Published:Updated:

தலையங்கம்

தலையங்கம்
பிரீமியம் ஸ்டோரி
News
தலையங்கம்

தலையங்கம்

தலையங்கம்

ருத்துச் சுதந்திரம் குறித்த உரையாடல்கள் மீண்டும் தொடங்கியிருக்கின்றன. ‘கருத்துச் சுதந்திரம் என்பது நாம் மதிக்கும், நாம் ஏற்றுக்கொள்ளும் கருத்துகளுக்கான சுதந்திரம் மட்டுமல்ல; நமக்கு உவப்பில்லாத கருத்துகளுக்கான சுதந்திரமும்கூட’ என்ற கருத்தியல் தெளிவுதான் இன்றைய தேவை. ஒரு திரைப்படம் அரசுக்கு எதிராகப் பேசுவதாலேயே அதற்கு எதிராகக் கிளம்பும் எதிர்ப்புகளும், அதிகாரத்தின் துணையுடன் நிகழ்த்தப்படும் மூர்க்கத்தனமான நடவடிக்கைகளும் சகிப்பின்மைக்கான அடையாளங்கள். வணிக சினிமாக்களோ மாற்று சினிமாக்களோ... ஒரு கலைக்கான சுதந்திரம் என்பது முழுமையாக வழங்கப்பட வேண்டும். அதேநேரம், பிரபல நட்சத்திரங்களுக்கு ஏற்படும் நெருக்கடிகள் மட்டுமே உடனடி விவாதப்பொருளாக மாற்றப்படுகின்றன என்பதும் அதிகமும் அறியப்படாத சாமானியர்களுக்கு ஏற்படும் கருத்துச் சுதந்திர நெருக்கடிகள் கவனிக்கப்படுவதில்லை என்பதும் கவலைக்குரிய விஷயங்கள். தமிழ்ச் சூழலிலேயே எழுத்தாளர்கள் தங்கள் படைப்புகளுக்காகத் தாக்கப்பட்டிருக்கிறார்கள்; மிரட்டப்பட்டிருக்கிறார்கள்; ஊர்விலக்கம் செய்யப்பட்டிருக்கிறார்கள். இத்தகைய நெருக்கடிகளுக்கு மத்தியிலும் எழுத்தின் சாரம் குறையாமல் தொடர்ந்து இயங்கிவரும் படைப்பாளிகள் நம் மரியாதைக்கு உரியவர்கள். 

தலையங்கம்

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz



அதேபோல், ஒருவரது அடையாளத்தின் அடிப்படையிலான தாக்குதல்களும் கண்டிக்கத்தக்கவை. நாம் வாழும் சூழலில் சில அடையாளங்கள் பிறப்பால் வருபவை, சில அடையாளங்கள் நாம் தேர்ந்துகொண்டவை. எந்த ஓர் அடையாளத்தையும் தேர்ந்துகொள்ளும் உரிமை எல்லோருக்குமே உண்டு. பிரச்னைகள் வரும்போது மட்டும் சம்பந்தப்பட்டவரது அடையாளத்தோடு தொடர்புபடுத்தி உள்நோக்கம் கற்பிப்பது ஜனநாயகத்தின் ஆரோக்கியத்துக்கான ஆபத்து. உரையாடலுக்கான வெளிதான் புதிய சிந்தனைகளை விளைவிக்கும் வயல். அதற்கு வேலிகள் தேவையில்லை. கருத்துகளைக் கருத்துகளால் எதிர்கொள்வோம். உரையாடல்கள் தொடரட்டும்!

- ஆசிரியர்