Published:Updated:

ஏவி.எம் - மின் கதை!

ஏவி.எம் - மின் கதை!
பிரீமியம் ஸ்டோரி
ஏவி.எம் - மின் கதை!

தமிழ்மகன்

ஏவி.எம் - மின் கதை!

தமிழ்மகன்

Published:Updated:
ஏவி.எம் - மின் கதை!
பிரீமியம் ஸ்டோரி
ஏவி.எம் - மின் கதை!

‘அப்பச்சி’, ‘மனதில் நிற்கும் மனிதர்கள்’, ‘ஏவி.எம். 60 சினிமா’ போன்ற பல நூல்களை எழுதியவர் ஏவி.எம்.சரவணன். ஏவி.எம். நிறுவனத்தோடு தொடர்புடைய பல்வேறு திரையுலகச் செய்திகள் அவற்றுள் கொட்டிக்கிடக்கும். ‘நானும் சினிமாவும்’ என்ற தலைப்பில் தினத்தந்தியில் அவர் எழுதி இப்போது வெளிவந்திருக்கும் நூலும் பல சுவாரஸ்யமான செய்திகளை உள்ளடக்கியுள்ளது.

சுவையான பல நிகழ்வுகளுக்கு ஓர் உதாரணம் கமல்ஹாசன் ‘களத்தூர் கண்ணம்மா’வில் அறிமுகப்படுத்தப்பட்ட விதத்தை சரவணன் அழகாக விவரிக்கும் பகுதி.

ஏவி.எம் - மின் கதை!

ஒருநாள் மெய்யப்பச் செட்டியாரின் மனைவி ராஜேஸ்வரியைப் பார்க்க டாக்டர் சாரா வருகிறார். அவருடன் ஒரு சிறுவனும் வந்து அமர்ந்திருக்கிறான். அவனுக்குச் சினிமாவில் நடிக்க வேண்டும் என்ற ஆர்வம். இன்னும் மெய்யப்ப செட்டியாரைத் தனக்கு அறிமுகப்படுத்தவில்லை என்ற கோபத்தில் கன்னத்தில் கைவைத்து சோகமாக அமர்ந்திருக்கிறான். மாடியில் உறங்கிக்கொண்டிருந்த செட்டியார், பெல் அடிக்கிறார். அந்த பெல்லுக்கு அர்த்தம் காபி கொண்டுவர வேண்டும் என்பது. அந்த நேரத்தைப் பயன்படுத்தி, சரவணன், அந்தச் சிறுவனை மாடிக்கு அழைத்துச் செல்கிறார். செட்டியாருக்கு ஒரு வினோதப் பழக்கம். டேபிள் லைட்டை, சீலிங் பக்கம் திருப்பி வைத்து அந்த ரிஃபெளக்‌ஷனில்தான் அறையில் இருப்பார். இதமான வெளிச்சமாக இருக்கும் என்பதற்காக அப்படி வைப்பார்.

‘‘நல்லா நடிப்பியா?’’ எனக் கேட்டுவிட்டு, லைட்டை கமல் முகத்துக்குத் திருப்புகிறார். ‘கமல் முகத்தில் விழுந்த முதல் வெளிச்சம்’ என எழுதுகிறார் சரவணன். இதேபோல் சர்.சி.வி.ராமன் ஏவி.எம்.ஸ்டூடியோ வந்தபோது, ‘யார் இவர், என் ரசிகரா?’ என்று எம்.என்.ராஜம் கேட்டது, வாங்கிய கடனை அடைப்பதற்காக ‘ராமு’ படத்துக்குப் பாட்டெழுத வந்த கண்ணதாசன் சன்மானம் வாங்கிக்கொண்டது என்று பல சுவையான சம்பவங்கள் உள்ளன.

175 திரைப்படங்கள், ஐந்து முதல்வர்கள், இப்போது அரசியல் களத்தில் குதித்திருக்கும் கமல், ரஜினி போன்ற சினிமா ஆளுமைகள் என அனைவருடனும் அன்பான உறவை ஏவி.எம் தொடர்வது மகத்தானது. ஆயிரம் சாதனைகளுக்குப் பின்னும் அமைதியாகக் கைகட்டி நிற்கும் சரவணனின் பக்குவம், பெருந்தன்மை எல்லாமும் அதில் இருக்கிறது.

நானும் சினிமாவும்  ஏவி.எம். சரவணன்

தினத்தந்தி பதிப்பகம், ஈ.வே.கி. சம்பத் சாலை, சென்னை -7. ரூ.250/-

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism