Published:Updated:

தப்பாக மார்க் போட்ட 1,070 பேராசிரியர்கள்!

தப்பாக மார்க் போட்ட 1,070 பேராசிரியர்கள்!
பிரீமியம் ஸ்டோரி
தப்பாக மார்க் போட்ட 1,070 பேராசிரியர்கள்!

அண்ணா பல்கலைக்கழக அதிர்ச்சி

தப்பாக மார்க் போட்ட 1,070 பேராசிரியர்கள்!

அண்ணா பல்கலைக்கழக அதிர்ச்சி

Published:Updated:
தப்பாக மார்க் போட்ட 1,070 பேராசிரியர்கள்!
பிரீமியம் ஸ்டோரி
தப்பாக மார்க் போட்ட 1,070 பேராசிரியர்கள்!

ண்ணா பல்கலைக்கழகம், தேர்வில் வழங்கும் மதிப்பெண்களைப் பொறுத்தே தமிழகத்தில் இன்ஜினீயரிங் படிக்கும் மாணவர்களின் எதிர்காலம் அமைகிறது. கேம்பஸ் இன்டர்வியூவுக்கு வரும் நிறுவனங்கள், இந்த மதிப்பெண்களை அடிப்படையாக வைத்தே அவர்களைத் தேர்வு செய்கின்றன. அதனால், மதிப்பெண் குறையும்போது பல மாணவர்கள் விபரீத முடிவுகளை எடுக்கின்றனர். ஆனால், பல லட்சம் மாணவர்களின் எதிர்காலத்தை முடிவுசெய்யும் இந்த மதிப்பெண் விவகாரத்தில், ஆயிரத்துக்கும் மேற்பட்ட பேராசிரியர்கள் சர்வ அலட்சியம் காட்டியுள்ளனர் என்பது விசாரணையில் தெரிய வந்துள்ளது.

`வினாத்தாள் அமைப்பது, விடைத்தாள் திருத்துதல் உள்ளிட்டத் தேர்வு தொடர்பான எவ்வித பணிகளையும் மேற்கொள்ளக்கூடாது’ என 1,070 பேராசிரியர்களுக்குத் தடைவிதித்திருக்கிறது அண்ணா பல்கலைக்கழகம்.

தப்பாக மார்க் போட்ட 1,070 பேராசிரியர்கள்!

எந்தத் திரைப்படம் வசூலில் சாதனை புரிந்ததாக செய்தி வெளியானாலும், ‘இதெல்லாம் என்ன கலெக்‌ஷன்? அண்ணா பல்கலைக்கழக ரீவேல்யுவேஷன் கலெக்‌ஷனை மிஞ்ச முடியுமா?’ என இன்ஜீனியரிங் மாணவர்கள் மீம்ஸ் போட்டுக் கலாய்ப்பது வழக்கம். தாங்கள் எதிர்பார்த்த மதிப்பெண் கிடைக்கவில்லை என ஆயிரக்கணக்கான மாணவர்கள் மறுமதிப்பீட்டுக்கு விண்ணப்பிக்கிறார்கள். 2011-ம் ஆண்டு முதல் 2016 வரை, அண்ணா பல்கலைக்கழகம் மறுமதிப்பீட்டுக்காகவும், விடைத்தாள்களின் நகல் வழங்குவதற்காகவும் மாணவர்களிடமிருந்து வசூலித்த தொகை, 75 கோடியே 47 லட்சம் ரூபாய். 

மறுமதிப்பீட்டுக்கு 2011-ம் ஆண்டு 54,531 பேர் விண்ணப்பித்திருந்த நிலையில், 2015-ம் ஆண்டு விண்ணப்பித்தவர்கள் 1.09 லட்சம் பேர்.முன்னர் அலட்சியமாகத் திருத்தப்பட்ட விடைத்தாள்களுக்கு, மறுமதிப்பீட்டின்போது சரியான மதிப்பெண்கள் தரப்படுவது ஒரு பொழுதுபோக்குபோல நடக்கிறது.

ஒரு பாடத்துக்கு விடைத்தாள் நகல் பெற்று, மறுமதிப்பீட்டுக்கு விண்ணப்பிக்க 700 ரூபாய். மறுமதிப்பீட்டில் திருப்தி இல்லையென்றால், மீண்டும் மறுமதிப்பீட்டுக்கு (சேலஞ்ச் வேல்யுவேஷன்) விண்ணப்பிக்கலாம். இதற்கு 3,000 ரூபாய் கட்டணம். சில மாணவர்கள் ஆண்டுதோறும் மறுமதிப்பீட்டுக்காக மட்டுமே 10,000 ரூபாய் வரை செலவழிக்கிறார்கள். வறிய குடும்பங்களிலிருந்து வரும் மாணவர்கள், இதனால் பெரும் மன உளைச்சலுக்கு ஆளாகின்றனர். இன்னொரு பக்கம், மறுமதிப்பீட்டுக்கு விண்ணப்பிக்காமலே விடும் மாணவர்களின் கதி ‘செய்யாத தவறுக்குத் தண்டனை அனுபவிப்பது’ போன்றது!

விடைத்தாள் திருத்துவதில் நிகழும் குளறுபடிகள் பற்றி தொடர்ந்து புகார்கள் வந்த நிலையில், செப்டம்பர் 27, அக்டோபர் 21 ஆகிய தேதிகளில் சென்னை, திருச்சி, கோவை வளாகங்களில் இதுபற்றி விசாரணை நடத்தியிருக்கிறது அண்ணா பல்கலைக்கழகம். முதலில் திருத்தப்பட்ட விடைத்தாள்களின் மதிப்பெண்களுக்கும், மறுமதிப்பீடு செய்யப்பட்ட மதிப்பெண்களுக்கும் பெரும் வேறுபாடு இருந்துள்ளது. இதுதொடர்பாக, 1,169 பேராசிரியர்களிடம் நடத்தப்பட்ட விசாரணையில், பல்கலைக்கழகத்தின் நடவடிக்கைகளிலிருந்து 99 பேர் மட்டுமே தப்பியுள்ளனர். `விதிமுறைகளின்படி திருத்தவில்லை. தங்களது கடமைகளையும் பொறுப்புகளையும் பின்பற்றத் தவறிவிட்டனர்’ என்று மற்றவர்களைக் கண்டித்துள்ளது விசாரணைக் குழு.

ஒட்டுமொத்த விகடனுக்கும் ஒரே ஷார்ட்கட்!

தப்பாக மார்க் போட்ட 1,070 பேராசிரியர்கள்!

தொகுப்பு: ம.குணவதி, இன்ஃபோகிராஃபிக்ஸ்: எம்.மகேஷ்

இவர்களைத் தேர்வு தொடர்பான பணிகளிலிருந்து தகுதிநீக்கம் செய்துள்ளது பல்கலைக்கழகம். ‘மறுமதிப்பீட்டில் 21-30 மதிப்பெண்கள் வேறுபட்டால் ஓர் ஆண்டு தகுதிநீக்கம், 31-40 மதிப்பெண்கள் வேறுபட்டால் 2 ஆண்டுகள் தகுதிநீக்கம், 40 மதிப்பெண்களுக்கு மேல் வேறுபட்டால் 3 ஆண்டு தகுதிநீக்கம்’ என நடவடிக்கை எடுக்கப்பட்டுள்ளது. இந்த நிலையில், ‘‘மறுமதிப்பீட்டுக்காக அண்ணா பல்கலைக்கழகம் அதிகமான பணத்தை மாணவர்களிடமிருந்து வசூலித்திருக் கிறது. இந்தக் குறையைச் சரிசெய்யவே இந்த நடவடிக்கை’’ என உயர்கல்வித் துறைச் செயலாளரும் பல்கலைக்கழகத்தின் கன்வீனர் கமிட்டியின் தலைவருமான சுனில் பாலிவால் கூறியுள்ளார்.

‘எப்படித் திருத்த வேண்டும்’ என விடைத்தாள் திருத்தும் பணியின் முதல் நாளன்று விளக்கம் தரப்படும். இதற்கு நிறைய பேராசிரியர்கள் வருவதே இல்லையாம். சில கல்லூரிகள், பல்கலைக்கழகம் கேட்கும் சீனியர் பேராசிரியர் களை அனுப்புவதில்லை; அவர்களுக்குப் பதிலாக புதிதாக வந்தவர்களை விடைத்தாள் திருத்தும் பணிக்கு மாற்றி அனுப்புவதை வழக்கமாக வைத்துள்ளன. ‘சரியான விடை எது’ என்பதைக் குறிக்கும் ‘ஆன்ஸ்வர் கீ’ இல்லாமலேயே நிறைய பேர் மார்க் போட்டுள்ளனர். பல பேராசிரியர்கள் தங்களுக்குத் தொடர்பே இல்லாத வேறு பாடத்தின் விடைத்தாள்களைத் திருத்தியுள்ளனர். விசாரணையில் இதெல்லாம் தெரிந்து அதிர்ந்து போயிருக்கிறது பல்கலைக்கழக நிர்வாகம். 

‘‘ஒரு நாளைக்கு 50 விடைத்தாள்களை ஓர் ஆசிரியர் மதிப்பீடு செய்யமுடியும். இதற்கு ஆயிரம் ரூபாய் சம்பளம். `ஐந்தாண்டுகள் அனுபவம் உள்ளவர்கள்தான் விடைத்தாள் திருத்தவேண்டும்’ என்று இருந்த விதியை, மூன்றாண்டுகள் அனுபவமே போதும் என்று மாற்றிய பிறகுதான் குளறுபடிகள் அதிகரித்துள்ளன’’ என்கிறார் ஒரு மாணவர்.

அண்ணா பல்கலைக்கழகத்தின் தேர்வுத்துறைக் கட்டுப்பாட்டாளர் ஜி.வி.உமாவிடம் இதுபற்றிப் பேசினோம். ‘‘சுமார் 15,000 பேராசிரியர்கள் இந்த ஆண்டு விடைத்தாள் மதிப்பீட்டுப் பணிகளைச் செய்தனர். ரிசல்ட் வெளியான பிறகு, 2.5 லட்சம் விடைத்தாள்களை மறுமதிப்பீடு செய்ய மாணவர்கள் விண்ணப்பித் திருந்தனர். இவற்றில் 50 ஆயிரம் விடைத்தாள்களின் மதிப்பெண் களில் மாற்றம் நிகழ்ந்திருக்கின்றன. மாணவர்களின் நலனைக் கருதியே, தவறாக மதிப்பெண் வழங்கிய பேராசிரியர்கள்மீது நடவடிக்கை எடுத்தோம். வரும் கல்வியாண்டு களிலும் நடவடிக்கை தொடரும். இதனால் பேராசிரியர்களுக்கு எச்சரிக்கை உணர்வும், பொறுப்புணர்வும் அதிகரித்திருக் கின்றன’’ என்றார்.

தப்பாக மார்க் போட்ட 1,070 பேராசிரியர்கள்!

விடைத்தாள்களை அந்தந்த துறைப் பேராசிரியர்கள் திருத்துவதில்லை என்ற குற்றச்சாட்டைச் சொன்னோம். ‘‘இங்கு அப்படி எதுவும் நடக்கவில்லை. எலெக்டிவ் அல்லது ஆன்சிலரி எனப்படும் துணைப்பாடங்கள், பல துறைகளுக்குப் (மெக்கானிக்கல், சிவில், கம்யூட்டர் சயின்ஸ்) பொதுவானதாக இருக்கும். அந்தப் பாடங்களுக்கு மட்டுமே, அந்தந்த பேராசிரியர்களால் மற்ற துறைகளின் விடைத்தாள்களும் திருத்தப்படுகின்றன. வரும் கல்வியாண்டு முதல், குறிப்பிட்ட பாடங்களைக் கற்பித்த பேராசிரியர்கள் மட்டுமே, தொடர்புடைய விடைத்தாள்களைத் திருத்தும் முறையையும் கொண்டு வருகிறோம்’’ என்றார் அவர்.

மாணவர்களின் எதிர்காலத்தை இருட்டாகும் இந்த விபரீத விளையாட்டு இனியும் தொடரக்கூடாது!

-  ம.குணவதி