Published:Updated:

சாதாபாரதியின் சகி

சாதாபாரதியின் சகி
பிரீமியம் ஸ்டோரி
சாதாபாரதியின் சகி

ஜான் சுந்தர் - ஓவியம் : வேல்

சாதாபாரதியின் சகி

ஜான் சுந்தர் - ஓவியம் : வேல்

Published:Updated:
சாதாபாரதியின் சகி
பிரீமியம் ஸ்டோரி
சாதாபாரதியின் சகி
சாதாபாரதியின் சகி

சிலிண்டர்காரனுக்குக் கொடுக்க
உரூவா இல்லாமல்
செல்லம்மா அல்லாடிக்கொண்டிருக்க
புலவர் பெருஞ்சபையில்
அயலகத் திரைப்படங்கள் குறித்த
விவாதத்திலிருந்தான் சாதாபாரதி.

அவள் மளிகைக் கடையிலிருந்து
அழைத்தபோது மாலிலும்
ரேஷன் புழுக்கத்தில் நெளிந்தபோது
ஏ.சி பாரிலுமிருந்து
பண்டிதருடன் சொற்சமரஞ்செய்து வந்தான்.

மன்னர் ரெட்டபூபதியைப் பொறுத்தமட்டில்
கொள்கைகளில் தனிச்சீருண்டு.

சிநேகிதரே யானாலும்
தானியமாய்த் தருவதில்லை
திரவமெனில் தாராளம்.

சாதாபாரதியின் சகி



வெறுங்கண்ணன்
குவளைக்கண்ணன் ஆனது
அந்தப் பருவத்தில்தான்.

தோசை மாவு
வாங்கி வருவதாய்ச்
சொல்லிவருஞ் சுப்பையா
‘தீர்த்த’க்கரையோரத்தில்
சுண்டல் பொட்டலத்தை அவிழ்த்து
அணில் வரக் காத்திருப்பான்.

கண்ணம்மாளின் மாரை வெறித்து
செல்லம்மாவுக்குக்
காமரஸங்குறைவென்பதுமுண்டு.

‘வாடகை பாக்கி வசூல்’
காண்டத்தினின்று வெளியேறிவிட
தேவி தவித்திருக்க
கள்வெறியேறி
தென்னங்காணியுள் கிடந்தான் கவி.

வால்விட்ட தலைப்பாகையினை
பதி சூடிப்பார்த்த முகூர்த்தத்தில்
கூறைப்புடவையைக் கீறி
தூமைத்துணியாக்கிக்கொண்டாள் சகி.