சொல்வனம்

வனம் உருவாக்குதல்

இ ரையை அலகுகளால் நழுவவிட்டபடி பறந்து செல்லும் பறவைகள் சத்தமில்லாமல் சந்ததிகளுக்கான ஒரு வனத்தை உருவாக்குகின்றன.

- பிரபு

. பதில் விளக்கு

எ னது நிறுத்தம் வந்துவிட்டது. மேல்மூச்சு வாங்குகிறது. அடுத்த அடியின் தாகத்தோடு பாதங்கள் வழியோடு விழுந்துவிட்டன. எங்கேதான் முடியவிருக்கிறதோ இந்தப் பாதை. வரும் வழியில் சற்றுமுன்தான் பார்த்தேன் சொல்லாமல்போன வார்த்தைகளின் சாயலாய் புரண்டு கிடக்கின்றன உன்மீது கேந்திப் பூக்கள். சரி போகட்டும், உனது மாடத்தில் கடைசிச் சொட்டில் பரிதவிக்கும் அகல்விளக்கின் பாஷைகளை எனது `ம்’ எனும் பதிலாகப் புரிந்து, இன்னும் நிம்மதியாய்த் தூங்கு.

- இயற்கைசிவம்

. அரண்

கோ யில், கல்யாண மண்டபம், மருத்துவமனை இப்படி வெளியே கழற்றிவிட்டுப் போகும் எல்லா இடங்களிலும் அம்மாவின் பெரிய காலணிக்குள் பத்திரமாய் ஒளிந்துகொள்கிறது உடன் செல்லும் குழந்தையின் பிஞ்சுப் பாதங்கள்!

- பழ.அசோக்குமார்

. குறியீடு!

வீ ட்டுவாசலில் குழந்தை போட்ட கோலத்தை அழித்து விரைகிறது துரிதமாய்ச் செல்ல குடியிருப்புகள் தெருவில் நுழைந்த பள்ளிப் பேருந்து ஒன்று!

- ப்ரணா

. ஜங்கிள் புக்

யா னையும் அங்குசமில்லாமல் அடங்கிக்கிடக்கிறது அங்கோர் ஒரமாய்... வெறி நாயும் கடி வாங்கி ஓடி ஒளிகிறது பீரோவிற்குப் பின்னே... சிங்கத்தின் பல்லுக்கும் வைத்தியம் பார்க்கப்பட்டுகிறது சாப்பாடு மேஜை மேலே... புலியின் தோலும் நிறம் மாற்றப்பட்டு பதுங்கிக்கொண்டிருக்கிறது பூனையைப்போலவே... கரடி மட்டுமே பிடித்ததாய் பக்கத்தில் படுத்துறங்குகிறது கட்டிலின் மேலே... பூனைக்குட்டி இப்படியும் அப்படியும் நடமாடுகிறது பேசும் தோழனாய் கூடவே... குழந்தைகள் இருக்கும் ஒவ்வொரு வீடும் இப்பொம்மைகளைக்கொண்ட ஜங்கிள் புக்காகவே மாறி விடுகிறது எப்பொழுதுமே...

- கௌந்தி மு

சொல்வனம்

Vikatan Correspondent