Published:Updated:

“தட்டிக் கொடுத்தா... ஜெயிச்சுக் காட்டுவோம்!”

“தட்டிக் கொடுத்தா... ஜெயிச்சுக் காட்டுவோம்!”
பிரீமியம் ஸ்டோரி
“தட்டிக் கொடுத்தா... ஜெயிச்சுக் காட்டுவோம்!”

திருநங்கை மருத்துவ மாணவி

“தட்டிக் கொடுத்தா... ஜெயிச்சுக் காட்டுவோம்!”

திருநங்கை மருத்துவ மாணவி

Published:Updated:
“தட்டிக் கொடுத்தா... ஜெயிச்சுக் காட்டுவோம்!”
பிரீமியம் ஸ்டோரி
“தட்டிக் கொடுத்தா... ஜெயிச்சுக் காட்டுவோம்!”

“ஆயிரம் துயரங்களைக் கடந்துவந்தாலும், இப்போ நான் ‘இந்தியாவின் முதல் திருநங்கை மருத்துவ மாணவி’ என்ற சாதனையை எட்டியிருக்கிறேன். மகிழ்ச்சி. இது சக மாற்றுப் பாலினத்தவர்களுக்கு நம்பிக்கை கொடுத்திருக்கிறது” என்று உற்சாகம் பொங்கப் பேசுகிறார் தாரிகா பானு.

 தூத்துக்குடி மாவட்டத்தில் ஓலக்குடியைச் சேர்ந்தவர் தாரிகா பானு. ப்ளஸ் டூ-வில் தேர்ச்சிபெற்று இப்போது சித்த மருத்துவக் கல்லூரியில் படித்துவருகிறார்.

“தட்டிக் கொடுத்தா... ஜெயிச்சுக் காட்டுவோம்!”

“எனக்கு மூணு அண்ணனுங்க. வளர வளர நான் பொண்ணு மாதிரி நடந்துக்குறேன்னு சொல்லி, அண்ணனுங்க என்னை அடிப்பாங்க. அதனால, 19 வயசுல ஊரைவிட்டு ஓடிவந்துட்டேன். கிரேஸ் பானு அம்மாதான் என்னை அரவணைச்சுக்கிட்டாங்க. அறுவை சிகிச்சை முடிஞ்சு, நான் படிக்க ஆசைப்பட்டப்போ, அம்மா என்னைக் கூட்டிக்கிட்டு ஒவ்வொரு பள்ளியா ஏறி இறங்கினாங்க. ஆனா, எந்தப் பள்ளியிலும் என்னைச் சேர்த்துக்கலை. அம்பத்தூர்ல ஒரு பெண்கள் பள்ளியில இடம் கேட்டோம். ‘இது பெண்கள் பள்ளி... இடம் தர முடியாது’னு சொல்லிட்டாங்க. தர்ணா போராட்டம் செஞ்சுதான் ஒருவழியா சீட் பெற்றோம். வகுப்பில் மாணவிகள் எல்லோருமே என்னை ஒரு பெண்ணா, தோழியா ஏத்துக்கிட்டாங்க.

ப்ளஸ் டூ-வில் தேர்ச்சி பெற்றதும், சித்த மருத்துவம் படிக்க விரும்பினேன். அதுக்கான விண்ணப்பத்தில், பாலினத்தில் ஆண், பெண் என ரெண்டு சாய்ஸ்கள் மட்டுமே இருந்தன. ‘திருநங்கை’னு நானே எழுதி, அதை டிக் செய்து சமர்ப்பித்தேன். ஆனா, நிராகரிச்சுட்டாங்க. நான், சென்னை உயர் நீதிமன்றத்தை நாடினேன். ‘மாற்றுத்திறனாளிகளுக்கு இட ஒதுக்கீடு வழங்குவதைப்போல, மாற்றுப் பாலினத்தவர்களுக்கும் கல்வி மற்றும் வேலைவாய்ப்பில் இட ஒதுக்கீடு வழங்க வேண்டும்’ என்ற உச்ச நீதிமன்றப் பரிந்துரையைச் சுட்டிக்காட்டிய நீதிபதி கிருபாகரன், எனக்கு இடம் கொடுக்குமாறு உத்தரவிட்டார்.

ஒட்டுமொத்த விகடனுக்கும் ஒரே ஷார்ட்கட்!

“தட்டிக் கொடுத்தா... ஜெயிச்சுக் காட்டுவோம்!”

இந்தத் தீர்ப்பு, எதிர்காலத்தின்மீது நம்பிக்கை கொடுத்திருக்கு. ஆனா, ஒவ்வொரு திருநங்கையும் இப்படி கோர்ட்டுப் படி ஏறி இறங்க முடியுமா? அதற்கான ஆதரவு, வசதி எத்தனை திருநங்கைகளுக்கு கிடைக்கும்? அதனால, இந்தத் தீர்ப்புக்கு பிறகாவது, திருநங்கைகளுக்கான இடஒதுக்கீடு வழங்கப்படணும்.  தட்டிக்கொடுத்தா, நிச்சயம் வாழ்க்கையில் ஜெயிச்சுக் காட்டுவோம். என் அம்மா கிரேஸ் பானு, என் வகுப்பு ஆசிரியர் செல்வம், என்னோட பள்ளி ஆசிரியர்கள், தோழிகள், இந்த வழக்குக்காக வாதாடிய வழக்கறிஞர் சஜீவ் குமார் உள்பட எல்லோருக்கும் என் நன்றிகள். படிப்பை முடித்தவுடன் மருத்துவத்தை ஏழைகளுக்குச் சேவையாகச் செய்வேன்’’ என்கிறார் தாரிகா பானு.

வெற்றிப் பாதையில் பயணிக்க வாழ்த்துகள் தோழி!

- ரமணி மோகனகிருஷ்ணன்
   படம்: ப.பிரியங்கா