Published:Updated:

சொல் புதிது - கவிதைகள்

சொல்  புதிது - கவிதைகள்
பிரீமியம் ஸ்டோரி
சொல் புதிது - கவிதைகள்

கவிதை: விஷ்ணுபுரம் சரவணன், படம்: சசிகுமார்

சொல் புதிது - கவிதைகள்

கவிதை: விஷ்ணுபுரம் சரவணன், படம்: சசிகுமார்

Published:Updated:
சொல்  புதிது - கவிதைகள்
பிரீமியம் ஸ்டோரி
சொல் புதிது - கவிதைகள்

‘ச்ச்சொத்’ எனும் சொல்லை
கண்டறிந்ததிலிருந்து தொடங்கிற்று அக்குழந்தையின் நாள்!

செல்லம் கொஞ்சும் பொம்மையின்
முகத்தருகே சொல்கிறது அச்சொல்லை
முட முடவென விடைக்கின்றன பொம்மையின் காதுமடல்கள்

சிறுபொழுதைக் கழிக்க
யானையில்* உறங்க வைக்க முயலுகையில்
குழந்தையின் தொப்புள் வரை வந்துவந்து சென்ற
கூரைப் பொத்தல் சூரிய வட்டத்திடம்
தன் மென்னுதடுகளின் அசைவின் நுண்ணோசையில் பகிர்கிறது அச்சொல்லை
கூடவே
தான் கண் விழிக்கும் வரை அச்சொல்லைப் பாதுக்காக்கக்கோரியும்

சொல்  புதிது - கவிதைகள்

சிரிப்பும் சுளிப்பும் அழுகைக்கான முன் நொடியும் என
பாவனைகள் முடிந்து
கண்விழித்து
வலப்புறத்தில் தலை சாய்த்து இடப்புற மூலையில்
தாயையும் அச்சொல்லையும் தேட
இரண்டும் இல்லை

சிணுங்கலொலி கேட்டு
அம்மா வந்துவிட
வீடெங்கும் தேடியும் சூரியப் பொட்டைக் காணவில்லை
அதனோடு அச்சொல்லையும்

பொம்மை
‘ட்ட்ட்டொட்’ எனக் கற்றுக்கொடுக்க
அச்சொல்லோடு மீண்டும் தொடங்குகிறது
குழந்தையின் சூரியன் மறைந்த பொழுது.
 

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism