Published:Updated:

ஊமை வலி

ஊமை வலி
பிரீமியம் ஸ்டோரி
News
ஊமை வலி

ரவிசுப்பிரமணியன் ஓவியம் : மணிவண்ணன்

நிலைகுலைய வைத்ததை உணர்ந்ததுமே
சிதைந்து குமுறும்படி நேர்ந்துவிட்டது
நள்ளிரவில் விழுந்த எரிகல்லாய்
என் மேல் அது விழ
உடைந்து சிதறினேன்
திகிலின் கத்தி
உயிர் செருக திக்பிரமை
எப்போது நினைத்தாலும்
கோட்டான்களாய் அலறி
வானம் அதிரும்
ஆயிரம் கால்கள் கொண்ட
கம்பளிப்பூச்சாய் ஊரும்
அகக்காம்பெங்கும்
பால்கட்டித்தெறிக்கும் வலிகள்
வனாந்திரத்தனிமையில்
விபத்துக்குள்ளானவள் போல்
சீர்குலைந்த கணங்களில் துடித்துத் திமிறியதை
உதறி உதறி அழுதது ஞாபகம்
மகிழ்வின் தருணங்களிலும்
பீதியாய் மோதி எதிரொலிக்கும்
துர்கனவின் திடுக்கிடல்
நிழலாய் தொடர்ந்தது
என் தோல்வி ஏதுமில்லையென்றபோதும்
அப்படி உணர்ந்தபடியேயிருந்திருக்கிறேன்

ஊமை வலி

விதியின் பெயரால்
ரகசியம் காத்துநின்றேன்
எனக்கான சமிக்ஞை மின்மினியின் ஒளிதெரியும்
கணம் விடிய இவ்வளவு காலமாயிற்று
கட்டுண்ட நதி திமிறிப் பாய்கிறது
உறக்கமற்ற இரவுகளில் தளும்பிய துக்கம்
இன்றேனும் வடிந்தது

உள்ளுக்குள் சதா கேட்ட நிராதரவின் குரலுக்கு
விடுதலை தந்து சற்றேனும் மனச்சமன்கொண்டேன்
ஆனாலும் இன்னும் நீள்கின்றன
உங்கள் கேள்விகள்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz