Published:Updated:

கனவுகளைச் சலவை செய்பவள்

கனவுகளைச் சலவை செய்பவள்
பிரீமியம் ஸ்டோரி
கனவுகளைச் சலவை செய்பவள்

நெகிழன்

கனவுகளைச் சலவை செய்பவள்

நெகிழன்

Published:Updated:
கனவுகளைச் சலவை செய்பவள்
பிரீமியம் ஸ்டோரி
கனவுகளைச் சலவை செய்பவள்

து தவறுதலாகவே நடந்தது.
அவள் நினைத்தாள்
மாசுத் துணியென்று,
இல்லை.
பைத்தியம் தலைக்கேற
சதுரக் கல்லில் விசிறியடித்து
வெளுத்துக்கொண்டிருந்தாள்.
அத்தருண நான்
உரித்துத் தொங்கவிடப்பட்ட ஆடுபோல
கிடந்தேன்.
பிறகு செவியில்,
கொடியில்
உலறவைத்திருப்பதாகச்
சொன்னாள்.
சிறு மனப்பிறழ்விருந்தாலும்
நல்ல வேலைக்காரிதானவள்.
ஆனால்
எங்கே போயிற்றோ என் தோல் மற்றும் நரம்புகள்.

கனவுகளைச் சலவை செய்பவள்

கங்களை வெட்டுவதாய்
அன்பு நிறைந்த மனைவி கூறினாள்.
வெங்காயத் தொலிகளைப் போலான
விழித்திரைகளைத் திறக்காது தலையாட்டினேன்.
கட்டிலுக்கு வெளியே மூங்கிலென நீண்டுகிடந்த கால்களை
கீரைத் தண்டுகளைப்போல் அரிந்து வீசினாள்.
வெடுக்கென எழுந்தமர்ந்தேன்.
சிநேகரே பதற்றம் வேண்டாம்,
கால்களையென்றால் கால்களையல்ல இடுக்கில் வெடிப்புற்ற விரல்களை.
விரல்களையென்றால் விரல்களையல்ல,
அழுக்கு சேர்ந்த நகங்களை.

த்தனை காலம் மறைத்துவைத்திருந்த கனவுகள் பூசனம்பிடித்துவிட்டன.
போலவே நம்பிக்கைகள் புழுவைத்துவிட்டன.
அவைதான்
தற்போது நம்மிடையே
பறந்துகொண்டிருக்கிறன
இறக்கை முளைத்த பூச்சிகளாய்.
பொறுமையிழந்து
நாம் அவற்றை
ஒரே அடியில் கொன்றுவிடலாம்தான்.
ஆனால்
அதற்குப் பின் எழும்
சகிக்கவியலா முடைநாற்றம்...
அதை நினைக்கவே அருவருப்பாயிருக்கிறது. 

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism