போது
சொற்கள்
தோல்வியில் கண்ணீராய் உதிரும்போது
சொற்கள்
இயலாமையில் பெருமூச்சாய்க் கரையும்போது
சொற்கள்
அச்சத்தில் சிறுநீராய் ஒழுகும்போது

எதைக்கொண்டு எழுதுவது ஒரு கவிதையை ?
நீரின் பிரிவைச் சொல்லி
மணல் புலம்பும்
நதியல்லா நதியில்
நுரைத்துப் பாய்கிறது
வெறுப்பு

மழை காணா நிலத்து
முளையெனக் கருகுகிறது
நம்பிக்கை

யாருமற்றத் தனிமையில்
சொற்கள் இல்லாத குரலில்
பாடுகிறேன்
இந்தக்
கடைசிப் பாடலை

ஒரு புரட்சியாளனின் கையில்
ஆயுதமாக இருக்க வேண்டாம்
போராடும்
பெண்ணின் விரல் நகமாகவாவது
இது இருக்கட்டும்.