Published:Updated:

ஒரு மாத்திரை அளவுள்ள சிறிய நிம்மதி

ஒரு மாத்திரை அளவுள்ள சிறிய நிம்மதி
பிரீமியம் ஸ்டோரி
ஒரு மாத்திரை அளவுள்ள சிறிய நிம்மதி

ஜீவன்பென்னி - ஓவியம் : மணிவண்ணன்

ஒரு மாத்திரை அளவுள்ள சிறிய நிம்மதி

ஜீவன்பென்னி - ஓவியம் : மணிவண்ணன்

Published:Updated:
ஒரு மாத்திரை அளவுள்ள சிறிய நிம்மதி
பிரீமியம் ஸ்டோரி
ஒரு மாத்திரை அளவுள்ள சிறிய நிம்மதி

ப்போதும் தேடிக்கொண்டிருக்கும் ஒரு துரோகத்தின் கறை
மிகப்பழைய வடிவத்திலே கிடைக்கின்றது
முழுவதும் நிறைந்திருப்பது மாதிரியான அதன் வாசனை
சற்றே கடக்க முடிந்திடாத ஒரு தற்கொலையில் எதையெதையோ
செய்து காண்பிக்கிறது,
அதன் எல்லா முகங்களுக்கும் பின்னாலிருக்கும் ஒரு துளி விஷத்தை
நமக்குப் பிடித்த மொழியின் ஒற்றைப் புள்ளியில்
பருகிக்கொள்ளலாம்,
அதன் இருண்மைகளைப் பேசிப்பேசியே புரிந்தும் கொள்ளலாம்.
உரையாடல்கள் நின்றுபோய்விட்ட ஓருறவில்,
மிகக் கச்சிதமாகப் பொருந்திக்கொண்டிருக்கின்றன சில விடுபடல்கள்.
சிறிய நிசப்தத்தில் விழித்துக்கொள்கிறது ஒரு தனித்த பகல்.
நிறைய்ய சேமிக்க முடிந்திடாத ஒரு கைப்பிடியளவு தானியங்கள்
பழக்கப்பட்ட இரக்கங்களைப்போல்
அவ்வெளி முழுவதும் உடல் சிதறிக் கிடக்கின்றன.
ஒரு மாத்திரை அளவுள்ள சிறிய நிம்மதியை
அவ்வளவு விருப்பமாக விழுங்கிக்கொள்வதற்கு,
எப்போதும் தேடிக்கொண்டிருக்கும் ஒரு துரோகத்தின் கறையை
எப்படியாவது பழக்க வேண்டும்
கூடுதலாக
அதன் வாசனையையும்,
அதன் மூர்க்கத்தையும்...  

ஒரு மாத்திரை அளவுள்ள சிறிய நிம்மதி

சின்ன அணைப்பில் தன்னை நிறைத்துக்கொள்கிறது மனம்
ஒவ்வொருவராக கடந்துசெல்லும் அப்பாதையில்
இப்போதெல்லாம் பகலில் தூங்குவதற்கு பழகிக்கொண்டிருக்கிற தது,
அது உணர்கிறது
அதன் துல்லியமான எல்லையின்மையை,
அதன் சுயமில்லாத கனமின்மையை,
தன்னை மிகச்சரியாக மடித்து பீங்கானின் நடுவில் மிதந்துகொள்கிறது,
தன் கதவுகளை
தன் சாளரங்களை
தன்னையே திறந்து திறந்து ஒளிகிளர்த்தி
அது இப்போதும் பிழைத்திருக்கிறது
ஓர் இசையில் பிரார்த்திக்கிறது
அதனிடம் கடவுள் இல்லை
துயரத்தின் தனிமை நிழல் இல்லை
உவர்ப்புகள் மிகுந்த அது,
ஊமையாய் உருமாற்றிக் காண்பிக்கிறது
துரோகத்தின் ஒரு துளிக் கறையை
திரும்பத் திரும்ப கொண்டுவரும் எண்ணற்ற பகல் பொழுதுகளை,
எப்போதும் தேவையாயிருக்கும்
ஒரு சிறிய வெளிறிய மாத்திரையை.

ஒரு மௌனத்தை
ஒரு இரகசிய திட்டத்தை
ஒரு அசிரத்தையை
ஒரு அநீதியின் காரணத்தை
ஒரு கடவுளை
ஒரு இயற்கையை
துரோகமென்றே அழைக்கலாம்
அவ்வாறே புரிந்தும்கொள்ளலாம்.