சொல்வனம்!

##~## . உயில்மொழி

. எ ன்னுயிர் பிரியும் வேளையில் தலைமாட்டிலும் கால்மாட்டிலும் நின்றவர்கள் நீங்கள்தானா?

. இமைகளை மூடிவிட்டது எந்த விரல்கள்?

. நாடிக் கட்டுக்காய் கிழிக்கப்பட்ட துணி எவருடையது?

. அசுத்தங்கள் நீக்கி என் பிரேதத்தைக் குளிப்பாட்டி கபன் பொதிந்தவர்கள் யாரெல்லாம்?

. வியர்வை சிந்த எனக்கான கபர் குழியை வெட்டியவர்கள் எவர்?

. என் ஜனாஸாவைச் சுமந்து சென்ற தோள்கள் எவருடையவை?

. என் பிரிவிற்காய் கண்ணீர் வழிந்த கன்னங்கள் எத்தனை?

. என் வாழ்காலத்தில் உங்களைக் கடக்க நேர்ந்த பொழுதுகளில் உங்களுக்காகப் புன்னகைத்திருக்கின்றேனா நான்?

. - வி.எஸ்.முஹம்மது அமீன்

. நாராய்... நாராய்! செங்கால் நாராய்!

. நா ராய்! நாராய்! செங்கால் நாராய்! பனங்கிழங்குகளைப் பிளந்தன்ன அலகுடையோய்! நாராய்!

. அந்திவேளையில் தென்திசை நோக்கி நீ செல்லும் வழியில் குன்றம் தாண்டியதும் இலைகள் உதிர்ந்த பூவரச மரமிருக்கும்; அதனருகே - கூரைகள் பிரிந்த குடிசை வாசலில் அரசாங்கம் தந்த இலவசச் சேலையுடுத்தி பாலுக்கு அழுதிடும் பச்சைக் குழந்தையை இடுப்பில் ஏந்திக்கொண்டு நிற்பாள் பூவேறாத கார்குழலி ஒருத்தி.

. கரைதேடும் கட்டுமரம்போல அழுதிடும் குழந்தையிடம் ''இதோ அப்பா வந்திடுவார்'' என்று ஆறுதல் சொல்லியபடி கணவன் வரும் வழிபார்த்து நிற்பாள். அவளிடம் போய்ச் சொல்வாய்: ''உனது கணவன் டாஸ்மாக் சரக்கை மிதமிஞ்சிக் குடித்துவிட்டு மண்ணோடு புரண்டு மாரியம்மன் தெப்பக்குளம் அருகே மயங்கிக்கிடக்கிறான்'' என்று.

. - முத்து நாடன்

. அந்த நாட்கள்

. அ ந்த மூன்று நாட்களில் கோயிலுக்குள் செல்வது தீட்டாகவே இருக்கட்டும்... எந்த மூன்று நாட்களில் பெண் தெய்வங்கள் கோயிலுக்குள் இருக்காதெனக் கொஞ்சம் சொல்லுங்களேன்?