Published:Updated:

அபார்ஷனில் நழுவிய காரிகை - ஷக்தி

அபார்ஷனில் நழுவிய காரிகை - ஷக்தி
பிரீமியம் ஸ்டோரி
அபார்ஷனில் நழுவிய காரிகை - ஷக்தி

ஓவியம் : ரமணன்

அபார்ஷனில் நழுவிய காரிகை - ஷக்தி

ஓவியம் : ரமணன்

Published:Updated:
அபார்ஷனில் நழுவிய காரிகை - ஷக்தி
பிரீமியம் ஸ்டோரி
அபார்ஷனில் நழுவிய காரிகை - ஷக்தி

ன் கருப்பை கருக்கொள்வதற்கென சில விதிகளைப் பின்பற்றுகிறது
நான் செய்தவை யாவும் சின்னஞ்சிறியவை, பெருஞ்சினம் ஆனால் அதற்கு
நார்க்கட்டிகள் களைந்து காலந்தாழ்ந்து கருவுற்ற பின்
பெண் மகவு வெறுத்து, அவன் செய்யவைத்த திசுச்சுரண்டலால் மட்டுமே
கருப்பையின் கழுத்து வழுவிழந்து துவண்டதிலிருந்து (அதன் விதிகள் அப்படித்தான்)
கருவை சிதைவெய்தச் செய்து புலப்படாத உயிருக்குப் பாதகஞ்செய்தவள்
ஐயமின்றி அது எனக்கொரு கொல்லாக்கொலை, அவனுக்கு எதுவும் தோன்றுவதில்லை
கணங்களில் விசைமிகும் உணர்வுபூர்வ மனஅழுத்தங்கள் வழி அதை மீள உணர்கிறேன்.

அபார்ஷனில் நழுவிய காரிகை - ஷக்தி

தனிமைநிலைப் பொழுதுகளில் நான் அதை ஏசத் தொடங்கினேன்
அது ஒரு வியாதிபோல, இல்லை சடங்குபோல தோன்றிற்று எனக்கு
மெள்ளத் தொடங்கி பின் அதிகரித்து வேகமாகக் கட்டிகளாகப் போகும் உதிரத்தையும்
இரு மணிக்கொருமுறை களைய வேண்டிய சானிட்டரி துன்பங்களை
சிதைவுறாமல் கருவறையில் தங்கிய திசுக்களால் மிகும் அடிவயிற்று அவதிகளையும்
குழந்தைப் பிராயத்துக் கெஞ்சலைப்போல, கோபங்களாலும் மட்டுமே ஏசுகிறேன்
இந்த வாழ்வெப்படியோ அதன் மூர்க்கங்களும் அப்படியே எல்லையற்றது
ரப்பர் கையுறைக் கைகள், துப்புரவு மென்நீல அங்கி அணிந்த மருத்துவர்கள்
ஆயிரம் வர்ண ஒளித்திரையில் கனவுகளில் செயற்கையாக மெலிதாகச் சிரிக்கிறார்கள்.

மிச்சமாய் ஆற்றாமை மிகுந்த இரவில், உருமாறாத அதே கலவி முற்றுபெற்ற இரவில்
முப்பத்தியேழு வாரங்கள் மட்டுமே ஒத்துழைப்பேன் என்றது
வலுவற்ற நான் ஒவ்வொரு தாம்பத்யத்திலும் விருப்பமின்றிக் கூடித் தளர்கிறேன்
இப்போது எந்த ரத்தப்போக்கும் இல்லாத மூன்று மாதங்கள் கடந்த இரவில்
மனம் ஆறிற்றா என்றது
மகள்தான் வேண்டும் என்கிறேன், மகிழ்வாகத் தன் வாயினை இருக மூடிக்கொண்டது
நான்கு முறை சிதைந்த கனவு அவன் முகவாயில் உணர்கொம்புகளாகத் துலாவுகிறது
அந்நீட்சிகளுக்கு எதிர்மாறாக சூழ்கொண்ட என் வயிற்றுக் காரிகை மகவும்.