நடுவயதில்

மோ சமான உன்னை ஆக மோசமானவனாக மாற்றக்கூடியது காதல் நாற்பத்தி நான்கு வயதில் ரத்தம் தலைக்கேறி எதிராளியை நோக்கி உன்னைக் காறி உமிழவைக்கிறது எதிராளி ஒன்றும் செய்திருக்கமாட்டான் உன் காரை அவன் கார் முந்திச் சென்றிருக்கும் நிதானமாக ஹாரனில்கூட கைவைக்காமல் ஆனால், உன் கார் கண்ணாடியை இறக்கிவிட்டு அவனை நோக்கி நடுவிரலைக் காட்டுவாய் காறித் துப்புவாய் அவனால்தான் இன்றைக்கு நீ தாமதமாகப் போகிறாய் அவனால்தான் நேற்று உன் கணினியை வைரஸ் தாக்கியது அதற்கு முந்தைய தினம் உன் நெருங்கிய நண்பன் செத்தான் அவனால்தான் போன வாரம் நீ பைக்கோடு விழுந்து வாரி சில்லறை பொறுக்கினாய் அதற்கு முந்தைய வாரம் உன் பர்ஸைத் தொலைத்தாய் அவனால்தான் சென்ற மாதம் உன் காதல் உன்னைக் கைவிட்டுப்போனது அதற்கு முந்தைய மாதம் உனக்கும் உன் காதலிக்கும் அந்த மோசமான வாக்குவாதம் வந்தது அவனால்தான் போன வருடம் உன்னை நட்டாற்றில் தள்ளிய அவளைச் சந்தித்துத் தொலைத்தாய் எல்லாவற்றுக்கும் காரணம் கார்காரன்தான்

. சமயத்தில் அவன் காரிலிருந்து இறங்கி உன் முகத்தில் ஓங்கிக் குத்துவிடுகிறான் அந்தக் குத்தில் உன் தொண்டையை அடைத்துத் திரண்டிருந்த ஏதோ ஒன்று சட்டெனச் சுருங்கி வயிற்றுக்குள் இறங்கி மறைகிறது

உண்மையில் நீ அவனுக்கு நன்றி பாராட்ட வேண்டும் எதுவும் நடக்காததுபோல கைக்குட்டையால் ரத்தத்தைத் துடைத்தபடி காரைக் கிளப்புகிறாய் மருத்துவமனையில் கட்டுப்போட்டுக்கொண்டு வீட்டுக்குக் கிளம்பும் நோயாளியின் பலவீன நிலையில் ஆறுதலோடு.

விகடன் லேட்டஸ்ட்

நடுவயதில்

Vikatan Correspondent