Published:Updated:

பனியிரவுப் பொழுதுகள் - கவிதை

பனியிரவுப் பொழுதுகள் - கவிதை
பிரீமியம் ஸ்டோரி
பனியிரவுப் பொழுதுகள் - கவிதை

கவிதை: அய்யப்ப மாதவன்

பனியிரவுப் பொழுதுகள் - கவிதை

கவிதை: அய்யப்ப மாதவன்

Published:Updated:
பனியிரவுப் பொழுதுகள் - கவிதை
பிரீமியம் ஸ்டோரி
பனியிரவுப் பொழுதுகள் - கவிதை

சுருண்ட நாயின் மீது அதிகாலைப் பனித்தெருவின் விதும்பல்
மழை வருவது போன்ற சோம்பிய விடியலொளி
கூடவே தீர்ந்துவிடாத பயமுறுத்தும் இருள்
சலசலப்பு எழுந்துவிடாத வீடுகள்
உரையாடலற்றவேளை அது
கசிந்தது அமைதி
தேயிலை மணம்
இறக்கைகளை விரித்தது புலர்காலை
நிர்மலமாய் நீலவானம்
ஆழ்ந்த பச்சையுடுத்திய பெயரறியா மரம்
அற்புத அழகில் சில காலம்
கசடுகளில்லாத பயணம்
குறுக்கீடுகளில்லாத தூயமனம்
இரவைப் பிரியும் ஒளியில் ரகசிய சூக்குமங்கள்
இதயத்தைத் தள்ளின பாழுமுலகில்
உடலில் மிருக அம்சங்கள் பெருகச் சுழன்றது
நீளும் குரங்குவால்
அடுத்தவன் ரணமானான்
அடுத்தவன் கற்களை எறிந்தான்
காயங்கள்
தேகம் மூளை தேய்ந்து
பனியிரவின் தொடக்கத்தில்
மறுபடி தூக்கம்
மறையும் நஞ்சுப்பகல்
குளிர் கொட்டிய தடுப்புச்சுவரினுள் விறைத்துப்போய்
ஏதுமறியாததுபோல் இறந்து கிடந்தேன்.

பனியிரவுப் பொழுதுகள் - கவிதை

என் எந்தப் பொழுதும் உன் பொழுதுதான்
வீர்யமிழந்து வரும் பனிக்காலத்தில் அரும்பும்
இளவேனில் பருவத்தில்
விலகும் குளிராய் நீயிருக்கிறாய்
ஆனால் நீ பனிப்பொழுதாய்
இருக்கவே விழைகிறேன்
குளிராய்த் தங்குகிற வேளை உதிக்கும் பரிதியில்
எல்லையற்ற சுகமடைவேன்
குளிர் கட்டிகள் நிரம்பிய காற்றில்
நீ தாக்குகிறவேளை
நடுநடுங்கி உன் முகத்தில்
விழிக்கத் தலைப்படுகிறேன்
நீயோ எங்கோ என் எண்ணமின்றி
வேறெதையோ
செய்துகொண்டிருப்பாய்
போலும்
நான் நீயாகிய என்னை நீ புரியவே இல்லை
என்பதில் எவ்வளவு துயருறுகிறேன்
கணம் கணமாய் உன்னில்
உறைகிறேன் என்பதை அறியாத
போதும்
எந்தப் பொழுதும் உன் பொழுதென்பதை
நீ உணர்ந்திருக்கவில்லை
ஆயினும் என்னை நீ நினையாத போதும்
உன்னை நினைப்பதை
நிறுத்திவிடப்போவதில்லை
ஏனெனில் உன் மீதான உன்மத்தை
எல்லையற்றுப்
பெருக்கிக்கொண்டுவிட்டேன்
அதோ பனி பெய்கிறது நீ குளிர்கிறாய் என்னில்

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism