Published:Updated:

ஸ்ரீவள்ளி கவிதைகள்

ஸ்ரீவள்ளி கவிதைகள்
பிரீமியம் ஸ்டோரி
ஸ்ரீவள்ளி கவிதைகள்

ஸ்ரீவள்ளி கவிதைகள்

ஸ்ரீவள்ளி கவிதைகள்

ஸ்ரீவள்ளி கவிதைகள்

Published:Updated:
ஸ்ரீவள்ளி கவிதைகள்
பிரீமியம் ஸ்டோரி
ஸ்ரீவள்ளி கவிதைகள்

ரோஜா 1

வ்வொரு ரோஜாவும்
மற்ற ரோஜாக்களோடு இருக்கும்போதும்
தனித்தனியாக இருக்கின்றன
ஒவ்வொரு ரோஜாவும்
காற்றில் சப்பணமிட்டு
முள்ளை ஏந்தி
உலகத்தை ஆள்கின்றன
உலகத்தைத் தம்மிடையே
பாகம்போட்டுக்கொள்ளாமல்
அதனால் சச்சரவில்லாமல்
அதனால்
ஒரு ரோஜாவின் வாசனைக்குள் நுழைந்து
இன்னொரு ரோஜாவின் வாசனை வழியாக
வெளியேறப் பார்ப்பது
நடக்காத காரியம். 

ஸ்ரீவள்ளி கவிதைகள்

ரோஜா 2

ரோ
ஜாவின் வாசனை
வாசனையின் நினைவு
இரண்டுக்குமிடையே
சிலரை நிழல்கள் காண்கின்றன
சிலருக்கோ மூச்சு முட்டுகிறது
 
ரோஜாவின் வாசனை
வாசனையின் நினைவு
இரண்டுக்குமிடையே
நீண்ட தொலைவு
அதைக் கடக்க
சில பிறவிகளாவது
தேவைப்படுகின்றன.

ரோஜா 3

ஒட்டுமொத்த விகடனுக்கும் ஒரே ஷார்ட்கட்!

ஸ்ரீவள்ளி கவிதைகள்



கு
றியீடாக இல்லாத தருணங்களின்
ரோஜாவைக் குறித்தே எழுதுகிறேன்
அது புரிபடுவதேயில்லை
அதன் இதழின் நுனியையும்
பார்க்க முடிவதில்லை
வேகமான காற்று
பின்னணிக் காட்சிகளின் அலைக்கழிப்பு
ஓராயிரம் சிதறிக் கிடக்கிறேன்
அதன் இதழின் நுனியைப் பார்க்க
ஒன்றினும் குறைவாக
ஆக வேண்டும்
ஆம், ரோஜாவைக் குறித்தும் எழுதுகிறேன்.

ரோஜா 4

ரு ரோஜா அருகே
ஆயுள் முழுதும் அமர்ந்திருந்தாலும்
தன் கதையை அது சொல்லப்போவதில்லை
அற்ப அறிவியல் பாடம் தாண்டி
அதை அறிபவர்களுமில்லை
அதைக் கொய்து சூடிக்கொண்ட
மன்னர்களைப் பற்றிய
ஆயிரமாயிரம் காவியங்களில்
ஒரு பாடலில் மட்டும்
இலேசாக முனகுகிறது
‘அது அப்படியில்லை’

ரோஜா 5

ரோஜாவுக்குள் ஒரு சுழற் படிக்கட்டு உள்ளது
நேரத்திலிருந்து
விடுபட்டவர்கள் இறங்கிச்செல்கிறார்கள் அதில்
அதோ ஒருத்தி
தன் குடையை அசைக்கிறாள்
அதோ அவளை நோக்கி
ஒருவன் படியில் கால்வைக்கிறான்
அவசரமில்லாத காதலனுக்காக
படிக்கட்டை நீவி
சமச்சீராக
மாற்றுகிறதொரு கரம். 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism