Published:Updated:

நெருங்கும் தூரத்தில் ஹார்வர்டு தமிழ் இருக்கை!

நெருங்கும் தூரத்தில் ஹார்வர்டு தமிழ் இருக்கை!
பிரீமியம் ஸ்டோரி
நெருங்கும் தூரத்தில் ஹார்வர்டு தமிழ் இருக்கை!

நெருங்கும் தூரத்தில் ஹார்வர்டு தமிழ் இருக்கை!

நெருங்கும் தூரத்தில் ஹார்வர்டு தமிழ் இருக்கை!

நெருங்கும் தூரத்தில் ஹார்வர்டு தமிழ் இருக்கை!

Published:Updated:
நெருங்கும் தூரத்தில் ஹார்வர்டு தமிழ் இருக்கை!
பிரீமியம் ஸ்டோரி
நெருங்கும் தூரத்தில் ஹார்வர்டு தமிழ் இருக்கை!

ஹார்வர்டு தமிழ் இருக்கை அமைக்கும் முயற்சியில், அமெரிக்கவாழ் தமிழ்ச் சமூகத்தினர் பம்பரமாகச் சுழன்றுவருகின்றனர். அமெரிக்காவின் பிரபல ஹார்வர்டு பல்கலைக்கழகத்தில் உள்ள தென்கிழக்காசியக் கற்கைத் துறையில், உலக அளவிலான செம்மொழிகளான  கிரேக்கம், லத்தீன், ஹீப்ரு உள்ளிட்ட மொழிகளுக்குத் தனித்தனி இருக்கைகள் உள்ளன. செம்மொழி தமிழுக்கும் இருக்கை அமைப்பதற்கு 60 லட்சம் அமெரிக்க டாலர் (சுமார் ரூ.40 கோடி) திரட்டுவது எனும் இலக்கில், அண்மை நிலவரப்படி ஏறக்குறைய ரூ.30 கோடி சேர்ந்துள்ளது. ரூ.3 கோடிக்கான உறுதிப்பாடு கிடைத்துள்ளது. மீதம் ரூ.7 கோடியைத் திரட்டவேண்டும். மொத்தம் 3,612 பேர் நன்கொடை வழங்கியுள்ளனர்.

நெருங்கும் தூரத்தில் ஹார்வர்டு தமிழ் இருக்கை!

இந்த முயற்சியில், தமிழர்களின் பங்களிப்பு இருக்கவேண்டும் என்பதற்காக தமிழ்நாட்டுக்கு வந்து பல தலைவர்களையும் சந்தித்துப் பேசினார், டெக்சாஸ் மாகாணத்தின் டல்லஸ் நகர மெட்ரோப்ளக்ஸ் தமிழ்ச் சங்கத்தின் தலைவர், கால்டுவெல் வேள்நம்பி.

அவரைச் சந்தித்தோம். சொந்த மண்ணின் சாரத்தோடும் வேரை மறக்காத ஈரத்தோடும் ஆங்கிலம் கலக்காமல் இயல்பான தனித்தமிழில் பேசினார். ‘‘ஹார்வர்டு தமிழ் இருக்கைக்கான முதல் நன்கொடையை மருத்துவர்கள் திருஞானசம்பந்தம், நாவலர் நெடுஞ்செழியனின் தம்பி மகன் மருத்துவர் ஜானகி ராமன் ஆகியோர் அளித்தனர். அவர்களின் முன்முயற்சியை மறக்க முடியாது. மருத்துவர்களான தன் பிள்ளைகளையும் தமிழ் இருக்கைக்காக நன்கொடை அளிக்கச் செய்துள்ளார், ஜானகிராமன். பால்பாண்டியன், தசாவதானி ஆறுமுகம் பிள்ளையின் பேரன் முனைவர் ஆறுமுகம் ஆகியோரின் பங்கும் பணியும் முக்கியமானவை. 2016 டிசம்பர் மாதத்தில் டல்லஸில் உள்ள 13 தமிழ்ப் பள்ளிகள் சேர்ந்து ஓர் ஒன்றுகூடலை நடத்தினோம். அதில் திரண்ட ஐந்து லட்சம் டாலர் தொகையைத் தமிழ் இருக்கைக்காக வழங்கினோம். அறக்கட்டளை நன்கொடை நிகழ்ச்சிக்காக அமெரிக்கா வந்த நடிகர் சூர்யா, 10 லட்ச ரூபாய் வழங்குவதாக அறிவித்தார். கமல்ஹாசன், 20 லட்சம் ரூபாய் வழங்கினார். ஜி.வி.பிரகாஷ், விஷால் ஆகியோரும் நன்கொடையை அறிவித்தனர்.

ஒட்டுமொத்த விகடனுக்கும் ஒரே ஷார்ட்கட்!

நெருங்கும் தூரத்தில் ஹார்வர்டு தமிழ் இருக்கை!

செப்டம்பர் மாதம் தமிழக முதலமைச்சர் பழனிசாமியைச் சந்தித்து ‘தமிழ் இருக்கைக்கு தமிழக அரசு ஆதரவு தேவை’ என்று கூறினேன். தமிழக அரசின் சார்பில் ரூ.9.75 கோடி நன்கொடை அறிவிக்கப்பட்டது. தி.க தலைவர் கி.வீரமணி, தன் பிறந்தநாள் விழாவின்போது, தமிழ் இருக்கைக்கு ஐந்து லட்ச ரூபாய் வழங்குவதாக அறிவித்தார். பா.ம.க நிறுவனர் ராமதாஸை, தைலாபுரம் தோட்டத்துக்குச் சென்று சந்தித்தேன். ஊக்கம் தரும் வகையில் பேசினார்.

எதிர்க்கட்சித் தலைவர் மு.க.ஸ்டாலினைச் சந்தித்த போது, தி.மு.க-வின் சார்பில் பெரிய தொகையைத் தருவதாகக் கூறினார். மகிழ்ச்சியாக இருந்தது. மொத்த நிதியான ரூ. 40 கோடி விரைவில் எட்டப்பட்டுவிடும்’’ என்று நம்பிக்கை தெரிவித்தார்.

- இரா.தமிழ்க்கனல்
படம்: க.பாலாஜி