Published:Updated:

கவிதைகள் - தி.பரமேசுவரி

கவிதைகள் -  தி.பரமேசுவரி
பிரீமியம் ஸ்டோரி
கவிதைகள் - தி.பரமேசுவரி

ஓவியம் : செந்தில்

கவிதைகள் - தி.பரமேசுவரி

ஓவியம் : செந்தில்

Published:Updated:
கவிதைகள் -  தி.பரமேசுவரி
பிரீமியம் ஸ்டோரி
கவிதைகள் - தி.பரமேசுவரி

ஜே.கேயின் கத்தரிக்கோல்

திரு.ஜேகே நிதானமாகவே தன் கடையைத் திறப்பார்
சுண்ணக்கட்டியால் துணியில் கோடிழுப்பது
காகிதத் தாள்களை அளவெடுப்பது, கழுத்தை வெட்டுவது
எல்லாவற்றிலும் ஓர் இசையிருக்கும்
எல்லாவற்றிலும்

ஆனாலும், அவர் அப்படிச் செய்திருக்கக் கூடாது
பூனைபோல் நடக்கும் அந்தச் சீமாட்டியின் முலைகளை மழுங்கடித்துவிட்டார்
தன்னைப் பெருமிதமாய் ஆடியில் அவ்வப்போது பார்த்துக்கொள்பவள்
முகம் சுருங்கிப் போயிருக்கிறாள் நல்ல ஜம்பரொன்று நாசமாகிவிட்டதென
கூர்மையானது மொண்ணையாய் ஒன்றுமில்லாமலாகிப் போனதை
அவருக்கு விளக்குவது எப்படியென யோசித்தபடி வருபவளின்
டீப் கட் வைத்த ஜம்பரை பெருங்கண்களால் அளந்தபடி
வேறொரு துணியில் கைகளை வெட்டத் தொடங்குகிறார் திரு.ஜே.கே

கவிதைகள் -  தி.பரமேசுவரி

ஓநாயின் கண்கள்

காயத்தின் கோட்டையைக் காட்டுவதாய் ஈர்த்தாய்
ப்ரியத்தின் பின்னிணைப்பில் சுருண்டவளை
மேலும் மேலும் இறுக்கிப் பிணைத்தாய்
நம்முடைய நாள்கள் இரவுகளாலானது
பேசிப் பேசிக் கழிந்த அக்காலம் ஓர் அந்தரங்க ஓவியம்.
சாதாரண நாள்களையும் அசாதாரணமாக்கியது உன் இருப்பு
கடவுளின் குரலை நீ உணர்த்தினாய்
என் அன்பே...
உன் கையில் ஏன் கத்தி முளைத்தது
சூரியன் மலையிலெழுந்து பகலெல்லாம் சுற்றி
கடலுக்குள் அமிழ்ந்துகொண்டிருந்தபோது
நாமிருவரும் ஒருவரையொருவர் குத்திக்கொண்டிருந்தோம்
உன்னை எப்போதும் வென்றெடுக்க இயலாது என்னால்
என் கனவே...
இந்த இரவுக்கு ஓநாயின் கண்கள்.

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism