Published:Updated:

ஜேகேவின் நட்சத்திரக் கண்களும் சில மலையுச்சங்களும்

ஜேகேவின் நட்சத்திரக் கண்களும் சில மலையுச்சங்களும்
பிரீமியம் ஸ்டோரி
ஜேகேவின் நட்சத்திரக் கண்களும் சில மலையுச்சங்களும்

தி.பரமேசுவரி - ஓவியங்கள்: டிராட்ஸ்கி மருது

ஜேகேவின் நட்சத்திரக் கண்களும் சில மலையுச்சங்களும்

தி.பரமேசுவரி - ஓவியங்கள்: டிராட்ஸ்கி மருது

Published:Updated:
ஜேகேவின் நட்சத்திரக் கண்களும் சில மலையுச்சங்களும்
பிரீமியம் ஸ்டோரி
ஜேகேவின் நட்சத்திரக் கண்களும் சில மலையுச்சங்களும்
ஜேகேவின் நட்சத்திரக் கண்களும் சில மலையுச்சங்களும்

வெற்றுத்தாளைத் தரையில் விரித்து
ஒற்றைக்கால் மடக்கி
நாக்குநுனி வெளித்தள்ளி
காலம் மறந்தவளாய்
வீடு வரைகிறாள்
நான் அதற்குள் சென்று அமர்ந்தேன்

கீற்றுச் சிரிப்போடு குளமொன்று வரைந்து சுற்றிலும் சிறுசெடிகளை யமர்த்தினாள்
நான் நீந்தத் தொடங்கினேன்

சரசரவென்று மலையொன்றை எழுதிப் பாறைகளைச் செருகி வண்ணம் தீட்டினாள்
ஈரம் காயாதபோதும் மேலேறினேன்

அவளோரக் கண்களின் குறுகுறுப்பை
குறுநகையின் மர்மத்தை அறியாது பாடலொன்றை முணுமுணுத்தபடி
உச்சியை அடைந்தேன்
தயங்கிக் கடக்கும் மேகத்தை ரசித்துக்கொண்டிருக்கையில்

நீ
அழிப்பானை எடுத்து கீழிருந்து அழிக்கத் தொடங்கினாய்

என் செல்ல முயல்குட்டி
இப்போது உச்சிமட்டும் மிச்சமிருக்கும்
மலையின் எந்தப் பக்கத்திலிருந்து நான் குதிக்கட்டும்? 

ஜேகேவின் நட்சத்திரக் கண்களும் சில மலையுச்சங்களும்

ஒட்டுமொத்த விகடனுக்கும் ஒரே ஷார்ட்கட்!

ஜேகே வேறிடத்திற்கு மாறியிருக்கிறார் என்றாள் தங்கை
அதனாலென்ன
அததை அததற்குரிய இடத்தில் ஒழுங்காய்த் தைக்கச் சொல் இனிமேலாவது என்றேன்
மூன்றாம் நாளில் ஜேகேவிடமிருந்து அழைப்பு
தைத்த ரவிக்கையைப் போட்டுக் காட்டச் சொல்லி...
இளமுலையிலிருந்து வறுமுலைவரை
உன் பெருங்கொண்ட பார்வையில் அடக்கமாயிற்றே ஜேகே
சொற்களை ம்யூட் செய்தபடி ஹிஹி என்றேன்
எல்லாமும் எல்லாமும் இடம்மாறும் அபாயம்
பள்ளிக்காலத்தில் தொடங்கியது
ஓய்வுப்பணமெடுக்க வங்கிக்குச் செல்கையில்
கடைவாயிலில் நின்றபடி
இன்னமும் என்னை அளக்க முயலும்
ஜேகேவுக்கென்றே யொரு புத்தம்புதிய
புன்னகையொன்றைப் பரிசளிப்பேன்
நட்சத்திரங்கள் மினுக்கும் ஜேகேயின் பெருமிதக் கண்களில்
இப்போதும் எந்த மாற்றமும்
இல்லை.