Published:Updated:

ஞாலம் பேணும் நற்றாய் - கவிதை

ஞாலம் பேணும் நற்றாய் - கவிதை
பிரீமியம் ஸ்டோரி
ஞாலம் பேணும் நற்றாய் - கவிதை

ஞாலம் பேணும் நற்றாய் - கவிதை

ஞாலம் பேணும் நற்றாய் - கவிதை

ஞாலம் பேணும் நற்றாய் - கவிதை

Published:Updated:
ஞாலம் பேணும் நற்றாய் - கவிதை
பிரீமியம் ஸ்டோரி
ஞாலம் பேணும் நற்றாய் - கவிதை

க்கரையூரில்
தலைவியை விட்டுப்பிரிந்தோன் எனினும்
திரும்பும் வழியில்
பெருகியோடும் ஆற்றைக் “காய்” என்று கூறான்.
வெள்ளம் வடியும்வரை
நிலவே துணையாகக் காத்திருப்பான்.
எம் வல்விதியோ பிழையோ
நீரோடாத ஆற்றை நெடுநாள்கள்
கண்டிருந்தோம்.
இன்றதன் கரையுடைக்கும்
நீர்ப்பெருக்கைக் காண்கையில்
கண்கள் போதவில்லை.
பாலத்தின்மீது நின்று பரவயப்பட்டபடி
வெள்ளப்புரள்வின் குழுக்குரலை
இப்போதுதான் கேட்கிறோம்.
ஆற்று வெள்ளம் என்பது
ஆயிரம் உயிர்ப்புகளின் கண்மலர்தல்.
வேர்நீர் தீண்டி உயிர்க்கும்
நூறு கால்வாய்களின் கரைப்பூக்கள்.
ஆற்று மணலடியில்
உதடு தொட்டு நீண்டிருக்கும்
நிலத்தடி நீர்க்கால்கள்.
ஆற்று நீர் வயல்கள்தாம்
எங்கோ தொலைவிலுள்ள
தானியக் கிடங்குகளை நிறைக்கும்.
அக்கிடங்கின் துருக்கதவுகள் முன்னே

ஞாலம் பேணும் நற்றாய் - கவிதை

முனையலகு மின்ன அமர்ந்திருக்கும் குருவிக்கு
இரண்டு மணிகள் உண்ணக் கிடைக்கும்.
நீரோடும் ஆற்று வானத்தில்
அங்கிங்கெனாதபடி எங்கெங்கும் புட்கள்.
நடுநீர்த் திட்டில்
தலையுலர்த்தும் புதுமணப்பெண்ணாய்ச்
சிறகுலர்த்தும் புதுப்புதுக் கொக்கினங்கள்.
முழுகியெழும் நீர்க்கோழி வகைகள்.
தம்முன்னே
பச்சைப்பசேல் என விளைந்திருப்பவை யாவும்
தமக்கே தீவனம் என்னும் மகிழ்ச்சியில் 
ஆவினங்களின் மடிபொங்கும் பாற்சுரப்பு.
மூத்தவள் படிப்பு முடித்ததும்
தோட்டச்சாளையைப் பிரித்து
வீடு கட்டும் கனவில் விளைநிலத்தோன்.
அந்தக் காட்டுக்குக் கரும்பு வெட்ட
இந்தக் காட்டுக்கு நாற்றூன்ற என்று
பெண்டிர்க்கு நேர நெருக்கடி. 
ஆற்று வெள்ளமென்னும்
ஒரு மருந்தில் தீரும் பன்னூறு நோய்
ஒரு குடையில் பரவும் உலக நிழல் 
ஒரு தாயால் வாழும் மாயிறு ஞாலம்.    

ஒட்டுமொத்த விகடனுக்கும் ஒரே ஷார்ட்கட்!

- மகுடேசுவரன் ஓவியம்: மனோகர்
 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism