Published:Updated:

கவிதை

கவிதை
பிரீமியம் ஸ்டோரி
கவிதை

என்.டி.ராஜ்குமார் - ஓவியம்: மு.சிந்துஜா

கவிதை

என்.டி.ராஜ்குமார் - ஓவியம்: மு.சிந்துஜா

Published:Updated:
கவிதை
பிரீமியம் ஸ்டோரி
கவிதை

லைமுகட்டுக் கனிகளெல்லாம்
எங்கள் மூதாதைப் பட்சியர்கள்
எனது தோலும் அம்மையப்பன் தோலும்
மரப்பட்டைகளால் ஆனவை

உரித்தெடுத்தால் நீர் கசியும்
கண்ணீர் பாலெனச் சொட்டும்
ரத்தம் கசிந்துருகும்

கண்ணெழுதிச் செப்பில்
பிடித்தடைத்த பாலப்பூ
உள்ளிருந்து பேய் முரசு அடித்தாட
அண்ணாந்து பார்த்ததந்த மகா கனிகள்

சத்துப்போன இழை ஜந்துக்கள்
நால் காலிகள்
என்னுடைய நிறமுடைய மரப்பட்டிகள்

இதழ்கள் அறுந்து தெறித்த சிறியா நங்கைகள்
தலை அறுந்த பாம்பெனக் கிடக்கும் மேகலைகள்.

கூடுபொட்டிக் கிடக்கும் செஞ்சந்தனக் கூடுகள்
சிறகுதிர்த்து அழுது புலம்பும் பறவைகள்

வேர்பிடித்து நின்ற பாறைக்குள்
காவிலம்மையின் அரவமயிர்
சர்ப்பங்களாய் நெளிந்து பறக்க

ஒரு சில்வண்டின் இரைச்சலுடன்
ஒற்றைக்காலில் தவம் செய்தபடி
மரங்களுக்குள்
சுழன்றுகொண்டிருந்தன
எனது பம்பரங்கள். 

கவிதை

ந்தச் சாத்தான் முத்தமிடச் சொன்னான்
அப்படி

கவிதை


முத்தங்களால் இந்த உலகம் பிறந்தது
முத்தங்கள் பிரபஞ்சத்தை விசாலமாக்க
பறவைகள் முத்தமிடுகின்றன
அதன் அழகிய முட்டைகள் விரிந்து
முத்தங்களாகப் பறக்கின்றன
பாலப்பூக்களின் இதழில்
தளிர்விட்டு நிற்கும்
பச்சை நிற முத்தங்களை
பேய் மனம் முத்தமிட்டு
பித்தாகப் பறந்துகொண்டிருக்க
தாகம் தீர்க்கவந்த முத்தங்களோ
படபடத்து
சாம்பல் நிற புறாக்களாகக் குமிந்து நிற்க
சிலர் புறாக்களைப்போல
அலகிற்குள் அலகு புகுத்தி
உமிழ்நீரால் முத்தமிட்டுக்கொள்ள
மடை திறந்து வரும் புதுவெள்ளம்
குளத்து நீருடன் மோதிப் புணர்ந்து
முத்தமிட்டுப் புரண்டு கிடக்க
பறந்துவந்த மனிதப் பிண்டங்களின் அலகுகள்
குளத்தைக் கொத்திக்கொண்டுபோய்
கவிழ்த்துவிட்டங்கு வேடிக்கை பார்க்க
கோமாளிகளின் உலகத்திலிருந்து சிலர்
புறாக்களைப்போல்
அலகிற்குள் அலகு புகுத்தி
உமிழ்நீரால் முத்தமிட்டுக்கொள்கின்றனர்.
நானோ உறைகளுக்குள்ளிருந்து
முத்தங்களை உருவியெடுத்துச் சுழற்றிக் களிக்கின்றேன்
முத்தங்கள் புனிதமானவை
ராதையின்
மயிற்பீலி போன்ற தாம்பாளத்தில் குவிந்திருக்கும்
கண்ணனின் முத்தங்களைப் போல.