Published:Updated:

ஜூ.வி. நூலகம்: நீதிபதி பணிக்கு மட்டும்தான் ஓய்வு !

ஜூ.வி. நூலகம்:  நீதிபதி பணிக்கு மட்டும்தான்  ஓய்வு !
பிரீமியம் ஸ்டோரி
ஜூ.வி. நூலகம்: நீதிபதி பணிக்கு மட்டும்தான் ஓய்வு !

ஜூ.வி. நூலகம்: நீதிபதி பணிக்கு மட்டும்தான் ஓய்வு !

ஜூ.வி. நூலகம்: நீதிபதி பணிக்கு மட்டும்தான் ஓய்வு !

ஜூ.வி. நூலகம்: நீதிபதி பணிக்கு மட்டும்தான் ஓய்வு !

Published:Updated:
ஜூ.வி. நூலகம்:  நீதிபதி பணிக்கு மட்டும்தான்  ஓய்வு !
பிரீமியம் ஸ்டோரி
ஜூ.வி. நூலகம்: நீதிபதி பணிக்கு மட்டும்தான் ஓய்வு !

நீதிபதியாக இருந்த காலத்தில், சட்ட நீதிபதியாக மட்டுமின்றி, மனச்சாட்சியுள்ள நீதிபதியாகவும் நியாய நீதிபதியாகவும் செயல்பட்டவர், அரிபரந்தாமன். நீதிபதியாக இருந்த காலத்தில் சமூக அக்கறையுடன் பேசியவர்களும், செயல்பட்டவர்களும், ஓய்வுக்குப் பிறகு அப்படி இருப்பதில்லை. அதிலிருந்து முற்றிலும் மாறுபட்டவர் அரிபரந்தாமன். சொல்வது மட்டுமல்ல, செயல்படவும் செய்பவர். அதனால்தான், அவரை ‘மக்கள் நீதிபதி’ என்று மகுடம் சூட்டி அழைக்கிறார்கள்.

ஜூ.வி. நூலகம்:  நீதிபதி பணிக்கு மட்டும்தான்  ஓய்வு !

அரிபரந்தாமன், சென்னை உயர் நீதிமன்ற நீதிபதி பொறுப்பிலிருந்து விடைபெறும் நாளில், “நீதிபதி பணிக்கு மட்டும்தான், நாளை முதல் எனக்கு ஓய்வு. அதே வேளையில், நாளை முதல் இந்த நாட்டு ஏழை எளிய பாமரர்களின் விளிம்பு நிலை மக்களின் உரிமை, வாழ்வாதாரம், மாண்புக்கென இந்திய அரசியலமைப்புச் சட்டம் அளித்துள்ள வாக்குறுதிகளை இம்மக்களுக்குச் சென்றடைய எனது பணி தொடரும் என்பதை இத்தருணத்தில் சொல்லி விடைபெறுகிறேன்” என்று சொன்னார். அந்த விடைபெறும் நிகழ்வில் இருந்துதான், அவரது சமூகப் பயணம் தொடங்கியது.

‘அரசியலமைப்புச் சட்டமும் மதச்சார்பின்மையும்’, ‘தகுதி படைத்த மாணவர்களுக்கு மருத்துவக்கல்வியை எட்டாக்கனியாக்கும் நீட்’, ‘ஒப்பந்தத் தொழிலாளர் முறை முற்றிலும் ஒழிக்கப்பட வேண்டும்’, ‘இயற்கை வளங்களைப் பாதுகாப்போம் - சுற்றுச்சூழலைப் பாதுகாப்போம்’, ‘அன்று அம்பேத்கர் இன்று மனுஷ்யபுத்திரன்’ என்ற உள்ளடக்கம் கொண்ட அவரது படைப்புகளின் தொகுப்புதான் இந்த நூல். இதில், மதச்சார்பின்மை குறித்த பேச்சுதான் மிக விரிவானது.

மதச்சார்பின்மை வலுவடையாமல் போனதற்குக் காரணம் என்ன என்பதை, “இதுவரை தலித் மக்களை ஒடுக்கி, மதச்சிறுபான்மையினரை ஓரங்கட்டியே வந்த மத ரீதியான சக்திகள், மேலாதிக்கம் செலுத்திவரும் சாதிகள் ஆகியவற்றை எதிர்த்து மத்தியிலும், மாநிலத்திலும் ஆட்சிப் பொறுப்பில் இருந்த அரசுகள் போராடத் தவறின. மதச்சார்பற்ற சக்திகளின் பின்னடைவுக்கு இதுதான் மிகப்பெரிய ஒரேயொரு காரணமாக அமைந்திருந்தது” என்று பகிரங்கமாக குற்றம்சாட்டுகிறார்.

இந்திய அரசியலுக்குள், அரசியல் நிர்ணய சபைக்குள், சட்டத்துக்குள் இருக்கும் மதச்சார்பு வேர்களை வெளியில் கொண்டுவந்து வீசுகிறார் என்பதை வைத்துப் பார்க்கும்போது, அரிபரந்தாமனின் நீதிப்பயணம் தொய்வின்றி தொடர்கிறது என்பது தெரிகிறது. அதற்கான ஆதாரமே, இந்தப் புத்தகம்.

நீதிபதி சிவராஜ் வி.பாட்டீல் அறக்கட்டளை,
நீதிபதி பகவதி பவன்,
143, ஏரிக்கரை சாலை,
கே.கே.நகர்,
மதுரை-20

தொடர்புக்கு: 98434 60061

விலை: ரூ. 75

ஒட்டுமொத்த விகடனுக்கும் ஒரே ஷார்ட்கட்!

- புத்தகன்