Published:Updated:

பொதுவியல் திணையை இனி பாடுவதில்லை

பொதுவியல் திணையை இனி பாடுவதில்லை
பிரீமியம் ஸ்டோரி
பொதுவியல் திணையை இனி பாடுவதில்லை

மௌனன் யாத்ரிகா - ஓவியம் : ரமணன்

பொதுவியல் திணையை இனி பாடுவதில்லை

மௌனன் யாத்ரிகா - ஓவியம் : ரமணன்

Published:Updated:
பொதுவியல் திணையை இனி பாடுவதில்லை
பிரீமியம் ஸ்டோரி
பொதுவியல் திணையை இனி பாடுவதில்லை
பொதுவியல் திணையை இனி பாடுவதில்லை

ணல் லாரிகளின் விளக்கு வெளிச்சம்
உறங்கும் சிற்றூர்களின் குடிசைகளைக்
கடந்துபோகும் பின்னிரவில்
கன்னி எலும்பொன்றை முத்தமிட்டுவிட்டு
சுடுகாட்டிலிருந்து திரும்பிக்கொண்டிருந்தான் கோடாங்கி.

லாகாவைத் தின்றுகொழுத்த உடல்
அசப்பில் பன்றியை நினைவுறுத்த
கோடாங்கியை எதிரில் கண்டுவிட்டு
மகிழுந்தில் போகிறான்
ஒன்றியப் பொறுப்பில் இருப்பவன்
தூய பருத்தியுடையில் சாத்தானைக் கண்டதும்
அகவனுக்கு உடம்பு சிலிர்க்கிறது.

ரில் நற்குறி தொலைந்ததென்றான் கோடாங்கி
அவன் சுவடிக்கட்டை பேய்கள் வாசித்தன
மந்திரத்தால் வாய் கட்டப்பட்ட நாய்கள்
தணிந்த குரலில் அழுவதும்
பாழடைந்த காட்டில் கூகையின் கால்கள்
காகத்தின் மூச்சை நிறுத்துவதும்
துர் நிமித்தம்.

பொதுவியல் திணையை இனி பாடுவதில்லை



டாரி கடகடகடவென ஒலியெழுப்ப
பின் தொடரும் தீய ஆவிகளை
மடைமாற்றி ஏவுகிறான் கோடாங்கி
ஆற்றில் இறங்கும் லாரி ஒன்றில்
ரத்தம் கக்கி கருகுகிறது திருஷ்டி எலுமிச்சை.

காச முனியைச் சுண்டெலியாக்கிய புலுகன் இருக்கும் தெருவில்
ஆந்தை நெடுநேரம் அலறுகிறது
காதுகளைத் தீட்டிவைத்துக்கொண்டு
உருமாவை அவிழ்த்து அவன்
மூத்திரம் பெய்கையில்
அசகாற்று அடிக்கிறது
கோடாங்கி அந்தத் தெருவின் முனையில் திரும்புகிறான்.

சுற்றுச் சுவர் மீதேறும் நிழலைக் கண்டு
காதை விடைத்து உறுமியது நாய்
அரசுப் புறம்போக்கில் கட்டப்பட்ட
பெரிய வீட்டின் மஞ்சத்தில் ரத்தக் கவுல்
முழுப் போத்தலை உள்ளுக்குள் இறக்கிய
வட்டச் செயலாளரின் தொப்பையில்
ஆவியொன்று பற்களைப் பதித்துக்கொண்டிருந்தது
கோடாங்கி அந்த வீட்டு வாசலில் நின்று
எதுவும் சொல்லாமல் சென்றான்.

க்கக்கா குருவிகள் வடக்கிலிருந்து தெற்கேகின
ஊரின் கடைசிக் குடிலுக்கு
குறி சொல்லிக்கொண்டிருந்தான் கோடாங்கி
யாருமற்ற அக்குடிலின் பரணிலிருந்து
கீழே குதித்த பூனை மியாவ் என்றபோது
முன்பனி விலகத் தொடங்கியது.

ரைவிட்டு வெளியேறியதும்
எல்லையில் சூரேறி நின்ற கோடாங்கி
உடுக்கையின் நாவை அறுத்தான்
பொதுவியல் திணையை
இனி என் உடுக்கை பாடாதென்று
உடைத்துத் தூக்கியெறிந்தான்
எவ்வழியும் நல்லவர் இல்லா
ஊரின் இருளை
அவன் திரும்பிப் பார்க்கவில்லை